الحلقه التاسعه
❤انتى النبض انت الروح❤
فى الفرح ........
حسن ومعتز واقفين مع بعض وكل واحد منهم فى وادى كل واحد بيدور على حبيبته
حسن بيراقب بعنيه كل البنات إللى واقفه يمكن يشوفها فى وسطهم بس لاسف ما لقهاش
معتز عمال يتلفت حواليه يمكن يشوف جنيته إللى مجنناه بشقوتها أد ايه هى وحشاه
فجأه حسن قال :بقولك ايه انا رايح مشوار وجاى فى السريع
معتز :استنى استنى استنى ايه يا شبح هتروح فين وتسيبنى واقف لوحدى كده
حسن بضيق :رايح اشوف مهره بدور عليها ومش شايفها
معتز :لا يبقى تاخدنى معاك
حسن باستغراب :أخدك فين يا بهيم انت بقول هدور على مهره انت مالك انت
معتز :يا عم افهم مهو اكيد نسمه مع مهره وانا كمان بدور أهو ومش لامحها خالص عايز اروح اشوفها معاك
حسن :اه ماشى بقولك ايه البومه سعاد قاعده هناك اهيه تعالى نسألها عليهم
معتز :دى هتنفخنا يا حسن بلاش
حسن بإصرار :امشى بس وسيبها على العبد لله
عند سعاد قعده مع الستات تصقف وتقول معاهم الاغانى المعتادة فى الأفراح ........
جه حسن من وراها وخبط على كتفها بصتله وقالت :عايز ايه يا ولا
حسن بغيظ مكتوم :تعالى يا خالتى بس عايزك ولنفسه عازك عزرائيل يا شيخه
طب استنى البس الشبشب .......
يلا قدامى
مشيوا بعيد شويه عن الدوشه
حسن :امال يا خالتى فين البنات انا قلقان عليهم هما ما جوش معاكى
سعاد :لا ما جوش يا ولا انت قلقتنى عليهم كده الجو ليل وهما اتأخروا
حسن :لا يا خالتى ما تقلقيش هاخد تاكسى واروح اجبهم
سعاد بخوف وتردد :م م ماشى بس إياك يشتكولى انك دايقتهم بقولك اهوه
حسن :لا يا خالتى عمرى هجبهم وأجى هوا
حسن خد تاكسى هو ومعتز ووصلوا عند البيت ونزلوا
حسن :خمسه ي سطى هنجيب البنات وننزل بسرعه
طلع حسن ومعتز يشفوهم وأثناء صعودهم
نسمه كانت سبقت مهره ونزلت توقف تاكسى
معتز شافها وقف تنحلها
كانت لابسه فستان زهرى رقيق جدا وجميل ومخليها حلوه اوى وطرحه اوف وايت ومزينه عنيها بالكحل
حسن سابهم وطلع يشوف حبيبته
معتز وقف قدامها ما كنتش خرجت من العماره لسه
معتز بتوهان من جمالها إللى خطفه وجننه :انتى مين
نسمه بتضحك بغنج :سلامة الشوف يا حبيبى
معتز وفاق على الكلمه الاخيره وقرب منها جدا وبهمس :يا ايه
نسمه ارتبكت من قربه جدا وبتطلع الحروف بصعوبه :م م مش فاكره
معتز بتصميم :لا فاكره انتى قولتى يا ايه
نسمه بتوتر :م م معتز ما ينفعش كده حد يشوفنا
