الحلقه الثامنه
❤انتى النبض انت الروح❤
عند سامر .........
صوت الجرس بيزيد مش راضى يبطل
سامر بزهق :ايوووووووه يا إللى بتخبط اهدى شويه فى ايه الدنيا طارت اووووف
فتح الباب واتصدم باللى قدامه
فضل واقف فاتح بوقه ومتنح
شاهى بدلع وهى داخله وبتزقه فى صدره بايديها علشان يوسعلها تدخل :اييييه يا بيبى ده كله علشان تفتح
سامر بخوف وتلعثم لحياة تسمع وبصوت واطى : ايه إللى جابك هنا الله يخربيتك ووطى صوتك ده شويه وعمال يبص ناحيه الاوضه إللى فيها حياة بخوف
شاهى بعد ما قربت منه وبتمشى ايديها على صدره بجرأه :ايه يا بيبى بس ايه المقابلة دى هو انا ما وحشتكش ولا ايه
وبتقرب شفايفها من شفايفه وبتهمس ....هتفضل مصدوم كده كتير
حس سامر بشفايفها اتجاوب معاها فى البدايه وبعدين افتكر حياه جوه لتخرج وتشوفه
سامر بعد عنها بسرعه
سامر وبيبعدها عنه :امشى دلوقتى يا شاهى وهجيلك بليل
شاهى :هو انا لسه هستنى لبليل لا احنا فيها اهوه وبتكمل كلامها بصوت عالى وهو داخله جوه
حياة من جوه سامعه صوت واحده استغربت وقامت تجرى تشوف مين
فجأه وقفت مصدومه وحطت ايديها على بوقها وبتعيط بشهقات عاليه
سامر جرى عليها حياة افهمى دى شاهى كانت جايه ...
حياة مقاطعه بصريخ وحطه ايديها على ودنها :بس بس بس انت ايه يا شيخ حرام عليك
هو حاول يحضنها علشان تهدى بس هى قاومته وزقته بعيد عنها
شاهى بتريقه:والله يا استاذ هى دى إللى خايف منها ما كنتش اعرف انك كده خااالص وبصت لحياة بسخريه وغرور
سامر بزهق:اخرسى يا شاهى واطلعى بره دلوقتى
شاهى :طب ما تتأخرش بليل تيك كير بيبى
حياة بعياط :ابعد عنى يا سامر انت مافيش فايده فيك عمرك ما هتتغير هتفضل تمشى ورا شهواتك وبس عمرك ما هتراعى مشاعرى ابدا انا اه بحبك لا مش بحبك انا بعشقك لا انا بتنفسك انا مجنونه بحبك انا تعبت منك رضيت اتجوزك من من غير علم حد علشان بحبك وعايزه اكون جنبك هو اه عند مأذون بس ماحدش يعرف انا غلطت وادينى بدفع تمن غلطتى ربنا يسامحنى بقى ويسامحك
اتنهدت وقالت ابعد عنى يا سامر انا ماشيه تتطلقنى يا سامر فاهم
سامر جرى عليها بخوف وحضنها من ضهرها ودفن وشه فى رقبتها وبهمس :لا يا حياة ابوس ايدك ما تبعديش عنى انتى الحاجه الوحيده النضيفه فى حياتى انا بحبك ايوه بحبك انا عارف انى شهوانى قذر بس بس هههتغير ععلشانك بس اوعى تبعدى عنى علشان خاطرى
حياة بجمود :حتى لو قولتلك انى حاامل
سامر بصدمه :ايه حامل
حياة بسخرية :هه شفت لما دخلنا فى الجد عملت ازاى وسابته ودخلت تلبس
سامر وقف مصدوم وبعدين شويه وفاق وجرى ع الاوضه
انتى حامل من امتى يا حياة
حياة بسخرية :ده كله ومش واخد بالك بحملى للدرجادى مش فارقه معاك ولا حاسس بيا انت ليك شهواتك وبس صح
سامر :ردى على سؤالى يا حياة
حياة باقتضاب :من شهرين
سامر :وما قولتليش ليه من الاول
