حب و إجرام 4 (باللهجة التونسية )

الحلقة 79

الحلقة 79 :
يقولوا اللي الحياة .. تمد بزاف فرص .. بش الواحد ينجم يثبت روحو .. فبلاصة هو يستحقها .. واحد ميقدر يلوم الحياة و يقول حياتي مش كاملة .. الغلط كلوا فاختياراتنا .. اما الشي اللي يخلينا نتجاوزو هاد الغلط .. انو يعلمنا .. أنا مثلا كون يرجع بيا الوقت للتالي .. منندمش و منغير حتى حاجة من اللي عملتوا .. دخولي لعالم المافيا .. كرهي لعايلتي .. قتلي لنجم الخاين .. مساعدتي لوفاء.. و قتلي ليها .. هروبي و رجوعي كل مرة لعالم المافيا .. و أهم حاجة انو عرفت أمير .. نظن انو كون مش خياراتي .. مكنتش بش نعرف أمير .. و حتى لتوا .. و في خضم الشي لكحل اللي عشتوا كل .. و مستنقع الدم اللي غرقنا فيه كلنا .. أمير كان السند .. كان الضوء .. اللي نجاني من روحي قبل حتى شي .. مرضي بالكونسار فيقني على برشا حاجات .. انك توصل لحافة الموت .. و تحارب فوقها.. و متعرفش اذا تنجم تعيش ولالا متنجمش تحل عينيك فصبحة من الصبحات .. تخممي فولادك .. شكون بش يبقالهم من وراك .. أنو ولادك يعيشو اليتم .. اليتم كلمة بثلاث كلمات .. الواحد يتعاطف كي يقراها .. اما يحس بيها .. لي يتلفت على وراه يلقا ظهرو فارغ .. اذاكا العبد اللي يروح للدار يلقاها باردة .. اذاكا اللي فمشاكلوا يترما للشوكة يبكي .. يبكي ساعات .. واحد ما يسمع بيه ولا يقولوا راني حدك و في ظهرك .. يلقا غير الرقاد اللي يهنيه من وجيعتوا شوي.. هاد الوجيعة بالذات ميحسهاش اللي يروح يلقا أمو فالدار مطيبتلوا غداه و موجدتلوا قشو تسقسي كيفاش تعدا يومو .. ميلقاش باباه داخل عليه بشوية خبز .. باز تجيكم الضحكة كي نقول خبز .. اما بالنسبة لواحد يتيم اكا الزوز خبزات ذهب بالنسبة لواحد يتيم .. يجي يربت على كتافك و يعطيك اما المصروف .. رغم شقاه نهار الكل .. اما ينحيها من فمو و يمدهالك ليك .. (البنات استحفظوا بوالديكم .. مهما يكونو معاكم خايبين ولا ملاح ..متخليوش نهار اللي لاقدر الله تخسروهم و تندموا .. كي تشوفي برك باباك مروح عرقان من الخدمة بش نتي تلبسي و تخرجي  ولا أمك واقفة طيب  بش تاكلي لقمة سخونة .. الدنيا و مافيها و ناعبوهم لعباد و الصحاب والصحابات .. ربي يحفظهملنا )
حطيت المذكرات على التابل ... و قمت .. ..تبسمت .. توا يعني بالحق .. سيبون معادش فما مشاكل .. شي صعيب يتصدق .. غزرت للروب بلونش .. و لروحي ..
اليوم عرسي .. ليوم نتزوجو بالفم و الملا .. قدام الناس الكل .. بش نصير مرت أمير المالكي ..
إليف؛ ماشاء الله طالعة تفتق
إلين؛ مفهمتش بصح وش كنتي تكتبي فالمذكرات في نهار عرسك ههه
إليف؛ ههه إلين هكا بديت تتمقصص عليها فيسع معندكش 15 يوم تعرفها
إلين؛ ههه نورمال شفيها مدامها دوك صحبتي قبل ما تولي مرت ولد عمي ههه
أيلول؛ هههه أفكار اكهو .. بالحق راكم توام مش نورمال
إلين؛ اما كون تشوفي أمير كيفاش طلع .. اللي فالعرس كامل كلاوه بعينيهم
أيلول؛ شنوة 😒
إليف؛ تي خلي الطفلة  تتجهز ..
