الحلقه العاشره
❤انتى النبض انت الروح❤
سهير :أنت اكيد بتهزر يا سامر صح ...... لا لا انت مش ابنى مش معقول انت سامر تفكيرك اتغير 180درجه ليه
للدرجادى ضاحكه عليك وانت زى الاهبل وراها هتلاقيها بس حلوه حبتين ولا حاجه .......
راضيها وقضيلك معاها ليلتين وريح نفسك وريحنى من الهم ده
سامر بغضب حاول انه يخفيه :يا ماما افهمى حياة مش اى واحده حياة انضف وأشرف واحده قابلتها فى حياتى .......
يا ماما انا ما صدقت انى على ايديها بحاول اتغير ......
انا بحبها اوى اوى بلاش تقفى قصادى علشان خاطرى سبينى أفرح
سهير بتكبرها المعهود:سورى وانا مش هسمح ان ابنى يتجوز اى واحده وخلاص
سامر موجه كلامه لامجد:يا بابا حضرتك رايك ايه احضرنا لو سمحت
امجد بتفكير :والله يا سامر دى حياتك انت ...وانت إللى هتتجوزها وهترتاح معاها أو ما ترتاحش انت أدرى ده شئ يخصك
وكمان انت عارف انى اتمنى انك تتغير وتبقى راجل كده بدل العك بتاعك ده
سامر بفرحه عارمه:حبيبى يا بابا ربنا يخليك ليا يارب
سهير بغضب :وانا قولت لأ لما اشوف راى مين هيمشى بقى
سامر خلاص فاض بيه بس حاول يهدى علشان الجوازه تتم قام وقعد جنبها وحضنها وحط راسه على كتفها وبصوت هادى كأنه بيترجاها :يا ماما حرام عليكى يعنى انتى مش نفسك تشوفى ابنك فرحان وسعيد كده فى حياته مش نفسك تشوفيلى بيبى صغير قمر زيك كده
سهير وبدأت تلين:آآآ نفسى بس مش من البنت دى سيبنى انا اختارلك
سامر بيبوسها من خدها وايديها :ومالها حياة بس يا ماما بالعكس انتى هتحبيها اوى اوى سبينى أفرح يا ماما علشان خاطرى قالها بترجى وفضل يبوس فيها
سهير وفقدت الأمل ان سامر يغير رأيه وفى نفس الوقت ما تقدرش انه يبعد عنها وتخسره ده ابنها الوحيد :ماشى يا سامر امرى لله لما اشوف آخرتها حددلنا ميعاد معاهم
سامر بفرحه حضنها جامد:تعيشى يا ست الكل ربنا يخليكى ليا .......
ايه رايكوا بكره الساعه 8
امجد :ماشى يا حبيبى تمام يناسب معانا ... ربنا يسعدك ويهديك
سامر راح لباباه وباس ايده:ربنا يخليك ليا يا حبيبى
٠•••••••••••••••••••••••••••••••••
عند أسماء نزلت مستنيه شيماء تحت قدام البيت وكل شويه تبص فى ساعتها وتنفخ
وشويه ولقتها وصلت
أسماء :أخيرا يا هانم شرفتى انا هخنقك ايه يابت اللكاعه دى انتى مش قولتى هتصلى العشا وهتيجى ايه ده كله
شيماء بضحك :اهدى اهدى ما اتاخرناش كتير يعنى
وبعدين ايه إللى عملاه فى نفسك ده انتى اتجننتى
أسماء كانت حاطه ميكب كامل وظاهر أنوثتها جدا وفستان ضيق ورقبتها باينه من طرحتها
أسماء:ايه مالك ما انا زى الفل اهوه بزمتك مش مزه وبتلف حوالين نفسها
شيماء بضيق :يا أسماء يا حبيبتي اعقلى ده منظر ينفع تمشى بيه حرام يا أسماء تظهرى جمالك للناس
أسماء :انا بظهره علشان حسن ياخد باله منى ويحبنى هو هيبقى هناك
شيماء بضيق:والله وده هيخلى حسن ياخد باله منك
ان إللى يسوى وما يسواش يتفرج عليكى ده يعجبك
انك تغضبى ربك بالمنظر ده يعجبك
أسماء باقتناع حاولت تخفيه:يووووه بقى يا شيماء اهى مرة ومش هتتكرر
شيماء :ربنا يهديكى يا أسماء يلا قدامى نشوف تاكسى علشان ما نتاخرش
أسماء :يلا
••••••••••••••••••••••••••••••••••
فى الفرح حسن ومعتز وصل بمهره ونسمه وكانوا فى قمه سعادتهم
نزل حسن جرى يفتح لمهره وبهمس :على فكره هاجى اتقدملك بعد الفرح علطول موافقه
مهره بفرحه هزت راسها:طبعا موافقه
حسن:طب يلا عند البنات علشان أمك ما تولعش فينا
مهره بضحك:حاضر
حسن بانتباه وتحذير:اه استنى عندك ......ما شوفكيش بترقصى ما تقوميش من مكانك
مهره بفرحه من غيرته:حاضر مش هقوم همشى بقى
حسن :ماشى يا ست البنات يلا ادخلى
عند معتز ونسمه
معتز :انزل يا شبح
نسمه بغضب :شبح طب اوعى كده وما اشوفش وشك الحلو ده تانى
معتز :لا لا لا ما اقدرش على زعلك يا شرس انت
خلاص يا ستى انتى نسمة قلبى حلو كده
نسمه بضحكه :ايوه حلو اتعدل
معتز :ما شفكيش بترقصى وتخلصى بدرى بدرى كده علشان تروحى تذاكرى امتحاناتك فاضل عليها أسبوعين حلو الكلام ومش هكلمك الا بعد امتحاناتك علشان هكون اتقدمتلك
علشان ربنا يباركلنا كده حلو يا أبا الكلام
نسمه باعجاب :طبعا حلو ما كنتش متخيله انك انت إللى تطلب منى كده بجد عليت فى نظرى اوى يا معتز
معتز :ايوه وبعدين ان كنت تخطيت معاكى حدودى قبل كده فسامحينى وربنا كمان يسامحنى هستغفر كتير علشان عايز ربنا يباركلنا فى علاقتنا مفهوم يا نسمه
نسمه بحب :مفهوم يا روح نسمه يلا سلام بقى
معتز :سلام يا قلب معتز
وشويه أسماء وشيماء وصلوا
أسماء شافت حسن بيرقص مع العريس ع المسرح والعروسه وصحابها بيرقصوا فى الاتجاه التانى من المسرح قررت تلفت انتباهه
طلعت ع المسرح و ابتدت ترقص مع العروسه وكانت قريبه اوى من حسن وهو مش مديها اهتمام خاااالص
مهره كانت بتتفرج على حسن بحب وخجل
بس اول لما شافت أسماء اتجننت وقامت بسرعه ...............
❤حسناء عزام❤
