انتى النبض انت الروح

الفصل الاول

روايه❤انتى النبض انت الروح❤
*الشخصيات*
عائله الدسوقى:-
مهرة محمد الدسوقى:- 19عاما تتميز بعيون رصاصيه اللون وشعر ناعم باللون البنى وجسدها الممشوق الممتلئ فى الأماكن الصحيحه بعض الشئ متوسطة الطول تتميز بالطيبة وحب الناس ملحوظه(ما كملتش تعليمها علشان تساعد أمها )
سعاد :- ام مهرة 48عاما رغم تحملها المسئوليه مبكرا الا ان جمالها لم يتأثر كثيرا تحب أولادها كثيرا لكنها تحب المال أيضا
نسمه محمد الدسوقى :- أخت الصغرى لمهره تحبها كثيرا ذات 17عاما فى ثانويه عامه ذات العيون البنيه والطول المتوسط بعض الشئ والشعر الناعم الطويل ذو اللون الأسمر الداكن مجتهده تتمنى أن تعيش قصه عشق
بطلنا :- حسن السيد 31عاما يتميز بالعضلات المفتوله والجسد الرياضى. والطول وملامحه الرجوليه تجعل كل من يراه يقع فى عشقه ذو العيون البنيه
معتز:- 30عاما خريج كليه تجاره يعمل محاسب فى بنك تعرف على حسن منذ نزوله المطريه واصبحوا أصدقاء  وأحبه كثيرا
معتز ذا الطول المناسب والعيون البنيه والشعر الناعم الكثيف بيدور على حب حياته والباقى هنتعرف عليهم فى الحلقات
٠•••••••••••••••••••••    
*فى بيت محمد الدسوقى صباحا*
سعاد بتنادى من المطبخ :بت يا مهره انتى يا بت ده كله نوم اصحى يا بت الموكوسه
مهره :- ياسلاااام ايه الاصطباحه العسل إللى زيك يا سوسو دى الناس تصحى عيالها تقول قومى يا حبيبتي قومى يا قلبى مش يا بت الموكوسه صباح الصباح عليكى يا مزه
سعاد :- يلا يا بنت الكلب من هنا صحى اختك ام ثانويه عامه نايمه ده كله ابقى قابلينى ان نفعت أدى دقنى اهه
مهره :- يا سواااادى يا أما احنا عيالك مش ولاد ضرايرك البت سهرانه طول الليل تذاكر و الصراحه مش ماثره تعمل ايه يعنى
سعاد :- خلااص يا حونينه قلبى اتقطع صحى اختك علشان تفطروا يلا
نسمه :- ههههههه خلاااااص يا بشررر صحيت اهوه صباح الخير يا سوسو صباح الجمال على عيونك يا أجمل رورو فى الدنيا كلها
سعاد :- صباح الخير يا أختى اخلصى علشان تفطرى وتشوفى مصالحك
مهره :- ياالهوى عليا أجمل رورو سمعتها فى حياتى وباستها صباح الجمال يا عيونى انا يلا علشان تفطرى اتوضى وصلى الاول ويلا
نسمه :- حااضر يا قلبى الحقينى الحقينى حطى الاكل وانا هصلى وجايه
٠••••••••••••
       نروح لبطلنا •••••فى إحدى أسواق المطريه
واقف فى الدكان بتاعه بيرص الفاكهة وعمال يدندن (عااايم فى بحر سعاد الغداااارة شط النداله ملياان )
حاله معتز من وراه وقال بصوت عالى  :- ااااااه لو سعاد سمعتك هتعملك بوفتيك ومش هتطولك البت إللى قربت تجننك
حسن :- يخربيت أمك يا معتز الكلب خضتنى وبعدين تعالى هنا مين دى إللى مش هتطولنى البت وربنا اخطفها من وشها البومه دى
معتز :- يا ابنى بطل قلة أدب مالك بامى دلوقتى
حسن :- يا شيخ اتنيل ما انت إللى خضتنى
معتز :- يالهوى يا حسن البت قربت تجننك خلاص برج من نفوخك هيطير أهدى شويه كده علشان ما تخسرش الفاضل من عقلك
حسن :- اسكت يا معتز ياااالهوى البت مش مخليانى عارف انام من تفكيرى فيها هتجنن يا نااااس حسوا بيا يامين يلايمنى عليها بس تبقى حلالى وف بيتى بس فرق السن ده إللى خايف منه ما تكنش بتفكر فيا زى ما بفكر فيها بس رغم خوفى ده الا انها سرطان فى جسمى يا معتز قلبى قايد نااار بعشقها مش راديه تنطفى
