الحلقه الثالثه من ❤انتى النبض انت الروح❤
صباحا فى بيت محمد الدسوقى
سعاد :اخلصى يا اختى ده كله علشان تسلقى بيضتين وتجيبى حته جبنه اخلصى عايزين نفطر
مهره :يا أما حرام عليكى يعنى اعمل ايه والنبى خلاص ما خلصت اهوه
سعاد :طب اخلصى يا ام لسانين ونادى اختك
مهره :حاضر ودخلت لنسمه اوضتها وقالت وهى بتهزها :نسمه بت يا نسمه اصحى
نسمه :اممممممم معتز
مهره بحاجب مرفوع وعلامه اندهاش :معتزززززز يا بنت سعاد والله لربيكى واخيرا مسكتلك ذله ماااااشى ايوه يا قلبى هو بشحمه ولحمه قومى يا حياتى
نسمه :اممممممم انت جيت تانى يا معتز مش قولت هتمشى
مهره :لا يا قلبى اصلك وحشتينى وما قدرتش أبعد عنك
نسمه :بجد يا زوز
مهره :نهارك اسود هى وصلت لزوز وجابت كوبايه مايه وحدفتها فى وشها
نسمه قامت مفزوعه تجرى وتقول :ايه ايه فى ايه
مهره :فى معتز
نسمه بزهول وخوف :هااااااا انتى بتقولى ايه معتز ايه ده
مهره بمكر :معتز ايه إللى كنتى بتناديله من شويه
نسمه بتلعثم :ااانااا... م م مكنت...ش بنادى لحد
مهره :امممم بأمرة بجد يا زوز أخيرا هذلك زى ما انتى ذلانى
نسمه :ابوس ايدك خلاص ده كان حلم وراح لحاله
مهره بغمزه:لااا دى الصناره غمزت
نسمه بتلعثم:هاااا اأنا...... ر رااحه اا...تو..ضى وواصلى وألحقك وجريت من قدامها
مهره :ههههههه وقعتى وما حدش سمى عليكى
نسمه خلصت واتجمعوا علشان يفطروا
سعاد :على فكره مش هنفتح الدكان دلوقتى
مهره :نعم ليه بقى ان شاء الله من ايه ده (طبعا ده كله علشان تشوف حسن مش ساهله😂)
سعاد :علشان رايحين نزور خالك
مهره :تااانى يا اما انتى ما بتزهقيش كام مره كلمك من على الباب علشان خايف من مراته كام مره مراته كسفتك أو شبه طردتك ده كله ليه احنا مش ناقصنا حاجه يا اما مستورة
سعاد :بس يا بت اتكتمى ما يكنش أخويا فى النغنغه دى كلها وما اطلعش بحاجه اخلصى كملى اكلك علشان نلحق نروح
مهره بصتلها بغيظ وسكتت لبسوا ونزلوا كان حسن بيرص الفاكهة قدام الدكان
شافهم جايين جرى عليهم صباح الخير يا خالتى قالها وهو باصص لمهره
مهره عنيها فى الأرض وبتفرك فى صوابعها وخدودها احمرت
سعاد :صباح الخير يا أخويا
حسن :يلا علشان اساعدكوا تفتحوا الدكان
سعاد :لا احنا مش هنفتح دلوقتى
حسن بغضب واضح:ليه ان شاء الله
سعاد :رايحين نزور أخويا
ده كله وحسن عمال يسرق نظرات من مهره وحس ان ملامحها اتغيرت لما أمها جابت سيره اخوها معرفش يفسر التغير ده ليه
وهما مشيوا وسابوه
٠••••••••••••••••••••••
عند معتز
فريده :معتس معتس بتقولك سوقيه قوم لتيجى تتضلبك بالسبسب
معتز بنص عين مفتوحه :امشى يا ام نص لسان من هنا عايز انام النهارده اجازتى
فريده :والله هقول لسوقيه وجريت
شويه وأمه دخلت فجأه واحده لقى الشبشب لزق فيه قام يجرى مفزوع وقال :ايه فى ايه فى ايه
شوقيه :قوم يا حليتها علشان تفطر
معتز:حرام إللى بتعمليه فيا ده هو انتى لقيانى على باب جامع يا اما قولى ما تتكسفيش
شوقيه :وانا لو لقيتك على باب جامع كنت عبرتك يا موكوس يا بن الموكوسه قوم علشان تفطر مش هتكلم تانى الاقيك ورايا
معتز وقرب يعيط:ربنا على المفترى
