جروحي تنزف احزان ..

احببتك بصدق

بارت جديد هلاووو اليوم البارت هم طويل وحيكون الاخيرررر

صياح .. طلاااااك ما اطلك مفهوم

..موبكيفك انداريتله عيونه حمر وجهه احمر يخوف اخذت اسد وردت اطلع كتله خليك هناا ورقه طلاكي توصلني رجاءا ميصير هيج

..دنج راسه بانكسار كال رجاءا افهميني جنت معمي بغيرتي عليج اي شي تريدي يصير اله الطلاك

واذا عله طلعه البيت اني طالع وانتي ظلي هناا نجت محجيت شي اعرف بس احجي شي وياه احن اله وارجعله

صعد لغرفته ونزل بيدة جنطه كال.. اوعدج بعد متشوفين وجهي بس لاريده منج لتخلين ابني ينساني

طلع واحس اخذ روحي وياه دموعي كامن ينزلن اخذت اسد و صعدت للغرفه ابجي واسد يمسح بدموعي شبكته وكمت ابجي افهموني والله اموت اذا صار عليه شي بس ما اكد مااكدر انسه لصار افهموني افهموني 😭😭😭

ظليت ابجي قفلت باب الغرفة مطلعت رضعت اسد وبدلتله ونام نمت بصفه واشم بيه وابوسه اتذكر بيه ابوة يارب صح ممسامحته بس ما ادر اشوفه متاذي كلامه يدل انوو حيسوي شي يارب لتشوفني بيهم شر يارب

كعدن الصبح اسد يبجي ويكعد بيه كمت عدلت روحي اخذته سكته غسلتله وبدلتله لبسته تراك اسود نفس مالتي بدلت شلت شعري ولبست شال ونزلت عمامي بالاستقبال مخبوصين ما ادري شكوو

ظل نفس الوضع لثاني يوم بالليل اسد يبجي مصخن سويتله كمادات وبعدة يبجي نزلت سمعت صوت بالاستقبال

عزيز .. لك شلون هسه بيه هل مخبل بيبيته راح تنجلط عليه وماكوو اي خبرعنه عايش ميت صمله عليه

يمان .. والله يا اخي صح اشوف زيد غلط وية بنيتي بس زيد اذا طلع صدك ميت لو صاير بيه شي بنيتي واعرفهه تتحطم

عزيز .. بعصبيه .. ادري هوة محسب حساب هل طفل المسكين شلون حيعيش يتيم ليش يحرمووة من ابسط حقوقه اذا هيج يعذبوة ليش خلفوة ليش لو الله يرحمه من هل العيشه هاي استغفرالله استغفرالله

اني اسمع مصدومه دموعي تنزل عشرة عشرة خلص عافني وراح بقينه اني واسد وحدنه لا لا لا هوة ميعوفني لا عايش عايش والله صعدت ركض شفت اسد يبجي شبكته وابجي تدري بروحك بعد مالك سند وكاعد تبجي لا لا لتبجي بابه يجي هوة كال ميعوفنه اتذكر اخر كلام كاله انوو ميرجع وكمت اضرب بروحي ابجي واصرخ التموو عليه عمامي بالكوة اله هديت

ظلوو يدورون عليه وما اكوو اي شي عنه غير انوو رايح للموصل وكلنه نعرف الموصل شنوو كلفوو جماعه يدورون اسمه وكالوو من ضمت الموته حته جثه ما اكووو

آه ظليت انحب عليه وحالتي حاله مر اكثر من شهرين اسفه ابني اسفه والله اسفه جان لازم تحتفل بعيد ميلادك الاول مثل الجهال وانته هناا تلوع عله ابوك مات وعافك ليش هيج زيد ليش ظليت ابجي الليل كله مغمضلي رمش تعبت اذن الفجر كمت صليت و غفيت عل سجادة حلمت مكان بستان كله زرع كلش حلوو وبيبي الله يرحمهه واكفه بعيد اباوع اني واكفه اني وزيد و اسد اشرت لزيد يجيهه راح بعدة مواصلهه كمت ابجي كتله لتعوفني باوع عليت ورجع حضني بس شفت اسد يوحفلهه وكعدت مصدومه من الحلم باوعت ساعه ٧ ونص كمت بوست اسد بدلت لبست دشداشه اسود ولبست الشال ونزلت لكيت عمامي كاعدين كتلهم صباح الخير الكل .. صباح النور