معتز :- ياعين أمك يا ابو على طلعت واقع أوى وبعدين انا بشوفها وهى بتبصلك بحس أنها بتعشقك
حسن بهيام :- يااارب يا معتز تكون بتحبنى هتوفر عليا مشوار طويل اوى إنما هى مش هتتجوز حد غيرى وربنا أشق إللى هتتجوزه نصين
معتز :- هيييييح ياعين أمك حاسب بس علشان المشاعر بتاعتك ظروطت المكان هههههه
حسن :- بس ياض مش احسن منك بتحب على نفسك
معتز :- يااختيييييي الاقيها بس وانا وربنا ما اسيبها الا اما اكون كاتب عليها
حسن :- ماخلاص يا روح امك انا ابتديت أخاف على نفسى منك امشى روح شوف شغلك بدل ما يرفدوك
معتز :- خلااص يا عم ما تزقش ماشى اهوه سلام يا روح الروح وخد تفحايه وجرى
حسن بضحك :- هههههه سلام يا قلبى
٠••••••••••••••••••
ف بيت محمد الدسوقى
   سعاد :- يلا يا بنت *****ده كله بتلبسى عايزين نلحق نفتح الدكان علشان الزباين بتتزوقى على ايه يا أختى راحه تقابلى عريسك بنات اخر زمن
مهره :- ياالهوى على ام موشح كل يوم والله ده حرام
نسمه بغمزه :- اروح اقولها انك بتتزوقى  لمين ههههههه
مهره :- عبو شكلك بت سو صحيح
الواحد ما يأمنلكيش على على أبدااااا ماااشى مسيرك يا مروخيه تقعى تحت المخرطه
نسمه :- هييييح للدرجادى بتحبيه يا بت يا مهره علشان تعملى فى شكلك ده كله (ملحوظه :هى مش حاطه مكياج ولا اى حاجه حاطه كحل بس ولابسه عبايه شكلها حلو وبتلف طرحتها بشكل حلو )
عقبالى يارب بقى ما تيجى يابن الحلال يا حب عمرى بقى .يخربيي خربيت زت أمك
مهره:- بحبه بس دا انا بعشقه حبه نار مشعلله جوايا ومش راديه تنطفى هموت عليه بجد رغم أن عمرى ما قولت الكلام ده ولا هقوله أبدا الا لما يكون جوزى اصلا كمان عمرى ما بتكلم معاه
نسمه:- يا حببتى يا بت يا مهره حالتك صعبه اوى ان شاء الله ربنا يجمعكوا فى الحلال وتكونوا لبعض وانا متأكده انك مش هتعملى حاجه غلط ولا حتى هتكلميه وتقوليله على مشاعرك الا لما تتجوزوا
مهره :- اكيد يا قلبى ربنا يرزقك بابن الحلال يارب انتى كمان انا ماشيه بقى علشان أمك هتفرمنى
نسمه :- ماشى يا قلبى سلام
مهره :- سلام يا حبيبتى
نزلت مع أمها الدكان
سعاد بنبرة تريقه :- صباح الخير يا حسن
حسن وهو بيبص على مهره :-صباح الورد والفل والياسمين يا خالتى
مهره باصه فى الأرض ومكسوفه قالت :- أما انا افتح الدكان وارص الخضار
سعاد :- يلا يا بت انجرى قدامى
حسن :- استنى يا خالتى انا جاى اساعدكوا
سعاد :- تعالى يا أخويا مش هقولك لأ (انا وليه مفتريه 😂)
مهره لسه هتفتح المحل لقت إللى بيقول والغيره ظاهره عليه :- استنى ما توطيش فى الشارع الشباب راحه جايه
مهره بعدت عن الدكان وبصت فى الأرض وما ردتش
حسن فتح المحل و ابتدى يخرج معاهم صناديق الخضار ويرص معاهم ومهره بتحاول تبعد انظارها عنه علشان عنيها ما تفضحهاش هى اخدت عهد على نفسها انها مش هتعمل حاجه حرام أو تغضب ربنا
خلاص حسن خلص وهو بيبصلها قال مش عايزه اى حاجه تانيه يا خالتى
سعاد :- ما اتحرمش يا أخويا يلا اتكل على دكانك شوف أكل عيشك
خرج حسن ومهره اتنهدت وحطت ايديها على قلبها وبتقول بهمس اهدى اهدى مش كده بطل تدق كده
سعاد :- يلا يا حونينه نشوف شغلنا بدل ما انتى مسهمه كده
مهره بتوهان حاضر يا أما يلا استعنا على الشقا بالله
************
وبكده خلصت حلقه النهارده ياريت تقولوا عليكوا     
رايكوا وتشجعونى دى اول روايه اكتبها مستنيه ارأكوا ❤❤
بقلم الجوهرة/ *حسناء عزام*  ❤