جروحي تنزف احزان ..

جرحي الاول 🥀💔

سجلت بالمتوسطه ومرت السنوات شلنه من بيتنه وقلت شوفتي لزيد وحته من اشوفه بس اسلم واطلع

ظليت معتمده عله روحي بالدراسه بس احس بديت اتماهل شويه لان ماكوو منافس حقيقي وياي صح جنت من المتفوقين بس ترتيبي موو بالمرتبه الاولى لا جانن بنات المدرسات واني الشغله عندي عادي لان جنت اكول الاساس والقرايه لازم بالسادس

فلا تعبت روحي بقرايه ولا رحت دروس او احد جان يقريني لا جنت اقرة بس من ما عندي شي اما الدوام يوميه اتحجج مريضه علمود ما اداوم بس امي متخليني اغيب فاداوم غصبن معليه 😂😂😂

جنت صف ثاني متوسط امي كامت تشكي من اطرافهه بيهه خدر بس جانت تكول شي عادي مرت الايام والوجع يزيد عله امي ميقل اما ودق فصارت مشاكل بينهه وبين عيالهه وهيه يم اهلهه زعلانه وحامل بشهر ٥

جان يوم خميس رجعت من الدوام ساعه ٥ مامه كلتلي روحي بدلي علمود بابه ياخذنه لودق نشوفهه طرت من الفرح لان راح اشوف ودق صارلي تقريب ٣ سنين اني مشايفتهه بس هيه تسال عليه ودزلي رسايل بيد خوالي لو تشتريلي غراض ودزهن مرة اشترتلي كلاده مال نجمه ذهب ودزتلياهه كلتلي انتي احله نجمه منورة حياتي ضليت لابستهه
واتذكرهه بيهه ومنسيت اختي ولا يوم ويوميه ادعيلهه

ودق حامل بولد وراح ارجع للماضي واحجيلكم عن الي صار لاختي و صديقت دربي 😩

قبل ٣ سنين

ودق ..

اول متزوجت جانت حياتي حلوة عمتي ممقصرة وياي بس اني جنت استحي منهم شويه شويه تعدت عليهم بس الجووو مالتهم مختلف عن جونه لان الي لاحظته انووو همه مو نفس عاداتنه

زوجي مثل متعرفون اسمه زيد
زيد كام ياخذني لاماكن غريبه عليه صح ونسه بس احسهه حرام مثلا جان ياخذني لحدائق عامه ويانه اخته طبعا اخته سفيرة ممحجبه كلش طيبه بس حياتهم غير حياتنه هاي الحدائق نكعد بيهه ولد وبناو واني بعمري مجنت التقي واكعد ويه ولد غربه وخاصه انوو جنت اعرف انوو هذوله الولد يشربون

جنت دائما احلم بكوابيس باليل واذكر رينوو اختي وصديقتي واتمناهه لو وياي جان زيد يتاخر بالرجعه يرجع ساعه ٣ او ٤ الفجر واني اظل لوحدي

وغرفتي فوك وبصفهه شجرة ويمهه يضلن بزازين يماون الليل كله اشبع رعب اظل اذكر رنوو من جنه نخاف من شغله وحدة تحظن الثانيه ونام مجنه نخاف من شي واحنه سوة

اتذكر حنان عمتي ام ريناد . وشلون جنه نتحجج بالخوف علمود انام يمهم بنفس الغرفه واظل ابجي اتمنه الزمن لو يرجع عله هاي الايام

زيد خلاني انزع حجابي و كام ياخذني لحفلات محلوة وديسكوات وغيرهه من اماكن مطابتهه ولا بعمري جنت اتخيل ادخلهه بيوم

عمتي جانت تنطيني فلوس منهه رغم همه جانوو يشربون ويلعبون قمار وغيرهه بس جانت حالتهم زينه و مياكلون ابد من فلوس الحرام بس شيفيد كمت اجمع بالفلوس الي عمتي تنطينياهن واشتريت الي ولرنوو كلايد ذهب اشتريت لرنو كلادة ذهب جانت صغيرة ونازكه عله شكل نجمه تخيلتهه رنوو شلون تضحك جانت وتحضني من اخاف ودزيتهه الهه و كلت لعمي يوصلي رسالتي الهه مرت سنين واني مشفت رنوو