الحلقه الثانيه عشر
❤انتى النبض انت الروح ❤
فى بيت حسن كان قاعد على سريره عارى الصدر ينفث دخانه بزعل وغيظ جامح من حبيبته التى بسببها لم يذق للنوم طعم فى هذا المساء
حسن لنفسه مااااشى يا مهره بقى انا كلمتى ما تتسمعش انا هوريكى واعرفك ازاى كلمتى ما تتنفذش
حبك ده بقى لعنه يا مهره
قلبى بحبك تعبنى ما بقتش اقدر انام من تفكيرى وشوقى ليكى
وخوفى لتروحى من ايدى .....
بس لا عمرى ما هسمح بده أبدا انتى ليا انا وبس ملكى
تليفونه قطع تفكيره
بص عليه لقاه نمرة فتح
حسن بصوت يسيطر عليه الزعل :الوووو
مهره اتنفضت لما سمعت صوته خايفه من رد فعله لما يسمع صوتها بس خلاص خدت قرارها ولازم تكمل
مهره بخوف وتلعثم وصوت مهزوز :آآآلووو يا حسن
حسن بصدمه :مهره
مهره بصوت باكى:ايوه يا حسن مهره إللى هانت عليك تسيبها وتمشى وما تسالش فيها حتى
حسن بعتاب:ومين السبب يا مهره ها ...مين السبب ردى ا
انا حذرتك من طلوعك ع المسرح ورقصك قدام الشباب إللى كانوا بياكلوكى بعنيهم ....
انتى عارفه لما شفتك وشفت نظراتهم ليكى ....عارفه حسيت بايه
حسيت انك طعنتى سكينه فى قلبى
انا عندى تحكمى عليا بالموت أهون من ان حد يشوف طيفك حتى يا مهره
مهره بعياط:سامحنى يا حسن مكنتش اقصد ان يحصل ده كله انا كان كل همى بس البت المسهوكه إللى اسمها أسماء هى إللى طلعت ترقص وكانت عماله تتمحك فيك وانا ما اقدرش اشوفها بتقرب منك واسكت
حسن وفرح من غيرتها عليه بس ما حبش يبين
وانتى شفتينى بصتلها اصلا ولا اديتها اهميه وعلى فكره انا ماكنتش واخد بالى منها اصلا ...
علشان تعرفى انك متسرعه وبترمى كلامى الارض
مهره بشهقات عاليه:كده يا حسن ده كله علشان بغير عليك وبحبك وما استحملتش حد يقرب منك انا اموت يا حسن لو حد قرب منك غيرى انت بتاعى انا بس انت فاهم
حسن وخلاص رفع الرايه واستسلم لحبه :خلاص يا روح حسن وعمر حسن كله بطلى عياط دموعك دى نااااار بتقيد فيا خلاص يا ست البنات كفايه بقى
ومهره وبدأت تهدأ:بجد يا حسن يعنى مش زعلان منى
حسن:بجد يا روح حسن
بس اول واخر مرة تكسرى بكلامى يا مهره
مهره بطاعه :حاضر يا عيون مهره ....يارب اموت لو كسرتلك كلمه تانى
حسن بلهفه وخوف:بعيد الشر عليكى يا حبيبتي اوعى تدعى على نفسك تانى ابدا
انتى قلبى إللى بينبض
وكل نبضه منه بتثبت احتلالك ليه انا بعشقك يا مهره قلبى بمووووووت فيكى
