حب و إجرام 4 (باللهجة التونسية )

الحلقة 76

الحلقة 76 :
باقي يحل فالبيبان متاع البيوت .. شي .. العصب طالعلوا عاللخر
إدوارد؛ وييييييينهم
حل البيوت الكل والو .. نزل الدروج بزربة غزرلهم كي واقفين للتحت
أمير؛ أيلولتي شقولك فالقهوة 
أيلول؛ ممم مبنها قهوة بش تولي كل يوم تشريلي منها
أمير؛ ههه بالطبيعة ..
تلفتوا غزرولو كي واقف فاعلى الدروج يغزرلهم مشوكي
أمير؛ هاو كمل بابا نويل الجولة هههههه
أيلول؛ هههه انشالله خليتلي كادو
تهز على صوت تركاح الفرد كي تحط وراه على راسو
الكيلر؛ هالاو
إدوارد؛ ا ا ا الك ك يلر
جا بش يتلفت.. كبس الفرد لراسو
الكيلر؛ ولا حركة توا ارمي اللعبة الصغيرة اللي فيدك بعيدة
لز على سنيه و رما الفرد ..
إدوارد؛ هه متفاهمين يعني .. المدربو تلميذتوا و صاحبو
أمير؛ اممم كامل ننجموا نتحالفوا .. مي قولي طلعت اسقط من اللي توقعت .. تنتقم مني في اولاد ..
إدوارد؛ هه كل شي مسموح فالحرب و الحب مش هكا دارك
توا كانك راجل واجهني راجل لراجل بلا سلاح
أمير؛ باهي
أيلول؛ أمير فك عليك
الكيلر؛ لا نحب نتفرج .. عندي بزاف متفرجتش
أمير ؛ ايجا
الكيلر؛ تحرك هيا نجيپلك پوسات (مشاية متاع لولاد 😂)
خرجوا للبرا وقفوا مقابلين بعضاهم
الكيلر؛ اسمع نتا ايجا (لواحد من الرجال ) جيبلي كاس ويسكي .. ماي دارك وش تشربي 
أيلول؛ بجدك تحكي !
الكيلر؛ اه نسيت بش نولي خال جيبلها كوكتال بااارد تبردلي أعصابها شويبداو يتعاركوا الحاصول فشخوا بعضهم بطريحة .. كمل أمير عمل فيه طرح متاع بوكس .. الكيلر قاعد يشرب ولا علابالو . هي حاجة يدها على كرشها تستقوى بالطفل .. وقف أمير .. غزرلوا كي طايح عيا ينوض .. كمل ضربوا بكوتبي .. و بزق الدم على جنب .. وقفت قدمت ليه فيسع
أمير؛ هذي خاطر خربتوا فممتلكاتي
تلفت غزرلها كي وقفت قدامو .. عدا عينيه على وجهها مبينة تاعبة .. تذكر فالطريق كي قاعدة ترجف خليفة عالاولاد .. طمنها اللي هو عمل خطة مع الكيلر؛ و المايسترو و أرمان.. طلعت يدها حطتها على طرف شفتوا المجروحة .. حست بيه كي توجع ..
جبدت يدي .. عديت عينيا عليه .. كلوا مدمدم و جروح .. قلبي وجعني وانا نرا فيه هكا .. حسيت اللي انا السبة فكلشي صارلوا .. باز كون مدخلتش لحياتو مكانش راح يصرالو هكا .. جبدني عنقني طول .. غطس راسو فشعري .. رمشت بزربة منحبش نبكي توا .. يديا منجمتش نطلعهم و نعنقوا .. همس فوذنيا
أمير؛ الكره اللي بيناتنا اقوى من الحب .. على اذاكا احنا الزوز اللي عندنا حق فحياة بعض .. و الشي اللي صرا و باش يصرا انا اخترتوا بيدي .. و حبيتوا زادة .. مكش السبة و عمرك بش تكون سبة .. انتي حياتي كي منخاطرش على جالك علاجال من نعيش أه .. انتي متاعي أيلولتي وقف التنفيذ متاعي
على كلماتوا اللخرين .. نزلوا دموعي .. طلعت يديا كبشت فظهرو .. للحظة كنت بش نموت .. للحظة هو زادة كان بش يموت .. التفكير كهو يفشلني ..
