جروحي تنزف احزان ..

مفاجئه لي ولكم 💔🥀

المريضه تعبانه حيل وعدهه فقر دم و وهيه شايله شي او ماذيه روحهه بشي وهيه ناعمه وصغيرة  فكانت راح تسقط بس الحمدالله كدرنه ننقذ الطفل  فديرو  بالكم عليهه ولتخلوهه تتحرك هواي او تشيل شي لان الطفل بعدة مهدد بالاسقاط وانتبهو عل حاله النفسيه رجاءا هسه ضربتهه ابرة مثبت ومنوم وبس يخلص مفعول المنوم تكعد والحمد الله علسلامتهه

زيد ..
من كالت سقطت وطفل فرحت وطرت من الفرح وتخيلت روحي شلون راح اشيل ابني بيدي شلون راح الاعبه و فوكاه منوو امه عشق كلبي وعيوني

بس من تذكرت نبا
شنوو راح تكون ردة فعلهه راح تتقبل فكرة انووو نبا تكون ام ثانيه لابنهه  راح تسامحني لان مكتلهه لان مراح اطلقهه او اعوفهه علمود الطفل راح تقبل تبقي الطفل حسيت عقلي وكف اريد اعيط

طبيت الهه اباوع عليهه شلون نايمه وذبلانه اروحلهه فدوة تجنن احسهه تكسرني بكل لمحه بكل لحظه تقهرني شوفتهه مكسورة بهل شكل

عمتي دنيا كامت تبوس بيهه و عمي علي راح يجبلهه اكل وعصير لان كالوو ما ماكله شي كامت عمتي دنيا تشرب مي تقربت منهه اباوع عليهه شلون نايمه جنهه ملاك بستهه من راسهه دموعي كامت تنزل كمشت راسهه بيديه وخليت جبينهه عله جبيني اروحلج فدوة لتحرميني منكم بستهه من عيونهه ورحت سريع وكفت بنهايه الغرفه اجت عمتي دنوو وهيه بدت تصحه شويه ورجعت نامت ورة شويه كعدت اجت الدكتورة اطمئنت عليهه هيه كالتلهه ليش شبيه من ورة الرجيم ..فدوة لعيونهه شلون تحجي ابرائه فرحان والدنيه مسايعتني هسه اني صرت اب الف حمد وشكر الك يارب بس شيطتني من كالت رجيم يعني حارمه ابني من الاكل مووو بسيطه اني الج ...

كالتلهه الدكتورة عن حملهه وهيه كالتلهه ما اريدة وتبجي تكول ذبي ذبي
فارت اعصابي عطت بيهه ابني اذا تنمس شعرايه منه احرك الدنيه زادت بالبجي شويه وسكتت طلعت عمتي دنيا تشوف عمي علي وهيه رفعت راسهه باوعتلي وكلتلي

لا تأخذ بما تسمع خذ بما ترى  ""
حسيتهه بكلمتهه هاي حرجت كلبي متدري هيه بكل جرح الهه ينجرح كلبي الف جرح لج انتي مو بس كلبي لج انتي دكاته دمعت عيني اني المانزلت دمعه مني بحياتي كلهه ياما شفت وياما اذيت بس اليوم تنازلت عن كبرياء وكرامه و نزلتهه لبنت كلبي

‏هناك لحظات تكون فيها النفس ”جاثية على ركبتيها“ مهما كان وضع الجسد.

‏جان واكف كدامي جان مدي اكوم واعاتبه  اكله ليش ما صدكتني شوف هسه حطمتني بالكامل رفعت راسي لكيته يباوعلي نظراته احسهه تجرحني اكثر لك بديت احبك ورجع الزمن زيد جروحي بسببك كتله ؛-

ע تـأخذ بمـا تسمـع خـذ بمـا تـرى  "

بتسمت بوجهه وهوة عيونه غوركت دنجت راسي ودموعي اخذت مجراهه ما اكدر اعوفه هاءة ابني ابني 😭😭😭

ما اكدر اكتله بيدي كلت هاهيه هوة الي حيكون سندي وخلص بعد ما اخطا واخلي املي باحد انوو حتكون سعادتي بسببه ابني هوة الي حيكون سبب حزني وفرحي ومستحيل اتركه