جروحي تنزف احزان ..

فراق الاب

اجه عمار يركض ويبجي و

كال . ابويه اخذوة . وراسا كام يبجي
اجت بنت عمي احمد زينب. طبت علينه احنه البنات كاعدات ناكل ككو عل القنفه مال الصاله
زينب . ولج غنوو لحكي
غيناد .هااا ولج شكوو
زينب .ابوج ما اخذيه

**بذاك الوكت جان الوضع مو زين لياخذوة يكتلوة وميلكون اله حته جثه اني نصدمت

غيناد ..صدوك اني راسا من دون وعي لطمت عله وجهي وكعدت خليت راسي بين رجليه وكمت اشهك وابجي .. الله عليكم جيبولي بابه الله عليكم رجعو لي نظر عيني والله ما اكدر مندونه
طلعت لكيت عمامي وولد عماميو عمامي رحت لزمت عمي الجبير من ايدة .
غيناد ..عمي اروحلك فدوة رجعلي بابه .شهكه. عمي الله عليك جيبلياه اريد اشوفه عمي لتخلوهم ياخذوة .شهكه . شبكني عمي واني ابجي واكله . عمي الله عليك جيبلي بابه اليوم عمي ماعندي سند غيرة عمي والله اموت مندونه عمي والله اموت وانذل اذا صارله شي اروحلك فدوة روح شوف وين اخذوة ونداريت عله زيد
زيد انته موو اتكول شاطلب يتنفذ قبل ما احجي اليوم اني اتوسل بيك تجيبلي ابويه والله ما عندي غيرة تدري اني معندي لا صديقه ولا اخت اجت ودق صارتلي اخت اخذوهه مني والله كلبي حاسسني انو حيسوله شي الله عليك روح جيبلياه

زيد ..اشششش كافي غينادتي اليوم انشالله يرجع اساسا راح بس استفسار ويرجع
غيناد ..كول والله
زيد ..والله
غيناد ..يعني حيرج هسه موووو
زيد ..😔😔😔
غيناد .يعني موو اكيد موو كولولي الله عليكم
زيد . متحملت اشوفهه هيج شبكتهه وهيه زادت بالبجي كامت بالكوة تجر النفس حته ما كدرت اكمش دمعتي راسا غوركت عيوني وكمت اهدي بيهه
زيد ..اششش كافي والله يرجعلج

... غيناد جانت خايفه لا جانوو اذا ياخذون احد بعد ميرجعوه ولا يندلونه وين اصلا واحنه اساسا مجنه ندري بعمي يمان يا جهه الي ما خذته او وين هوة هسه بس مردنه نخوف غيناد لان غيناد كلش متعلقه بابوهه
فخفت عليهه وكلتلهم لحد يكوللهه مندري بيه وين كلتلهم كولوو استفسار ويرجع

طلعو عمامي ودرينه انوو مو ماخذين عمي يمان بس لا ماخذين ٢ من عمامي وياه طبعا جانوو طالبين اكثر من واحد من عدنه وحته سائلين عله ابويه هم عليه القاء قبض بس ابويه مستشهد قبل ما تنولد اختي حته

زيد ..ظلينه اندور بمنطقتنه بالجهات الامنيه وبالدوريات جنه خايفين لا نكوم ممندلهم وبس يعدي يومين ماكوو يكتلوهم وجنه عايشين بحاله قلق

اجو ٢ من ولد عمي حسام يركضون طبعا همه جان عدهم طلعه لبغداد من الفجر فبرجعتهم شايفين عمامي وعمي يمان ماشرلهم وحاجي وياهم بالاشاره لان عمي يمان عنده عامل اخرس ويحجي وياه فمفتهمين منه انوو همه محوليم ليغداد بسجن ****

راسا طلعنه اني وعمي الجبير اسمه عزيز وابنه الوسطاني احنه عدنه هواي واسطات بالشرطه راسا اخذنه ويانه دفتر وسلمناهمياه من درينه همه يمهم بس كالو مقابل هاي الفلوس مراح يتعرضلهم اي احد