جروحي تنزف احزان ..

اول فرحه 😍

يوم الخميس توني راجعه من الدوام كاعد اصب غدة جان يجي عمي عزيز وياهه شيوخ معكله وطب وياهم زيد طببهم عمار للاستقبال حضرت الضيافه
اجه عمار كال جاين يجطبوج

..بصدمه .. يخطبوني منووو
عمار .. هههاي زيد

يارب فرحتي وصلت للسمه هههه بس اجة ابالي شلون وهوة هسه خاطب نبا وعمتي متقبل يفصخ الخطبه عنهه يارب لبي خير يصير انشالله

بعد ساعتين طلعوو اجه بابة طب لغرفته هوة وعمي الجبير شويه وصاحوني

عمي .. باعي بنيتي اكيد دريتي بغايه هلجيه مال الشيوخ وزيد

..اي عمي كلولي

عمي .. بنيتي شوفي زيد سوالج ميت احساب لان كلنه ندري اذا بنت العم لابن العم تصير حته من دون مشيه وهل شيوخ بس هوة عزج وعرف بيج غاليه وراح جايب شيوخ كبار يخطبج و هوة رايدج وشاريج وتعرفين انتي اكيد حتكونين بحاجته لان هوة بالاخير يكون ابوو الي بطنج ويضل القرار الاول والاخير الج واي قرار تتخذيه عرفي احنه بضهرج

..عمي بكيف بابة شيكول انفذ
عمي .. ولج شنوو قابل ابوج الي حيزوج لو انتي

يمان .. باع خيي كلامك الكلتة كله صح بس بنتي يجوز مترهم وياة لان تعرف هوة خاطب

..كلامك صح واذا فصخ من ذيج راح تصير مشاكل ويكسر قسمتهه بس راح اخليه يخليهه ابيت و الثانيه ابيت وما الهه علاقه برنوو و يعدل بينهن غصبن عنه

يمان .. هاهي خيي شدكول احنة نفذ
عمي . يعني نكول عله بركت الله

يمان .. عله بركت الله

يالله شكد خجلت راسا ركض للمطبخ

مرت ايام طبعا الموافقه وصلت بعد يومين شلعووو كلبه اجت عمتي دنووو وزيد استاذنوو من بابه واخذوني اشتري غراض للخطبه

اشتريت فستان احمر ردنه تول تلت ارباع و طويل من فوك حصر والصدر تول من فوك وبيه ورد ناعم و من جوة كلوش وكله ورد ومن ورة ذيل شكله كلش حلوو وحذاء ذهبي و غراض للخطبه و هوة اختارلي كوستم زيتوني من فوك مخصر والصدر كله شعل ذهبي وطويل من جوة حصر وفوكاة وشاح زيتوني و الاطراف مزين ذهبي شكله يموت دنوو اخذتلي كم قطعه كالت للجهاز اخذتلي ٣ دشاديش شبابيه وحدة ماروني وسمائي و اصفر و قمصان ٢ حني و تركوازي وبناطير واخذت قفطان ابيض

خطيه هلسوووو بابه مقبل هوة ليدفع كله عمي هيه مرتي وهاي بس حفلة

ثاني يوم سوينه الحفله الصاله كلهه اضاءة و الكوشه ابيض و سمائي ووردهه ذهبي شكله كلش حلوو عزمت صديقاتي

لبست الكوستم الزيتوني و اجت وحدة سوتلي مكياج هادى اسود وذهبي وحمرو ماروني غامق
كضيناهه ركص واني كاعدة اتحسر ممنوع عليه اركص يخاف عل طفل بدلت لبست الفستان الماروني