جروحي تنزف احزان ..

جرحي الاول ينزف ❣

معذورة يا امي وادري ملك الموت
مايعرف رحم ولافرصه ينطيني
اخذ مني الحبيبه لحتى رب الكون
ضل طول العمر بيهه يوصينه
اعذرج والله يمه وما عليج قصور
لوما باللحد جا والله شلتيني
احبج اي احبج وابقه لاخر نفس
جي من نور وجهج كملت ديني 😢❣

اااه يا يمه صعبه فركاج لجان بالكلب ملكاج صدك عفيتيني وعني تخليتي جا شلون اعيش بلياج ما دريتي الدنيه قاسيه والغروب بلياج يخنك اروحن فدوة لضحكتج تعاليلي بمنام وغنيلي انه بنيتج مالي غيرج
يايمه خذيني وياج ولا تعوفيني

اصعب لحظات لحظات الفراق الموت اهون من فكرة تنام جوة التراب اني ادري ضوة البيت راح بس الي جانت تنومني بحضنهه تنام جوة لتراب

لجنت اشوف صعبه فركاهه عافتني و ما رحم بيه ملكت الموت بيهه لا هوة لخذني وياهه ولاهوة لعافهه اليه

مرت ايام العزاء و جانت كلش صعبه عليه وعله ودق وعمار شفت اول كسرة صارتله هه صرنه ايتام

اوووووووف امي ماكووو تخبلت كمت كلشي ما احجي الاكل و النوم كطعتهن ومرت اسوء ايامي من اسوء لاسوء

جان لازم اتحمل ومسؤليه البيت واني كل عمري ١٦ سنه شكد ظالمه الدنيه

.........................................

زيد ..

عمري ٢٦ سنه جنت ادرس صيدله بس بعد الي شفته من انسجنوو عمامي شفت انووو الانسان يحتاج قوة ومعارف وشخص يسندة بس اني يتيم ولازم ادعم اهلي وهل شي صعب عليه لان التعينات ماكووو والحياه صعبه

فمرة صديقي من المنطقه اقترح عليه كليه الظباط انووو احول و تعينهه بس اخلص الكليه وافقت وانتقلت لغير محافضه جنت اضل ١٠ ايام و اجي بس بس بالعطل ٣ ايام ومرت السنين واني زدت برود وغرور و قساوة وطبعا علاقتي بريناد جانت قليله كلش جنت اشوفهه تكبر كدامي وجنت منتظر اللحظه الي اكون بيهه ماسس حياتي حته اعترفلهه تصالحنه ورجعت للدوام عادي بس مرة جنت راجع من الدوام وميت تعب لا تعينت ظابط والحمدلله شغلي كلش زين سبحت ومددت اجاني اتصال وجان عمي علي حاجيته وكلي انووو عمتي عسل ماتت وكف عقلي بهل لحظه راسا حضرت غراضي ورحتلهم لبغداد مرت ايام العزاء وريناد اشوفهه صح متبجي بس يوم ورة يوم تذبل اكثر

ورة العزة بسبوع رجعت لشغلي بس جان بالي دائما يم ريناد جنت ادز عليهه بنات عموو جاسم علمود يعاوننهه بس هيه متقبل وادري بيهه هيه مايعه واكول خاف متكدر بس تفاجئت بيهه شلون جانت شايله البيت كله وممخليه اهلهه بحاجه احد جنت اروحلهم بين فترة وفترة اشوفهم واطمئن عليهم وارجع وووو...

...........................................

كعدت ساعه ٥ جانت الدنيه بدايه شته كمت صليت وبديت انظف بالبيت صارت الساعه ٦ ونص رحت كعدت عمار علمود المدرسه عمار صار صف ثالث متوسط واني خامس علمي فرع احيائي جان حلم مامه دائما تشوفني صيدلانيه و جانت تتعارك ويه بابه بابه يريدني اصير دكتورة وهيه تكول لا صيدله احسن جنت اضحك عليهم من جانوو يختارولي بكيفهم ويتراهنون وامي تكول اذا صارت صيدله اطلع اركص بالشارع واجيب فرقه مسيقيه تعزف من راس الشارع ههه هسه بس ذكريات بس اني بعدني مصرة احققلهه حلمهه