الحلقه الرابعه ❤ انتى النبض انت الروح ❤
مهره قامت مفزوعه وبصتله بشراست أسد وقالت :يلا يا أما
سعاد :ايه يا بت مالك احنا كنا قعدنا حاجه علشان نمشى
مهره بزهق وصوت عالى :مش هقعد عايزه تقعدى انتى اقعدى انا ماشيه
سامر كان بارد زى ما يكون ما عملش حاجه ومستمتع جدا بالنظرات الجريئه إللى عمال يبصهالها
امجد :طب استنى يا سعاد اتغدى معانا
سهير نغزته باديها فى جنبه
سعاد خدت بالها وقالت :لا يا أخويا مالوش لزوم مرة تانيه وألقت نظره عدائيه على سهير ومشيت
حسن قاعد زهقان عمال ينفخ ويهز فى رجله ويتكلم مع نفسه : راحو فين ده كله ايه آخرهم كده يا ترى يا مهره غيبتى عنى فين كل ده ما وحشتكيش هموت واشوفك حاسس انى بموت وانتى بعيده عن عينى
سعاد فى اللحظه دى جت شافته وهو بيكلم نفسه وقالت :سلامة عقلك يا أخويا ماكنت كويس ايه جرالك
حسن بخضه :بسم اللة الرحمن الرحيم ايه يا خالتى حد يدخل على حد و هو بيكلم نفسه كده وبص لمهره بهيام وقال:حمدالله على السلامه قلقتونى عليكوا كنتوا فين ده كله
سعاد :لا بعد كده هخبط وبعدين انت شاغل نفسك ليه كنا فين ولا ما كناش فين خليك فى نفسك
مهره اتضايقت من كلامها مع حسن وقالت بزهق واضح انا رايحه افتح الدكان وراحت تفتح لسه هتوطى حسن راحلها وقال بزهق قلت مية مره قبل كده ما توطيش فى الشارع الكلام يتسمع وسعى كده
مهره طبعا فرحت من غيرته الواضحه
سعاد بغيظ قالت :انا هروح احسن ما يجرالى حاجه
حسن :مع الف سلامه يا خالتى
سعاد :تك خوت
حسن بص لمهره وقال بمرح :بتموت فيا خالتى دى بتموت فيا ناقص تولع فيا بس خايفه من العداله
مهره ضحكت بصوتها كله وهو سرح فى ضحكتها وفى غمزاتها إللى ظهرت وقال سبحان المبدع أهدى عليا شويه والنبى مش حمل الضحكه دى وبعدين كمل فى سره اللهم اغزيك يا شيطان بصلها وقال:احم احم محتاجه منى حاجه تانى يا ست البنات
مهره بكسوف وصوتها مش طالع :شكرا
٠••••••••••••••••••••••••••••
معتز راجع من شغله مهيبر على الاخر ومشغل شعبى فى عربيته وعمال يغنى ويعمل حركات بايده وهو بيغنى (المفرود انه يرقص😂)
معتز :انا حبيتك وجرحتينى انا صنتك لكن خونتينى انتى اكيد مش بتحبينى
فجأه شباب ماشين ورا بنت وبيضايقوها وهى تكاد تكون بتجرى وقف العربيه ونزل جرى يلحقها ووصل لعندهم و ابتدى يضرب الشباب هما خافوا وجريوا
بص على البنت لقاها نسمه
وهى بتقول بضحكه بلهاء :عاااااش يا شبح
معتز اتفاجى بيها وقال :هو انتى طب انجرى قدامى يا حيوانه
نسمه :ايدك ايدك ايدك لقطعهالك يا شبح احترم نفسك كده وكن محترم
معتز بنفس نبرة المرح :كن محترم طب يلا يا محترمه قدامى علشان اوصلك
نسمه وفردت ايديها الاتنين ووقعت كتابها فى الأرض (بتردح يعنى ) توصل مين يا الدلعدى روح يا أخويا جامعه الدول هتلاقى على قفا مين يشيل نفسه فى التوصيله دى
معتز فاتح بوقه مش مصدق إللى بتعمله وقال :هقطعهولك من لغاليغه بس تبقى ملكى يا جميل وبعدين فى واحده محترمه تردح لجوزها فى الشارع
نسمه وقد فقدت عقلها مما يقوله قالت :نعم نعم نعم جوز مين يا حيلتها روح يلااااا لأمك احسن بتندهلك وسابته ومشيت
معتز :سافله مش عارف بحبها على ايه بس مزه يخربيتك
ركب عربيته وفضل ماشى وراها لحد ما وصلت
٠•••••••••••••••••••••••••
فى مكان آخر (ملهى ليلى)
سامر قاعد يشرب خمره وبيتكلم مع صاحبه :بس هموت عليها يا فهد بجد البت فرسه مافيش كلام
فهد:يا ابنى اتهد انت ما بترحمش
سامر :والنبى اتلهى انت لو شفتها هتريل عليها بس على مين مش هسيبها تفلت من تحت ايدى
فهد بنرفزه :ولاااااااا البت باين عليها محترمه مالهاش فى الوساخه بتاعتك دى سيبها فى حالها
سامر :على جثتى
بس قدامه لقى شوشو جياله ماشيه بدلع بلا حياء وملابسها تفضح اكتر مما تستر
شوشو وقعدت جنبه تكاد تكون لازقه فيه وبتمشى ايديها على خده قالت :ايه يا بيبى ما وحشتكش ما جتش امبارح ليه
سامر بابتسامه خبيثه :لا انا كده وحش اوى بقى
شو شو :تؤ تؤ تؤ ما تقولش على نفسك كده يا بيبى انت سيد الرجاله
سامر :أموت انا بقى تعالى يا قلبى
شوشو بضحكتها الرنانه :يلا يا روحى
شدها لمكان الرقص وقعد يرقص ويلامسها بتقزز وهو فى ايده الكاس ..............
*••••••••••••••••••••••• *
عايزه تحفيز
الجوهرة حسناء عزام ❤
