#هسة حبنة ذكريات
#بارت17
طب وويا عمي وعمتي
طببوهم لﻻستقبال ورحبو بيهم اني ضليت بغرفتي ماطلعت اجتني سما كلتلي كومي سلمي فدوة
باوعتلهة كتلهة سمى اترجاج عوفيني البية كافيني
كعدت ابجي اصﻻ دموعي من شفت حسام نايم يم بابنة ماوكف لحد هاي الحضة
ورة دقايق طب عمي وطبت ورا سمى مرتبكة اني كاعدة كبالة علجربايتي اجة باسني من راسي كلي احنة شاريج ومنريد غيرج تطب بيتنة
باوعتلة شرد علي يقنع روحة لو يقنعني
سمى كلتلي يلله بدلي
كمت لبست جبة سودة وشال جلد النمر ولو بيدي لبس اسود بأسود اجت ماما شافتني ضلت تباوعلي وكلسا تريد تحجي بس تسكت
شاورت سمى مدري شكلتلهة طلعت سمى واجت شايلة بيدهة فستان كلتلي لبسي هاذ احسن من الجبة انتي رايحة تعقدين غير تلبسين شي حلو
باوعتلهة اني بيا حال
كتلهة سمى اخذي الثوب ووخري من وجهي ﻻهسة احط نفط علة روحي واموت روحي واخلص
كلتلي يلله راح ارجعة بس لتضوجين
امي تباوعلي احس بعيونهة خجل مني
كملت تبديل عمو كال اذا خلصتو يلله خل نطلع
سﻻم طلع جنطنة وطلعنة خليت جهازي بجيب بنطروني ﻻن ماحب اشيل جنطة بيدي
طلعنة صعدنة بلسيارة كلنة ماعدا رسول ﻻن بعدة مااجة من الدوام ماما عافتلة نسخة مفتاح خاف يجي يم الجوارين
صعدت بلسيارة واني ادعي كون ماشوف حسام ماتمنيت شي بعمري بكد ناتمنيت انه ماشوفة

حركت السيارة والي خايفة منة صار
شفت حسام كاعد بلكاع ببابهم ويدخن من شاف السيارة وكف علة حيلة اني دنكت حتة ﻻيشوفني
اباوع بلمراية صار ورانة وينداار وية السيارة من تلوف اوووف ياكلبي قسما بلله احسة راد يطلع من صدري بهاي االلحضة
مشت ااسيارة واول مامبتعدنة عن حسام دك تلفوني هوة صامت بس حسيت بي ﻻن بجيبي مال لبنطرون
طلع حسام
بكدما جنت اتاني هاذ اﻻتصال واكعد ايام ابجي وادعي ربي انه يخابرني ويطمني علي بكد ماتمنيت لو مايتصل بية ﻻن اتصالة عبارة عن عذاب نفسي الي

لطريق كلة لجهاز احسة يدك بجيبي وكلما يدك احس صوتة ينخر بكلبي وروحي
حيبل تعبنة بلطريق وصلنة لقضاء الحمزة الشرقي العصر نزلنة فتحلنة الباب لؤي تلكانة فرحان ويضحك اول مرة اشوفة يضحك
دخلنة اني ميتة تعب طبيت لغرفة سمى سابقا بدلت وتمددت علجرباية
ورة شوية ندكت لباب عدلت روحي وكلت تفضل ﻻن عبالي عمو
جان يدخل لؤي كلي اريد احجي وياج راح اعوف لباب مغتوحة لتخافين كلت ﻻبوج قبل مااجي
كتلة تفضل
كلي باعي صحيح زواجنة راح يكون بس علورق بس اني راح اسويلج عرس حالج خال بقية البنات وكل الي تردي كولي ويتنفذ اي شي ببالج من افكار للعرس كوليهة واني اسويهة الج
ماببالي كلشي هاي لشغﻻت تدورهن الي راضية علة الزواج ومقتنعة بي موتدورهن وحدة مثلي وافقت علزواج علمود تسعد غيرهة
حتة اني وافقت علزواج علمود امي وابوي عادي هم مثلج
كومي شوفي لغرفة واي شي نقص بيهة لو شي ماعاجبج كولي
كمت طبيت للغرفة تخبل كلشي ماناقصهة تصميمهة تركي وحاطيلي شاشة وثﻻجة وبراد ونضدة فراش
شعﻻتهة لكيتهة كاملة وكلشي بيهة بس مالكيت بيهة حب سديت الباب وكعدت ورا ابجي فرفحت هاي لغرفة تمنيت ندخلهة اني وحسام هاذ لحجي تمنيت اسمعة من حسام هاي لجرباية تمنيت اني وحسام ننام عليهة ماتمنيت شي بكد ماتمنيت انام علة صدرة واغفة
ماتمنيت شي بكد ماتمنيت اكعد لصبح واصبح بوجهة متنجية علباب حسيتهة ندفعت كمت رأسن دخلت مرت عمو مسحت دموعي رأسن كلتلي شبيج ماما ليش تبجين دنكت وسكتت
جرتني حضنتني كلتلي والله احطج بعيوني سمى حجتلي كلشي لتبجين بنيتي صدكيني الي يقسمة ربج بي صالح النة بس احنة مانفتهم يجي يوم وتذكرين حجي كلنة حبينة ونعرف لحب شنو بس صدكي الحب موكلشي بلحياة الحياة بيهة هواي شغﻻت اهم من الحب
اوووف شكللهة اكللهة نايم يم اباب بيتنة اكللهة يبجي علية مثل الجهال كلهة حبت بس محد حب مثل حسام
طلعت من لغرفة رحت لغرفة لؤي تمددت ﻻن سمى وسﻻم نامو بغرفتهة قبل متتزوج وماما وبابا نامو بلصالة ولؤي نام بﻻستقبال
عيوني مايجيهن لنوم هية الحالهة مثل حالي تكدر تنام
فتحت تلفوني 4 رسائل و12 مكالمة من حسام بعدني مافاتحة الرسائل دك
مادري شصار بية عبالك ملك لموت متصل علية جسمي كلة كام يرجف
فتحت خط
عدلت صوتي وحاولت قدر ﻻمكان اكون طبيعية
الو
مارد
حسام تسمعني
ماكو
الو حسام ليش مترد
كام يشهك وختنك
ااااوف عسني متت كون عسن الله اخذ امانتة قبل ماشوف هاذ ليوم يابعد عيوني عيونك اليبجن علية
يابعد روحي روحك المفرفحة وصوتك المنبوح

