#هسة حبنة ذكريات
#بارت10
باوعت من لزرف جان اشوف😲
حسام
يابعد طولي اروح فدوة لهلطول ولكشخة يمة نتهيت من شفتة افيش ياهلوجه الحلو
حسيت صوت وراي نداريت بابا جاي يلبس بشحاطتة
هاديما شعدج واكفة هنا
ها بابا هاي لباب ندكت وداشوف منو
طبي اني اشوفة
طبيت ركض وكفت ورة شباك المطبخ مضلل
حسام ليش جاي
اباوع بابا سلم علة حسام ودخلة ويا
يمة اروح فدوة لهلطول شكد مشتاقتلة ريحتة ترست بيتنة ﻻبس بنطرون بيجي بوري وقميص سمائي فاتح كوولش وحذاء نص بوت اسود ولشعر كصتة مارنز
ومن الصفح شكلة كوولش يشبه محمد عساف يمة احس كلبي طار من شفتة
دخلة بابا لﻻستقبال واني ضليت بلمطبخ رايحة جاية اريد اعرف شعدة حسام جاينة
لهناك اجة بابا كلي سوي جاي لكاني صابة شربت وكيك
ضل يباوع علية بعدين كلي
شعدنة عرس هوة جاي كلش كافي علي هاذ
اوووف بابا لسا يكرههم وموراضي ينسة سالفة ابن خالي
سويت لجاي ورحت ورة باب ﻻستقبال اريد اسمع شيحجون طلع بابا لكاني واكفة ضليت فشﻻنة كلي
شعدج واكفة هنا امشي روحي جيبي لجاي
جبتلة لجاي واجيت دكيت لباب علة كيف من فتح لباب دياخذة حسام صار كبالي بس بابا مغطيني حسام مال راسة حتة يشوفني ندار بابا وشافة ديحاول يشوفني رأسن كلي روحيي و طبك لباب حيييل
طبيت لغرفتي وكولش خايفة ماعرف شصار جوة
لهناك سمعت صوت باب ﻻستقبال نفتحت ركضت وكفت بلمطبخ ورة لشباك داشوفة
حسام جر حذائة وديلبسة وكف يم شباك لمطبخ ﻻن جان اكو مي بلكاع اني راشتهة وبس هاذ المكان يابس وجهة صار علية ونضرة عينة علة رجلة
اباوع علة وجهة واتفحص مﻻمحة حواجبة طابكهن ومخنزر وشكلة مزعووج كولش معقولة بابا رزلة ﻻن شافة ديباوعلي
مشتاقتلة حييل بيني وبينة جامة بس
بدي افلشهة وابوسة من كل مكان بوجهة رفع راسة عينة اجت بعيني حسيتة شافني
بتسملي
اي والله شافني
حبيبي فدوة لكلبة
رسمتلة كلب علشباك وااشرلة علة كلبي واكلة احبك وهوة يباوعلي
بعدين طلع وبابا سد ورا لباب بس ركعة حييل وطب يتأفئف
طبيت لغرفتي ركض خابرتة
دكيت 3 مرات ماجاوبني كلت خاف ﻻن بلشارع مارد عفتة ادري بي من يشوف اتصالي رأسن يرجع يدك علية
ورة شوية سمعت صوت مريوم تصرخ بعدة سﻻم ماطاب للبيت واسمع صوتهة اووووف يامريوم لوتدري بيهة سمى تتخبل والله
جانت بس تبجي تركضلهة تسكتهة
طب سﻻم اخذتهة منة وافتر بيهة بلبيت دك تلفوني
ركضت علة سﻻم كتلة تلفوني يدك اخذهة مني
كلي اريد اصلي
منو يدك عليج
صديققتي
عود بعدين حاجيهة
طبيت لغرفتي اريد اشوف تلفوني مع انو ادري محد يدك علية غير حسام
باعوت هوة شلتة وخليت ومريوم علجرباية
الو حبيبي شلونك
لحمد لله . صوتة مبحوح وكوة يحجي كلبي وجعني من سمعتة
كتلة شبيك حبيبي
بعدة ديجاوبني مريوم صرخت
صوتهة بأذاني ماسمعة شيكول
شلتهة اريدهة بس تسكت ماكو
شنو حبيبي عيد ماسمعتك
سمعت صوت
نداريت سﻻم فاتح لباب وطاب رتبكت كلش ورأسن سديت لتلفون
كلي ويامن تحجين
وية صديقتي
اجة صار قريب علية صفن بوجهي واني اباوع علي وخايفة بعدين كلي جيبي مريوم كتلة موتريد تصلي خليهة يمي
جرهة من ايدي وماحجة
معقولة سمعني
هسة اني شكو كتلة صديقتي لوكايلتلة لؤي مواحسن اقلها مجان شك بية
طلعت بلمطبخ اريد اسوي عشة كعدت علميز داكشر بيتنجان احة خسام صاح ديمااا
ها ها
مبايلج صارلة ساعة يدووك متسمعي منو هاذ جاي يدك عليج هلكد وشكو قافلة غرفتج
ها مادري والله
امشي جيبي وتعاي ركضت طبيت للغرفة غيرت اسم حسام بسرعة كتبت فاطمة محمد
بعدني جاي امسح بلرسائل صاحني حييل خفت من صوتة ركضت نطيتة لمبايل وكلبي احسة صار بين رجلية فتحة رأسن دخل علمكالمات كلي هاي شدعوة هلكد تحجي وياج فاطمة شنو ميخلص رصيدهة
عدهة خدمة
دك علرقم اني نتهيت
دك لتلفون اني كعدت علطبلة بعد مابية اوكف من لخوف خلصت لدكة وهوة مارد
رجع دك يمة نتهيت من لخوف
هم مارد لحمد لله
ادية ورجلية صارن ثلج ماحس بيهن من لخوف اني استاهل كلة صوجي جان ﻻزم اخلي رمز
نطاني لتلفون وراح بس شكلة شاك بية ﻻن اول مرة هيج يتصرف وياي
كملت لعشة وصبيتة طبيت لغرفتي حتة مالي نفس اكول بابا اخذ مريوم وراح يم جيرانة عدهم جهال تسكت من تشوفهم ماما طبت لغرفتهة وسﻻم طلع يشتري جكاير
ركضت للغغرفة اخابر حسام
دكيت اول مادك شالة
الو شلونك حبيبي
مارد علية
حسام
اسمع بص صوت نفسة عبالك واحد منشول
حسام حبيبي داتبجي
ابوج ماقبل ديما
علة شنو ماقبل
ععود ردت اسويلج مفاجئة اني ليوم من اجيت خطبتج من ابوج بس طردني وكلي ماعدي بنية للزواج كتلة وديما كلي اوﻻ ديما مخطوبة ﻻبن عمهة ثانيا انتة منين تعرف اسمهة وفتحلي مجلس تحقيق ومن شافني اباوعلج ستلمني رزايل تالي كلي كوم روح لبيتكم ومرة ثانية دير بالك تدك بابي
متت من كلي كلبي جان حاس اكو شي من نضرات بابا ومن تصرفات سﻻم ليوم شكيت اكو شي
يتبع، ،،،،