إلين؛ شمدخلك انتي ههه  ديجا اهتمي بالدلاعة اللي راكي هازتها .. وليتي قنونة كل عام طفل
أيلول؛ هههه ختك كعبة مش نورمال
إلين؛ نعرف حبي ههه .. تو نروح نهش الذبان على راجلك .. بصح تخلصيني مبعد
أيلول؛ تعملي مزية .. قبل ما ننزل هازة الفرد فبلاصة البوكي
إليف؛ ههههه عندي وحد لفرد مش نورمال سرقتوا لأوس
أيلول؛ هههه نجربوا تبانلي
خرجت إلين .. تلفت نغزر لروحي فالمراية .. و إليف تريڨلي فلافوال
إليف؛ أمير انسان مليح برشا أيلول .. نظن تعرفي هاذ الشي بالقدا ..
أيلول؛ اممم متأكدة .. أحسن حاجة صراتلي فحياتي
إليف؛ ربي يهنيكم انشالله حبيبتي
أيلول؛ يعيشك يا روحي
إليف؛ توا كلش مريڨل طالعة تاخذ العقل
أيلول؛ يزي حشمتني
إليف؛ هههع ننزل نعيط للعريس يهبط عروستو
أيلول؛ باهي
خرجت .. تلفت نغزر للمراية متوترة .. إحساس ندرا كيف أنك تدي حب حياتك .. فرحة منجمش نوصفها .. مشيت للبالكون ناخو نفس .. بش يتنحالي ستراس .. نغزر للفيلا كيفاش مزينها .. كلها ورد أحمر كيف ما نحب .. تنطرت كي لف يديه على وسطي و تكاني على ظهرو ..
أيلول؛ أمير
أمير؛ يا روح أمير .. يا حياة أمير يا دنية أمير
جيت نتلفت كبس عليا ..
أمير؛ غمض عينيك حبي و اتذكر اول نهار لينا تلاقينا فيه
أيلول؛ نهار تصدمت فيك فالديسكو
أمير؛ في بالك اللي الديسكو متاعك شريتوا خاطرو السية فأنو تلاقينا
أيلول؛ اما انتا كنت بش تنتقم راو
أمير؛ يا ريت كل انتقام يكون حلو كيما انتقامي منك
تبسمت من هدرتو .. جبد يديه و دورني .. غزرلي ملفوق للتحت .. طلع يفتق السخطة ... غزرلي فعينيا
أمير؛ أحلى مرا ريتها .. تتاكل راك .. توا لازم نهبطوا حنا ؟
أيلول؛ أمييير
أمير؛ شنعمل منظرك هكا ي
أيلول؛ فهمت فهمت شباش تقول هههه
أمير؛ مخك اللي خامج كنت حانقول يهبل برك
أيلول؛ ههههه كان منعرفكش سي أمير المالكي
أمير؛ اممم يا مدام أمير المالكي .. شناخو البوسة متاعي توا .. و مبعد ننزلوا .. نكملوا الحفل متاع وذني هذا و مبعد عندي ليك بروڨرام يخلي مخك يحبس
أيلول؛ اممم بروڨرام قتلي
أمير؛ أيلووول يزي متستفز فيا .. وراس حبي نخطفك من عرسك
قدمت لفيت يدي علر رقبتوا و بستوا بكل قوتي .. كبس عليا .. نحسها بوسة لخصت حكايتنا الكل ..
جبد روحو ينهج و غزرلي .. باقي يرجع فشعري للتالي ..
أمير؛ نحبك ..ن******عليك
أيلول؛ وانا زادة *******
أمير؛ هيا ننزلوا توا ..
كروشيتوا .. و خرجنا .. نزلنا اكا الدروج مع موسيقى سلو .. الكل يصفقو .. غزرت للاويس ولينا .. تبسمت .. للاولاد اللي هازتهم النونو.. تي مقفلوش حتى شهرين بداو يحضرو عراس و يلبسوا كوستيم .. غزرت لرامي و أرمان و نزيم (الكيلر). .. اللي يتبسموا .. عايلة أمير .. مرت عمي و اولادها اللي نجمت نتعدا مشاكلي مع راجلها .. الكل فرحان .. تلفت غزرت لأمير .. تبسملي ندرا كيف ..