فقت من سرحتي على صوت التصفيق .. جبدت روحي شوي .. اما باقي لاف ذراعو عليا
الكيلر؛ وه تحسوا مشهد هولييوودي ..
أمير؛ كون تبلع مش خير ..
الكيلر؛ ههه تراه احزر
جبد الفرد .. غزرتلوا مزهبلة شيعمل .. تهزيت و تحطيت على صوت الطلقة .. حليت عينيا .. على صوت حاجة طاحت .. تلفتنا ورانا .. غزرنا لادوارد كي طاح .. و طاح السكين من يدو... غزرت لأمير و تلفت غزرت للكيلر .. غمزنا
الكيلر؛ امم واحد زيرو
أمير؛ مرسي صاحبي مزيتك جامي ننساها
الكيلر؛ ههه ملازمش تنسا تقدر تقول ولا شرط .. شقولك دارك نخليه يتزوج عليك
أيلول؛ هه نلحقكم في زوز للرخيس هادا
الكيلر؛ ها تربية يدي كيفاش
أمير ؛ صاي يزي عاد مرتي هادي
الكيلر؛ يكثر خيري و أمثالي فالدنيا ..
أيلول؛ أمير نروحو نطمنو على سارة و المايسترو هداك هو داوي جروحك هادو
الكيلر؛ ايه و الاولاد فحمايتي .. متخافوش عليهم جملة
أيلول؛ باهي  رد بالك عيشك .. هيا أمير
خلاو الكيلر و ركبوا فالكرهبة .. هوما من اللورا .. يسوق بيهم الشوفور .. تلفتت تغزر للبرا .. جو مقلوب بكلوا .. المطر قاعدة طيح قطرات خفيفة ..تنهدت من عروش قلبها .. تلفتت كي حط يدو على يدها.. غزرل للتراسات متع الكف و صوابع في رقبتها .. عدا يدو على وجهو .. مبعد طلعها عداها على لي تراس فرقبتها
أمير؛ يوجعو فيك ؟
أيلول؛ لا عادي
طبس غرس راسو فرقبتها .. لف يدو على وسطها .. باسها بوسة خفيفة
أمير؛ كون صرالك شي كنت نموت .. يا روح أمير .. نعرف خايفة توا .. اللي تعدا مش ساهل اما مدامني معاك نتجاوزوه .. وراس حبي كلش يفوت
باقية نعدي فيدي على شعرو ... ساكتة منجمت نحكي والو .. اللي يهمني توا نطمن على سارة و المايسترو و عالاولاد و نرقد تاعبة برشا .. دخلنا للريسبسيون .. سقسينا خبرونا ..عالطاج .. طلعنا .. لقينا ارمان حاط يديه على راسو و منزلوا للتحت .. نفسي رزان و انا نغزرلوا .. كبشت في كتف أمير تلفت غزرلي .. يطمن فيا ..
أمير؛ أرمان صافا
طلع راسو غزرلنا حالتوا تقسم الحجر ..
أرمان؛ مزال لتوا مخرجوش من العمليات قالو اللي السكين قاس العروق اللي فاليد اليسرى و اللي هي خسرت برشا دم  حط يدو على كتافو يواسي فيه
أمير؛ انشالله تخرج بخير
باقية واقفة منجمت نحكي والو .. شوي و تحل الباب خرج الطبيب نطر أرمان ليه .. غزرلنا و مبعد نزل راسو
الطبيب ؛ للأسف فقدنا المريضة جروحها كانت خطيرة بزاف
نطر ارمان دزو بيديه يبكي و يدز فيه
أرمان؛ محاال تموت .. رايحين نتزوجو فهههمت خيرتلها الخاتم فههمممت هاهو
باقي يفركس في جيوبو ويرجف .. أمير يوقف فيه .. نزلت مع الحيط للارض نغزرلوا و دموعي نازلين .. صونا تيليفوني .. هزيت بلا ما نشوف الاسم
رامي ؛ أ أيلول ب بابا مات
يدي رجفت .. التيليفون طاح من يدي ..
أيلول؛ لااااااااااا علاش هكااا ...
يا ربي مننجمممش
كلشي ضبب فعينيا و ماعاد حسيت بشي