ليش ديما ليش
شنو حسام
ولج ﻻتغشمين روحج رايحة تعقدين ديما ليش هيج تسويلج وهيج تجازيني
شكد حبيتج هاذ جزائي وجزاء تعبي ولج صارلي 3 ايام اغفة بباب بيتكم كتلج كلب حسام اول مرة يضوك الحب ولوعتة ليش هيج تسوين بية
ليش دخلتيني حياتج وانتي موكد الحب موكد الوفة والتضحية انتي جبانة واصﻻ ماحبيتي اليحب مايستسلم بسهولة اليحب يصبر
#ماتعرف تحب تجبرني احبك ليش
وبيدي كلبي مفرفح عليهة بنية كلبي جاي تضيع من ايدي واني واكف عاجز موطالع بيدي شي اسوي
احجي وياهة ساكتة متجاوبني صارلي 3 ايام ابات يم بيتهم مفرفح علة شوفتهة

ضليت ساكتة شكلة اكلة اهلي اكلو كلبي بملحتهم ولومهم الية اكلة اخوي وصل للموت بسببي اكلة مريوم الهة اكثر من 3 اسابيع ليل مع نهار تصرخ ونزلت كيولين من القهر علة امهة
ماحجيت غير كلمة وحدة كتلة شلون عرفت اني جاية اعقد
من شفتكم طلعتو كلبي نغزني حييل وحسيت اكو شي طلعتج من البيت موخالية وعمج وجودة كلش يقلقني ومن دكيت عليج ومارديتي تاأكدت اكو شي
اتصلت على فاطمة صديقتج عن طريق محمد وخليتهة تخابر مرت اخوج ومن عدهة عرفت
ﻻن جهازج جان مغلق
حسام
سكت
اني احبك
ميجاوب
حسام
هايبعد العافية
احبك
لعد ليش ماصبرتي ديما ولج والله ماعوفج لو ﻻخر يوم بعمري ومايوكف بوجهي ﻻلقسمة وﻻغيرهة ولؤي اني اعلمة الة اندمة عليوم الي نخلق بي
حسام فدوة اروحلك انساني حبيببي والله ماتحصل مني غير لتعب
واني اريد التعب
ماطول بعدج تحبيني ماعوفج انتي مابيدج شي ﻻن بنية بس اني رجال وبيدي كلشي
شنو قصدك حسام
مالج شغل
ندكت لباب
سديت لتلفون وكمت فتحتهة
لؤي
ها لؤي تغضل
اريد تؤاك مالتي بلكنتور
شلون شكلة
رصاصي وبي احمر
رحت طلعتة من لكنتور
نداريت اريد انطي الة لكيتة وراي
خفت حيل من نضراتة
ويامن جتي تحجين
ماجنت احجي وية احد
جر تلفوني من لجرباية
شتسوي ليش تاخذ تلفوني
اني خطيبج ومن حقي
عود من تعقد علية كول اني خطيبج
شوفي ديما من كتلج زواجنة بس علورق مومعناهة تلعبين من وراي ديري بالج بيوم من اﻻيام تستغفليني وانتي علة ذمتي ترة اندمج علة عمرج وحق من سماج ديما .
...يتبع
