حب و إجرام 4 (باللهجة التونسية )

الحلقة 78

الحلقة 78 :
دخلت للفيلا .. غزرتلها كي قاعدة  .. لبس متع كلينيك.. فيدها الفرد .. وجهها صفر و تاعب .. جيست مع دخلت هزت راسها غزرتلي .. عينيها حمر دم ..
قدمت عندها بخطوات متثاقلة اللي تعرفوا انو كانت باش تولد.. تكون ولدت!! .. برشا أفكار جاو فراسي..وصلت لنص الصالة .. غزرتلها كي كبست على حرف الفوتاي بش تقوم .. وقفت رجعت شعرها التالي بيدها اللي فيها الفرد..
أرمان ؛ علاش جيت أيلول ؟
أيلول؛ عشت حياتي الكل حساباتي صافية .. جامي غلطت في حد أرمان .. اما فالاشهر التالية هاذي منجمتش نرقد..خاطرني غلطت .. و غلطتي هادي راحت بسبتها سارة ..
رمشت بزربة تحاول متبكيش..
أيلول؛ توا انتا بش تاخو حقها سينو محال نرتاح.. نعرف تتسائل علاش حتى لتوا .. اما منجمش نظلم امير و نحرمو من الاولاد .. على اذاكا اليوم جيت طول
أرمان؛ جبتي 2
هزتلي براسها اي .. تلفت نغزر للبعيد ..
أيلول؛ متحتاجش تخمم برشا .. جيت عندك برجليا ..
قدمت ركحت الفرد ..جبدت يدي .. حطتوا فيها ..و بعدت بخطوة.. 
أيلول؛ كان عندك أي شك بلي أنا السبة متترددش لحظة فأنك ترمي
غمضت عينيا .. باز تكون لحظاتي الأخيرة .. كيما تنجم تكون بدايتي ..   عينيا تحلوا كي لف يديه عليا و عنقني .. بقيت جامدة فبلاصتي .. قدم لوذني يحكي بصوت مرخوف ..
أرمان؛ هبلت انتي .. راك أختي .. محال ننجم نلومك .. باز كنتي انتي زادة فبلاصتها .. كنت نلومك كان عملتها بالذمة .. اما كلوا مكتوب .. يوجعنا صح.. اما موش بيدينا ..
مع كل كلمة دموعي نزلوا .. هذا الكلام اللي حبيت نسمعوا من اشهر اما مكانتش عندي الشجاعة بش نقابل .. جبد روحو غزرلي ..
أرمان؛ توا انتي نورمال في مخك.. تخرج من الكلينيك هكا .. تو طيح تموت .. و نحصل جرايرك مع أمير ..
يحكي و يمسح فدموعها
أيلول؛ ههه اسكت برك وجيعة مش نورمال .. مزية مجيتش مرا ..
أرمان؛ هههههه ايجا ترجع للكلينيك لا يهد المتوحش متاعك ..
مشاو .. زوز خطوات .. هد أمير و الكيلر ..
أرمان؛ كيما قتلك ..
قدم عندها يتفقد فيها .. حط يدو على خدها ..
أمير؛ ص صافا!!!
هزيتلوا براسي اي .. توا ننجم نقول اللي انا صافا بالحق ..
الكيلر؛ متصافيين دوكا .. غلبتوني بالدراما تاعكم .. توحشت الاكشن .. أيلول في بالك اللي وليتي كي الضفدع .. راحت لاطاي دوك يبدلك أمير بكاش مجيعطة .. الحاصول يموت عليهم
ضحكت من هدرتوا ..
أيلول؛ ههه يتحمل .. معندوش خيار.. يا نديه انا يا تديه الموت
أرمان؛ ههه متوحشة كيفو
الكيلر؛ تربية يدي اولدي .. حقا مسميتيش اكا الكعابر اللي جبتي ..
أيلول؛ شنسمي الطفلة سارة
تلفت أرمان غزرلي ندرا كيف .. تبسمتلوا .. و غزرت لأمير ..
أيلول؛ و انتا بش تسمي الطفل باهي حبي
هزلي براسوا اي ..
الكيلر؛ و انا بش نربيهم يخرجوا كيفي
الكل؛ هههههههههه
#يسرى_أمجوج
#حب_وإجرام