حب و إجرام 4 (باللهجة التونسية )

الحلقة 72

الحلقة 72 :
أيلول تحكي :
فقت من النوم .. غزرت للساعة .. لقيتها ال 20.. تي لحقت نرقد الوقت هذا الكل .. الليل بدا يطيح.. تقعدت راسي رزين برشا .. تلفت نغزر لبلاصتوا .. و تبسمت أكيد ناض.. قمت غسلت وجهي .. و رحت لبيت الاولاد .. دوب ما شافوني .. نقزوا عندي يلعبوا .. و أنا معاهم نوقز تيليفوني .. لقيتها سارة
أيلول؛ تي وينك يا هاملة هكا تنساني ياخي .. فيسع نساك فياااا ..
سارة؛ هههه لا ماو أنا و أرمان بش نزوجو
أيلول؛   يااااا  باشششش تعرس هه ..تي باش تعرس ياو
سارة؛ ههه يزي عاد من غير شي خايفة
أيلول؛ الف مبروووووووووووك 
سارة؛ يبارك فيك
أويس؛ ماما ثكون بث يعرث ياخي ؟
أيلول؛ سارة.
أويس؛ جوووو لينة بث نحضروو عرررث
سارة؛ تي الفصعون توحشتوووا
أيلول؛ باهي اتعدا للدار مبعد شنعملوا حو و تحكيلس كيفاش تقدملك أرمان ههه
سارة؛ شقولك نخرجوا نعملوا شوپينغ ماك تعرف لازم نبدا تحضيرات و انتي بش نشريو للبمبينو الصغير
أيلول؛ الحقيقة منعرش ..
سارة؛ تييي تقول ماو أيلووول اللي نعرفها شنوة كبسك السي امير بالقدا .. وليت الزوجة المثالية
أيلول؛ هههه تي موش اكاكا .. ماو صراو حوايج انتي متعرفهمش .. انتي كهو ايجا و مبعد نعملوا بروقرام
سارة؛ باهي غدوة انشالله نتعدالك
أيلول؛ باهي رد بالك
...
علقت عليها .. و قمت رحت لبيتو .. سمعت صوت الدوش .. غزرت لدبشوا فوق السرير .. تريكووه بالدم !!؟ ... رحت هزيتوا .. باقية نغزرلوا .. تلفت وقت تحل الباب.. غزرتلوا .. وجهو فيه تراسات متع ضرب ..
غزرت للتريكو و غزرتلوا ..
أيلول؛ ش شبي وجهك هكا .. شصار !!!
أمير؛ شي خدمة كهو .. وكتاه فقت انتي ؟
أيلول؛ أميييير نحكي معاك راو .. شبي حالتك هكا ..
أمير؛ تعاركت مع جماعة كهو
أيلول؛ تفرك فيهم عليا توا .. ميكونش الحكاية متع القناص تاع الصباح !؟ .. شكونهم ؟
أمير؛ منار
أيلول؛ شكون منار ؟؟
أمير؛ المداني
أيلول؛ هاد النقمة..
أمير؛ متع الراجل اللي كنتي بش تعرسي بيه و قتلتيه كي خانك
أيلول؛ تقققصد  نجم المداني
أمير؛ خوه
أيلول؛ اما اللي نعرفوا أنو معندوش خاوة ..الساااقط حتى في هاذي و كذب فاها.. شنوة خوه بش ينتقملوا ؟
أمير؛ وي
أيلول؛ و كي بش ينتقم مني القناص علاش كان مستهدفك انتا
أمير؛إدواردو
أيلول؛ شكونو
أمير؛ حسايف قديمة وقت كنت نخدم فالمافيا متع الطليان بين  sanza frontiere والcosa nostra [يفهموني اللي قراو كرونيك خطوة نحو الجحيم 😂😘]
أيلول؛ و علاش بش يسعى وراك ماك خرجت منهم
أمير؛ مرة فالإشتباكات .. فسدتلوا أكبر عملية مخدرات .. و تسببتلوا فإفلاس تام .. خاطر تسحبت صلاحياتو الكل
أيلول؛ أمير جامي سقسيتك على حياتك من قبل كيفاش كنت عايشها .. أما اللي يهم توا .. نفهم المعنى متع الهجوم .. و معمن تعاركت بالضبط ..
أمير؛ اختصارا فما تحالف جرا من ورانا بين منار و إدواردوا .. تنجم تقول تبادل مصالح ..  قبيا كلمني منار .. و رحت تلاقيتو فالمينا ..
.........flash back .....
منار؛ Hoşgeldin  Emiir     naslisin (مرحبا أمير كيف حالك)
أمير؛ هه جبتني بش تسقسي عليا
منار؛ ههه هاك تفهم التركية .. في بالك اللي هي لغة حلوة برشا ..
أمير؛ من التاااالي شكونك و شتحب ؟
منار؛ تنجم تقول اللي محاجتيش بيك .. حاجتي ب dark
أمير؛ نعم !!   نزيد نسمع اسم مرتي على لسانك ورحمة أمي
منار؛ ههههه ريض شبيك تتنرفز فيسع جينا نحكيو .. الحقيقة فما حساب نصفيه معاها .. يعني تنجم تقول روح بروح .. قتلت خويا نقتلها .. مم و إدوارد معايا تتذكر إداورد. صح .. اللي خليتوا يخسر فلوسوا
أمير؛ هههه و توا جايبني هنا بش تحكيلي على قصة تحالفكم العظيمة
منار؛ من أهم قواعدي أني منهاجمش فالظهر .. خاطر نعتبرها خسارة ..
أمير؛ ههه أمنت و القناص اللي بعثتوا بش يصيد القطط
منار؛ اممم تنجم تقول إدوارد تحمس شوي كي عرف لادراس
أمير؛ و كي عيطتلي حاب نتواجهوا هوني
منار؛ اووف أمير رايح تكون تقليدي هكا .. يعني رجالك و رجالي و سلاح و جوجمة و پوليس ..
أمير؛ المعنى
منار؛ شقولك فبارتي متع بوكس هاني جهزت الحلبة على يمينك 
أمير؛ هه ما يكون غير خاطرك..
...................
أيلول؛ اي و شكون ربح
أمير؛ أنا باينة
أيلول؛ خليتوا عايش ؟!
أمير؛ خليتوا مرمي  فالحلبة اللي حطها هو..