حياه بدموع :خوفت تقولى نزليه انا عايزه ابن منك لما انت تسيبنى أهو هو يبقى جنبى ويفكرنى بيك واشم ريحتك فيه
سامر بزعل :ياااه هى دى فكرتك عنى للدرجادى انا قذر فى نظرك يا حياة
حياة بدموع :يا سامر ارحمني انا بحبك وعايزاك جنبى
سامر قرب منها ومسكها من وسطها وبهمس :البسى هروح اطلبك من اهلك علشان اتجوزك
حياة بفرحه اترمت فى حضنه وقعدت تبوسه من رقبته بجد بجد يا سامر مش هتتخلى عنى انا بحبك بحبك اوى اوى
سامر :وانا كمان بعشقك يلا البسى وحددى ميعاد علشان اجيلكوا
حياة بفرحه وهى بتجرى:حاضر حاضر
٠•••••••••••••••••••••••••••••••••
عند أسماء فى بيتهم
شيماء قعده معاها فى اوضتها
أسماء :وربى لوريها الجربوعه إللى ما تسواش فى سوق الحريم نكله انا تضربنى وتبهدلنى انا سكت بس علشان حسن وبرده هيبقى ليا انا وملكى انا فى الاخر
شيماء بهدوء وعدم رضا :يابت اعقلى الراجل بيحبها وده باين اوى سبيه فى حاله بقى وشوفى حالك انتى كمان
أسماء بغضب :شيماااااااء ما تجننيش مين ده اللى بيحبها حبها برص بنت الديخه دى حسن ليا انا ومش هيبص لغيرى أبدا
شيماء بهدوء :ماشى خلينى معاكى لاخر ما بيحبهاش ولا بيحبك تقدرى تقوليلى لو عايزك ما جاش اتقدم ليه ما انتى قدامه علطول وبتتمنى انه يلمحلك حتى وهو عارف ده كويس ها ردى يا ست الاستاذه
أسماء :وحيات ابوكى من غير تريقه بس هيتقدم اطلعى انتى منها بس هو اكيد لسه بيجهز شقته هصبر عليه
شيماء وفاض بيها خلاص :انا تعبت منك يا أسماء بجد بس براحتك وافتكرى انى حذرتك كتير
أسماء بنرفزه وخبطتها بالمخده فى وشها بقولك ايه قومى روحى لأمك اتخنقت منك عيله سو
شيماء بتجرى بضحك :بقى كده ابقى تعالى اتحايلى عليا علشان اجى اقعد معاكى سلام يا قطه
أسماء :لا يا اختى مش هاجى سلام
••••••••••••••••••••••••••••••••••
فى بيت محمد الدسوقي
مهره ونسمه بيجهزوا للفرح
مهره تروح قدام المرايه تحط لمساتها الأخير وتبص على نفسها برضى
واقفه فاتحه بوقها علشان تحط كحل ويتكلم نسمه :الا قوليلى يا نونه شكلى حلو
نسمه واقفه وراها وبتبص عليها من المرايه باعجاب وبتصفر :الا حلوه لا مزه مزه يعنى ده الفرح كله هيقف على رجل علشان حلاوتك دى النهارده
مهره بحب وهيام :انا مش عايزه حد من الفرح انا عايزه حسن بس تفتكرى هعجبه يا نونه
نسمه باعجاب :يالهوى انتى بتسالى ده الراجل واقع خالص انتى عجباه بأى شكل
وبتوعد مااااشى يا ابن شوقيه ان ما وريتك
مهره بضحك بس يا مفتريه الراجل ميت فيكى خاالص
نسمه ونطت بفرحه بجد يا مهره باين عليه
مهره بخبث :باين عليه بس ده مكتوب على وشه انتى وهو مفضوحين اصلا بس نحترم نفسنا لحد كتب الكتاب بس وبعدين اعملى إللى انتى عايزاه نسمه بهيام :حاضر يا رورو ويلا نمشى اتاخرنا
مهره :يلا
٠•••••••••••••••••••••
❤حسناء عزام ❤
