حب و إجرام 4 (باللهجة التونسية )

الحلقة 73 بارت 2

➖➖➖➖➖➖➖
منار؛ بونجور 
هيلدا؛ توا  تفكرت وين جات دار
منار؛ اممم لا .. تو وين فضيت
هيلدا: هه بالطبيعة تفضالي كان وقت يبقالك ڤيييد
قدم عندها لف يديه على وسطها .. و قفل الباب برجلوا من التالي .. رجع بخطوة تكا عالباب .. و جبدها لحملتوا .. عدا يدو على خصلة من شعرها .. طلعلها دقنونتها .. جا بش يبوسها .. تلفتت بوجهها .. تبسم على جنب .. جبدها بقوة و لفها تكاها عالباب .. حط يديه جنب راسها .. و طبس عليها
منار؛ هه نعرف متنجمش تتغشش مني  
طبس عليها غطس فشفافي .. نزل لرقبتها طلع يديها.. هبط السبتات متع الروب .. غزرلها و تبسم .. نزل يديه لفهم على رجليها .. طلعتهم لفتهم على وسطو .. حملها للبيت ....
➖➖➖➖➖➖➖➖
حليت الباب متع الدوش .. قابلتني اكاكا .. فشلت .. الشوميز تبللت بكلها من الما اللي. قاعد يسيح عليها .. كلش تطراسا من تحتها .. طلعت يدها عداتها على شعرها .. و هزتلي بحاجبها متع ايجا .. بلعت ريقي ..قفلت الباب .. قدمت عندها جيست مع وصلت .. لفت يديها الزوز على رقبتي .. جينا تحت الما .. غزرت للتراسات كيفاه يتعدا عليهم الما ..
أمير؛ حبي منحبش نكثر عليك و نتعبك
أيلول؛ و نتا بش تنجم تخرج توا
غزرلي ندرا كيف و غطس فشفافي .. حسيت بيديه كي حلو قفايل الشوميز .. كبشت فيه أكثر .. دخل يديه على جنابي و جبدني .. طيرلي فيوزات مخي ...
➖➖➖➖➖➖➖➖
سارة؛ ألوو بونجوغ حبي
أرمان؛ أحلى بونجوغ لمرتي
سارة؛ عيشو رويجلي المستقبلي
أرمان؛ ههه سمانة كهو وش دانا للمستقبل البعيد .. هو يعني خمممتلوا خاطر فما برشا فازات شنعملهم
سارة؛ ههههه تي ارمان تخوفني هكا
أرمان؛ هههه تو تولي متخافش تولي تحب .. خبرني توا بش تمشي عند أيلول 
سارة؛ امم كيف ما خبرتك البارح
أرمان؛ تحب نجي نهزك ؟؟
سارة؛ لا بش نروح بكرهبتي نهزها و نروحو .. نهار متع بنات راو
أرمان؛ ههه باهي لالا سارة .. تو كي نجيبك لداري تشوف يامات خلاف
سارة؛ أرمااان
أرمان؛ هههه باهي رد بالك على روحك  متنساش نحبك
سارة؛ نحبك زادة  نعلق توا باي
أرمان؛ باي
➖➖➖➖➖➖➖
قفلي الكاپ دوبان و غزرلي ..
أمير؛ نحبك
أيلول؛ اممم قداش
أمير؛ منعرش .. مفماش حدود .. غرقتيني راو
أيلول؛ ماك قابل تغرق
أمير؛ و اللي يغرق فيك يحب يخرج ..
أيلول؛ أه 😮
أمير؛ هههه إيجا
خرجنا من الدوش .. وقفني قدام الڨارد روب .. و حلوا .. اختارلي روب كحلة طويلة .. ذرعيها موسلين .. مع باسكات اديداس بيضا .. و بوشات فلبيض زادة .. حطهم فيدي ..
أيلول؛ بش نلبس هاذو ؟؟
أمير؛ اممم تنجم تقول معندكش خيار مرتي الغالية
أيلول؛ لا عاد ..
أمير؛ أكيد ..
أيلول؛ باهي خلي نكمل نجبد دبشي
أمير؛ و هادوك زادة أنا بش نختارهم
أيلول؛ امييييير
باقي يقلب فلي دوپياس .. و يتلفت يغزرلي متع عندك هاذو الكل .. خدودي بش يطرشقوا .. و هو ولا علابالو
أيلول؛ تيييي أمييير .. طرف حشمة مفيكش .. تلفت غزرلي .. جا وجهو مع وجهي ..بلعت ريقي
أمير؛ عادي .. ماكي متاعي .. وحدي .. كي ما ندللش مرتي شكون ندلل .. بقيت واقفة كون نكمل هكا محال نخرج من البيت هادي اليوم و مام هو .. تبسم
أمير؛ طمن مرتي الغالية .. الشي اللي تخمم فيه مش توا .. بش يتعب ولدي .. اما فالليل تتبدل الهدرة .. طبس باسني على خدي ..
أمير؛ يا ريت كل صباحاتي تكون كيف اليوم .. الصباح اللي مفيهش أيلول موش صباح جملة ..  تعداني و مشا خارج مع وصل للباب تلفت ..
أمير؛ مكلاه تلبس النوار متاع ال victoria secret's ..  خاطر نحبوا ليا كهو
جمدت فبلاصتي .. السخطة لحق يتولهم كامل .. و يعرف ال victoria زادة .. تلفت ليه غمزني و خرج .. ضحكت بالحق موش نورمال .. بدلت دبشي .. شيحت شعري و خرجت ..
➖➖➖➖➖➖➖➖
#يسرى_أمجوج
#حب_وإجرام