جروحي تنزف احزان ..

جرحي 🥀🍃

رجعت لبيت عمي جاسم نزلت من الخط احس روحي راح تموت حسبالك واحد كاعد يخنك بيه كمت ابجي من الوجع وصلت لبابهم شفت ولد عمامي والبنات واكفات ودنووو و بناتهه اني طبيت لاطرمه وكمت اصرخ من بطني اجت دنووو وزيد مدري مين اجه يريد يعرف شبيه واني اوخر بيهم اريد نفس

نزعت الجنطه وكمت اعصر ابطني فهتني دنووو كتلهه حتجي بس هل مرة احسهه راح تموتني ماكوو نفس واحسهه كاعد تكطع مصاريني

كوموني واخذني زيد وعمي علي و وياي مامه دنووو واني الطريق كله ابجي من بطني كمت احس دفوو ينزل من جوايه بس وجع فظيع اجاني عطت حيل

دنووو كلتلي شبيج شاورتهه نزلت كالت ميخالف بس ينطوج مهدء لو مسكن ونرجع

وصلنه المستشفه مكدرت انزل الدمايه مغركتني دنووو كامت تبطم راحت بنيتي وزيد وكف مصدوم وكام يعيط حسباله مجروحه لو بيه شي شالني وطببني عل سريع

اجت الدكتورة تركض ضربتني ابرة وشدتلي مغذي وفقدت بعد ما ادري

..................    💮   ..............

اجت الدكتورة تركض ضربتني ابرة وشدتلي مغذي وفقدت بعد ما ادري

كعدت ضوة ابيض بعيني وكلشي ما اشوف ورجعت نمت

..................🎀 ..................

زيد ..
دوامي جان عادي نزلت ٣ ايام وارجع اداوم و ماشي الوقت روتين عادي

كل نزله الي اسال عله بنت كلبي جانوو يكولولي سمنانه و راجعه للدوام وعمتي كالت رجعت لمستواهه الدراسي و رجع روتينهه وحياتهه طبيعيه طمنتني
وجنت يوميه ادك عله عمار اساله عل اهل😅😅

واخلي يفتحلي كامير حته لو من بعيد مندون متشوفني اطمن عليهه جنت اشوفهه يوم عن يوم تحله  و نوب صايرة مدبدبه فدوة لبنيتي 

مر شهر ونص على السالفه انست بس ابدمنسيت دموعهه والولد لهسه مسجون و منطيه رعايه تامه عله ايدين الظباط ومرات من طك عندي الطكاكه اطب اداري للصبح عله اديه حته نتل استخدمت وياه بس ما برد النار لبكلبي

نزلت هل مرة رحت لامي بغداد لكيتهه مبوثه من سامعه بالسالفه مال الصور ضليت اهدء بيهه و هدئت عله شرط انوو انساهه لريناد لان متريد السالفه تاثر عله ريناد  ووافقت علمود تسكت متوقعت فعلا تسويهه صدك 

خلصت يومين من الاجازة رحت لبيت عمي جاسم شفتهم ورحت لعمامي سلمت عليهم ورحت كدام بابهم ظليت ساعه عسى ولعل تطلع واشوفهه صارت ساعه ٩ ليل وطلعت لبغداد وثاني يوم رجعت للدوام جانت امي تخابرني يوميه وبلغتني انوو رايحه وطالبتلي بنت جوارينه ابغداد مدرسه انكليزي بيومهه للصبح اعيط واكولهه ترحين تكوليلهم ما اريدهه وظلت تبجي وتشكي وماعندي حظ بهل دنيه وخلصت عمري عليكم وتالي بعتني وتريد تفشلني واذا سويت هل سوايه وفشلتني بعد لااني امك ولا اعرفك  وبالاخير استسلمت لان جنت اعرف طريقي ويه ريناد مسدود

نزلت ورحت لعمامي وبلغتهم علمود موضوع الخطبه رحنه لبغداد خطبنه بس مسوينه لا حفل ولا غيرة ردتهه عل سكوتي مردت ريناد تحس روحهه ولا شي بالنسبه النه  و مر اسبوعين وعمي عزيز كال انسوي عزيمه بيناتنه وجيب خطيبتك نتعرف عليهه وافقت جان ثاني يوم نزلتي رحت بوجهي لبيت عمي جاسم شفتهم وسلمت عليهم طبيت سبحت ولبست دشداشه نيلي و جراويه و ركبت سيارتي ورحت لبغداد سلمت عله امي ورحت ويه امي جبناهه طبعا لهسه علكد السلام وياهه وامي بلغتهه بخصوص العزيمه

ركبن و طلعت لسوك بغداد نزلت جبت غراض لبنات عمي جاسم و اشتريت فستان طويل لريناد مكدرت اعوفهه ما اجيبلهه شي و لا امي كاعد تلح عليه اتجاهلهه ركبت سيارتي ورجعت للبيت عمي جاسم نزلنه البنات تلكن امي و البنيه اسمهه ...نبا ...

سلمن وطبن جوة لتموو عمامي جنه واكفين بالطرمه وعمتي دنيا كاعد تحجي ويه عمي جاسم طبت ريناد شفتهه صفرة طبكت الباب وكعدت ركضتلهه كامت تصرخ و تعصر ابطنهه وتعيط كمت اعيط واصيح عله الولد يجيبون السيارة شلناهه كومناهه واجت عمتي دنيا وعمي علي اخذناهه للمستشفى

اجينه ننزل واشوف الدم ينزل منهه فياض وكفت مصدوم خفت لتكون مجروحه او مضروبه بشي وماظل توقع ما اجه ابالي احس عقلي وكلبي وكف حظنتهه وركضت علسريع دخلناهه جوة واخذوهه للطوارء

دخلتهه الدكتورة ضربتهه ابر و علكتلهه مغذي وهيه فقدت الوعي من فقدت الوعي خفت لتكون اخر لحظه اشوفهه اخر لحظه اشبع عيوني وكلبي بيهه خفت تكون اخر نقطه دم تمشي بكلبي كمت اعيط واغلط علدكاترة

بعد نص ساعه طلعت الدكتورة كالت .....

.................. للحكايه بقيه

انتظروني بالبارت القادم تصويت بليز

هلاووو ادري البارت قصير اريد تصويتات وارجع انشرلكم بارت طويل

البارت اليوم ٦٥٠ كلمه

اذا تفاعلتوو وعد باجر انزللكم البارت الجديد بس اذا ماكوو تفاعل ابقيه نفس الموعد يوم الجمعه وبعد بكيفكم 😁😁