شوقيه :بتقول حاجه يا عنيا
معتز :أبدا يا شوقيه بقول جاى وراكى قام اتوضى وادى فرضه وخرج ليهم
معتز :احم احم الا كنت عايز اقولك حاجه يا اما
شوقيه :هى فيها من احم احم قول يا قدرى قول
معتز :عسل يا اما عسل إلا هو انتى مش عايزه تشوفى ابنك عريس بقى
شوقيه :وانت حلتك حاجه يا اهبل علشان تتجوز
فريده :ايوه يا سوقيه عايزه يتدوز الصالوخ الض دو
شوقيه :مين دى يا بت يا فريده
معتز شالها على رجله وحط ايده على بوقها وقال :هههه عسل ديده بتموت فى الهزار ها يا اما قولتى ايه
شوقيه :والنبى على أمك بس ماشى يا أخويا نبقى نشوف الموضوع ده
معتز قام وقعد يبوس فى وشها وقال :يخليكى ليا يا شوقيه يارب انا هاخد ديده وأنزل لحسن شويه
شوقيه :ماشى يا أخويا طريق السلامه
•••••••••••••••••••••••
فى مكان آخر يظهر عليه الرفاهية والرقى والجمال
سهير:سامر .....سوسو قوم يا حبيبى يلا بقى الساعه داخله على 12الضهر قوم تفطر يلا
سامر نايم على بطنه وشعره نازل على وشه وعارى الصدر
سامر :اممممم سيبينى يا سوسو شويه
ما ينفعش يا روح سوسو قوم علشان خاطرى تفطر وبعدين أوضتك ريحتها مليان دخان كده ليه ومكتومه مش قولت قبل كده خف من إللى بتشربه ده
سامر قام قعد وباسها فى خدها وقال :قلبك ابيض بقى يا سوسو اخر مرة
سهير :طب يا روحى قوم خد شاور علشان ننزل سوا
سامر :حاضر يا موزتى
فى الوقت ده رن الجرس وسعاد ومهره كانوا وصلوا وكان سامر وسهير نازلين سهير اتكلمت :اهلا اصطبحنا على أشكال تسد النفس
امجد جالهم :اهلا يا سعاد ادخلى اهلا يا مهره
سعاد :تسلم يا أخويا
مهره :ازيك يا خالى
امجد :ازيك يا حبيبتي ادخلى
دخلهم وقعدوا وقال :ثوانى يا حبيبتي هنادى سهير وجاى
سعاد عملت حركه ببوقها شمال ويمين وقالت :اه طبعا يا أخويا اندهلها
خرج امجد وقال :سهير كويس انك نزلتى اختى جوا ادخلى سلمى عليها
سهير :اوف اوف قولتلك مية مره ما تدخلش الاشكال دى هنا
امجد :علشان خاطرى يا حبيبتي تعالى سلمى عليها وبعدين اخرجى براحتك هتقول ايه علينا
سهير :انت بتعملها حساب الجربوعه دى وعلى العموم ماشى هدخل معاك يا امجد
دخلوا وسعاد اول ما شافتهم قامت تسلم عليهم وراحه علشان تحضن سهير سهير بعدت ومدت ايديها من بعيد علشان تسلم بس سعاد اتكسفت وقالت :ازيك يا مرات أخويا
سهير :اهلا
ده كله وسامر واقف يتفحص مهره من أولها لاخرها بنظرات جريئه وهيا واخده بالها وعايزه لو تقوم تضربه بالكف
بعدين فاق لنفسه وراح يسلم على سعاد
سامر:ازيك يا عمتو وحشااانى جدا
سعاد :بخير يا روح عمتك كبرت يا سامر وبقيت راجل
سامر وهو بيبص لمهره :يعنى أعجب يا عمتو
سعاد :تعجب الباشا يا سيد الرجاله
سامر مد ايده لمهره يسلم عليها
مهره :اسفه ما بسلمش
سعاد خبطتها فى جنبها
معتز :عادى ولا يهمك ازيك يا مهره
مهره باقتضاب :اهلا
امجد :طب تفضلوا اقعدوا
سامر أصر يقعد جنب مهره فى اخر الاوضه
وعمال يبص بجراه اكتر واكتر ويقطع المسافه بينهم وفجأة مسك ايديها
مهره ...........
*•••••••••••••••••••*
رأيكم فى حلقه النهارده استنونى فى حلقات اكتر تشويق
الجوهره :حسناء عزام ❤
