الحلقه السادسة عشر
❤انتى النبض انت الروح❤
سعاد وبصت لحسن :اممم وايه كمان يا حسن مش نفسك تقول حاجه انت كمان
حسن بتوتر ظاهر بص لمهره لقها بتهزله دماغها يتكلم :خالتى انا بحب مهره واللى تطلبيه على راسى هموت نفسى وانفذلك كل اللى تطلبيه بس اسمع منك موافقتك
سعاد لمهره :وانتى يا مهره ما نفسكيش تقولى حاجه بس غريبه انك ساكته يعنى
مهره :انا عارفه يا أما انك مش هيهون عليكى اعيش حياتى بعيد عن اللى اختاره قلبى وراحتى كلها معاه هو وبس
صح يا أما ردى عليا بلاش تموتينى بالحيا بلاش اعيش جسم بس من غير روح
سعاد وخبطت بايديها على رجليها :امم طيب اسمعوا منى بقى
انا اعرف كل حاااجه انا مش مختومه على قفايا على فكره اعرف انك بتحبها واعرف كل حاجه من نظرة عين بنتى كنت باخد بالى من لمعة عنيها لما كانت تشوفك واخد بالى من عنيك اللى ماكنتش بتنزل من عليها حتى وانت واقف تكلمنى
الكل فى حاله خوف مستنين كلمه واحده بس هى اللى هتريحهم
مهره من كتر خوفها دموعها نزلت وهى مش واخده بالها ولا حاسه بيها
سعاد كملت وهى بتبص لكل واحد قاعد:دموع بنتى اللى نازله منها دلوقتى بتكوينى لا يمكن اكون فى يوم سبب لتعاستها حتى لو اتمنالها الاحسن من كده بس مش انا اللى اكسر بقلب بنتى
مهره عنيها لمعت بامل وحسن اعتدل فى جلسته مستنى الكلمه اللى هتحييه من تانى
سعاد :وانا موافقه يا حسن بس
حسن بلهفه :بس ايه يا خالتى أؤمرينى
سعاد:بشرووطى
حسن عاقدا حاجبيه:وايه هى شروطك يا خالتى
بنتى تدخل فى شقه متشطبه من كله وعلى احدث الموضه يعنى مش اى حاجه وخلاص
حسن بابتسامه :وانتى يا خالتى متخيله انى ادخل ست البنات فى شقه اقل من كده انا حاليا بشطبها وعفشى كله هجيبه جديد حتى سيراميك الشقه كسرته كله وبركب جديد
انا عايز مهره بهدومها بس مش اكتر من كده
سعاد : حلو اوى كده والشبكه والمهر والمؤخر
حسن :اللى تؤمرى بيه يا خالتى هنفذه
سعاد بمكر:عايزه شبكه ب ١٠٠٠٠٠جنيه ومهر ومؤخر زيهم ايه رايك
حسن بلع ريقه وبيرجع شعره لورا :بصى يا خالتى الجمعيه اللى هقبضها هتكون٢٠٠٠٠٠ هجيب بيهم الشبكه وادفع المؤخر ومهرها هكتبهولها يا خالتى ايه رايك ووقت لما ربنا يفرجها هجبلها لبن العصفور حتى
سعاد وبتهز رأسها :شفت بقى انك ما قدرتش على طلباتى ازاى
معتز اتكلم : بصى يا خالتى حسن لو معاه اكتر من كده مش هيتاخر ابدااا خدى منى عمرك ما هتلاقى زيه ولو خسرتيه هتخسرى قصاده بنتك
مش الفلوس اللى هتضمن سعادة بنتك وافقى يا خالتى على بركه الله وما تقفيش قصادهم
انتى مش شيفاهم قعدين عاملين ازاى من خوفهم
وبص على مهره
بنتك دموعها ما نشفتش
ولا حسن اللى ضربات قلبه احنا سمعينها واحنا قعدين
مستنيه دليل ايه تانى انهم ما يقدروش يعيشوا من غير بعض
