حب و إجرام 4 (باللهجة التونسية )

الحلقة 71

الحلقة 71 :
قدم ليا أكثر .. حط يدو على كرشي ..
أمير؛ واحد هذا مش ولدي .. ولدنا ..
زوز تاع نسامحك ولالا شي ميخصكش .. نعاقبك بطريقتي ..
ثلاثة فكرة أنك تبعد انساها مرت راجل راك ..
ربعة مدامك معايا منحب حتى دمعة تنزل مديتكش بش نبكيك ..
خمسة صحيت
أيلول؛ على شنوة
أمير؛ خاطر اليوم كنت باش تموت .. كنت بش تضحي بحياتك على جالي
أيلول؛ كون جيت فبلاصتي تعمل نفس الشي ..
باقي يغزرلي اكا الغزرة اللي تذوب تقول نقز عليه نغتصبوا جملة 😏..
أمير؛ باهي ارتاح توا .. ايجا ..
حكمني من يدي .. تكيت فبلاصتي ..
جا باش يخرج
أيلول؛ أمير
أمير؛ امممم
أيلول؛ نعمبو اممم
أمير؛ نعم؟؟
أيلول؛ اه  نقصد شاهية حاجة.. يعني مش أنا فالأصل ولدك .. قصدي ولدنا و
أمير؛ أيلووول من التالي
أيلول؛ شي
أمير؛ باهي ..
خرج .. تنفست .. تي شنوة توا الوحم متع وذني هذا .. توا بش نفحتلي نحط راسي فرقبتوت و نرقد.. حطيت يدي على كرشي ..
أيلول؛ يعني بش تهبلني من توا ماك تعرف منحكيوش مع بعض .. كيفاش نقولوا نحب نرقد عندك .. تو يفكرني بلي ميتة عليه.. هو صح أنا هكا.. بصح ملازمش نمدلوا وجه زيادة.. ماو بوك بسلامتوا مضروب في روحو ..
سكتت وقت تحل الباب غزرتلوا كي داخل ..هاز فيدو سني.. فيه شوكولا و فراز و كارامال .. حطهم عالكوافوز و غزرلي بتسوميم ..
أمير؛ ابعد لهيه
أيلول؛ نعم ؟؟
أمير؛ ابعد لهيه نحب نتكا
أيلول؛ شكلك غالط فالبيت سي أمير
أمير؛ لا منيش غالط نحب نرقد مع ولدي
أيلول؛ هه ولدك .. لا عاد باش تفركهم عليا توا ولدك كي يخرج ارقد معاه ..
طبس شوي عليا
أمير؛ ولدي في كرش شكون
أيلول؛ ك كرشي ..
طبس عليا كثر و حط يديه عالمخدة اللي متكية عليها ..بلعت ريقي بالوقت ..ذبل عينيه
أمير؛ و نتي شكون ؟
أيلول؛ أ أ أيلول
طبس كثر .. و غزرلي
أمير؛ جواب غالط
أيلول؛ ع علاش ..
عدا يدو على شعري رجعوا للتالي و غزرلي
أمير؛ نتي مش أيلول نتي مرتي باهي هزيتلوا براسي اي .. الحاصول مرهوجة و هو قريب هكا ..
أمير؛ توا مرتي الشاطرة بش تبعد شوي .. خاطر منحبش نستخدم الطرق متااعي .. باهي
هزيتلوا براسي اي.. تبسم .. و نحا يدو بعدت شوي .. تكا شوي كهو باقي متقعد يغزرلي ..
أيلول؛ مش كنت باش ترقد
أمير؛ واللي يشوفك ينجم يرقد
غزرتلوا و تلفت .. تي شبيه تحول هكا ..حط السني في حجرو .. ريحة الكارامال شهاتني .. تلفت غزرتلوا كي حط الفرازة في نصو .. و غزرلي ..
أمير؛ اتقعد شوي نحب نوكل ولدي
أيلول؛ ولدك مش جيعان طمن يا الأب الحنون
أمير؛ تقوم ولا نقومك
أيلول؛ باهي
قمت باقي يوكل فيا .. كل مرة يحط الفراز فالشوكو .. و فالكارامال .. الحاصول خلصتوا ..حط السني عالكوافوز و غزرلي .. كي نلحس فصبعي ..
أمير؛ كانك قلت مش جيعان .. طلعتي ديناصور
أيلول؛ شنعمل تشهيت راو
غزرلي ندرا كيف
أمير؛ أيلول
أيلول؛ اممم
أمير؛ حبس اللقطات هاذوما ..عيش مرتي
أيلول؛ شعملت ماو
رما يدو نحا صبعي من فمي .. و غطس فشفافي .. جيست مع جبد روحو خذيت نفس و غزرتلوا .. حل عينيه غزرلي ..
أمير؛ إيجا ترقد شوي خير منوليو في حاجة كثر ..
أيلول؛ حاجة كثر
أمير؛تحب تعرف عمري
أيلول؛ لالا
حطتراسها على سدري .. لفيت يدي عليها.. وواليد الثانية نعدي فيها على شعرها .. متوحشها برشا .. عديت لساني على شفافي نتحسس فيهم..  قداش شاهيها .. طلعت راسها غطستوا فرقبتي.. غمضت عينيا.. توا شباش يشدني ..
أمير؛ أيلول عيش حبي يزي
أيلول؛ شنعمل شاهية نرقد هكا .. أمان
أمير؛ باااهي ادلل .. نخلفها
نفسها بدا يهدا ..حكات بصوت خفييييف
أيلول؛ نحبك
تبسمت .. نفسها رزان.. الظاهر رقدت .. صونا التيليفون جبدتوا فيسع بش متفيقش.. غزرت لنومرو ماسكي .. هزيت
منار؛ helloooo أمير .. نظن نجمت تنفذ .. هه نتوقعها من dark .. توا يعني أفضل قناص فالمكسيك منجمش عليكم..
أمير؛ شكوونك
منار؛ تو نبعثلك لادراس إيجا تعرف شكوني .. تشاو
علقت عليه نرڨل من العصب .. شوي و وصلني ميساج .. غزرتلوا .. كبست عالتيليفون .. تلفت غزرتلها .. طبست بستها على راسها .. بعدتها شوي لين حطيتها عالمخدة .. و خرجت .. اتو نشوفوا اللعب مع أمير المالكي
#يسرى_أمجوج
#حب_وإجرام