الحلقه التاسعة عشر
❤انتى النبض انت الروح❤
صباحا فى بيت محمد الدسوقى
شوقيه وفريده معاهم فى البيت
شوقيه وسعاد ومهره ونسمه بيحضروا لبليل علشان كتب الكتاب
كلهم واقفين فى المطبخ
سعاد بتعمل خلطة المحشى
مهره بتسلق الكرنب
شوقيه بتقور الباذنجان والكوسه
نسمه بتغسل المواعين
سعاد:يلا يا ولاد شهلوا انا خلصت خلطة المحشى اهوه
شوقيه :اهوه يا اختى خلصت تقوير
مهره :وانا خلصت الكرنب
سعاد:سيبى اللى فى ايدك يا نسمه ويلا علشان نحشى
نسمه بتأفف :اوف اوف بقى ينفع عروسه تغسل مواعين وتطبخ
شوقيه :جرا ايه يا مرات ابنى هتتمردى من دلوقتى ولا ايه
نسمه بتوتر:لا يا ماما شوقيه ابدا هو انا اتكلمت
وانا اللى هعمل اللحمه حتى
دا انتى حببتى يا ماما
شوقيه برضى :شاطرة يا مرات ابنى
سعاد ومهره واقفين فطسانين عليها من الضحك
مهره بضحك
ناس تخاف ما تختشيش يا ماما
نسمه بصتلها بتوعد
وبصت لشوقيه بابتسامه مهزوزه
حببتى انتى يا ماما
حضروا الاكل وانتهوا
سعاد:يلا يا بنات ادخلوا اجهزوا براحتكوا عقبال ما العرسان ييجوا
مهره ونسمه بفرح :حاضر يا ماما
وخرجوا من المطبخ بيرقصوا
نسمه
النهارده فرح يا جدعان عايز كله يبقى تمام النهارده فرح يا جدعان لولووووولى
مهره
زفونى على بيت حبيبى نعيش مع بعض فيه ده بقالنا مده طوبه طوبه بالحب بنبنيه
****************
عند فهد بيتصل بأسماء ما بتردش فضل يحاول كتير جدا لحد ما ردت
اسماء بشهقات عاليه من أثر البكاء
ايوه يا فهد
فهد بخضه
مالك يا حبيبتي فى ايه
اسماء ببكاء حار :انا تعبانه اوى يا فهد تعبانه
كتب كتابه النهارده يا فهد خلاص احلامى كلها طلعت خيال انا قلبى اتكسر يا فهد
قلبى بقى مكسور ومجروح اوى
فهد ودموعه نزلت لانها لسه بتفكر فيه
بس ما يأسش وصبر عليها ولسه صابر
