حب و إجرام 4 (باللهجة التونسية )

الحلقة 77

الحلقة 77 :
اليوم تعدا شهر ..اﻟﻮﺍﺣﺪ ﻣﻴﻨﺠﻤﺶ ﻳﻌﺮﻑ ﺍﻟﻤﻮﺕ
ﻭﻛﺘﺎﺵ ﺗﺠﻲ .. ﻣﻴﻨﺠﻤﺶ ﻳﻌﺮﻑ
ﻫﺎﺫﻱ ﺍﻟﻠﺤﻈﺔ ﺍﻟﻠﺨﺮﺓ ﻣﺘﺎﻋﻮ ﻣﻊ
.. ﺃﺣﺒﺎﺑﻮ ﻭﻻ ﻟﺤﻈﺘﻬﻢ ﺍﻟﻠﺨﺮﺓ ﻣﻌﺎﻩ
ﻧﻈﻦ ﺍﻟﻤﻮﺕ ﻫﻮ ﺃﻛﺒﺮ ﻣﻔﺂﺟﺄﺓ
ﻣﻤﻜﻦ ﺗﻔﺂﺟﺄﻧﺎ ﻭ ﺗﻬﺪﻧﺎ ﻓﻨﻔﺲ
ﺍﻟﻮﻗﺖ .. ﺳﺎﻋﺎﺕ ﺍﻟﻮﺍﺣﺪ ﻛﻲ
ﻳﺨﻤﻢ ﻫﻜﺎ.. ﻳﻘﻮﻝ ﻣﻨﺤﺐ ﻣﻨﻌﻴﺶ
ﻣﻊ ﺣﺘﻰ ﻭﺍﺣﺪ .. ﻫﻜﺎ ﻧﻨﺠﻢ
ﻧﺘﺤﻤﻞ ﺍﻱ ﺷﻲ ﻳﺼﻴﺮﻟﻲ ﻭ ﻧﻜﻮﻥ
ﻭﺣﺪﻱ .. ﺧﺎﻃﺮ ﻭﺟﻴﻌﺔ ﺍﻧﻚ
ﺗﺨﺴﺮ ﻋﺒﺎﺩ ﺗﺤﺒﻬﻢ .. ﻣﺘﺘﺤﻜﺎﺵ
ﺑﻜﻠﻤﺎﺕ .. ﻣﻨﺠﻤﺶ ﻧﻜﺘﺒﻬﺎ ﻭﻻ
ﻧﻌﺒﺮ ﻋﻠﻴﻬﺎ .. ﺗﺤﺲ ﺳﺪﺭﻙ
ﻳﺘﺸﻖ ﻭ ﻳﺘﻘﻔﻞ .. ﻛﺎﻧﻮﺍ ﻗﻠﺒﻚ
.. ﻣﻜﺒﻮﺱ ﻛﺎﻧﻮﺍ ﺗﺤﺖ ﺟﺒﻞ
ﻃﻠﻌﺖ ﺭﺍﺳﻲ ﻧﻐﺰﺭ ﻟﻠﻤﻄﺮ ﺍﻟﻠﻲ
ﺑﺪﺍﺕ ﻃﻴﺢ .. ﻫﺰﻳﺖ ﻳﺪﻱ
ﻣﺴﺤﺖ ﺩﻣﻮﻋﻲ .. ﺭﺩﻳﺖ ﺍﻟﺮﻳﺪﻭ
.ﻣﺘﺎﻉ ﺍﻟﺒﻴﺖ .. ﻭ ﺗﺮﻣﻴﺖ ﻓﺎﻟﺴﺮﻳﺮ.. غمضت عينيا كي تحل الباب .. حسيت بخطواتو .. قعد على طرف السرير .. عدا يدو على شعري.. و طبس باسني على جبهتي .. كبست روحي بش منبكيش .. شهر كامل تعدا هكا .. ضميري مأنبني .. خاطر انا السبة كون مش انا اللي دخلت لحياتها كون توا راهي بخير و عايشة حياتها .. كل حد دخلت لحياتو تدمرت .. نجم اللي كنت بش تعرس بيه .. وفا اللي درتها صحبتي .. أمير اللي تمرمد جرايري .. جدي اللي حتى و هو بعيد مسلمش .. سارة و أرمان اللي كنت سبتهم .. صحيح أرمان ما حكا حتى شي .. اما اكا الغزرة فالجنازة .. جامي ننساها.. نزلوا دموعي بالوقت .. أحسن شي انو خرج .. حليت عينيا نغزر للسقف .. زعما انا خايبة للدرجة هاذي .. حطيت يدي على كرشي نعدي فيها عليها .. زميت شفافي نحب نكتم شهقاتي .. باقية اكاكا لين رقدت ..
أمير يحكي :
قد ما حاولت نسيها شي .. حالتها ماشية و تدهور .. نروح للخدمة و نجي هي فغرفتها .. حتى اللولاد دوب تراهم ..
تاكل بالسيف ترقد و تبكي كهو .. صحيح منراهاش اما ننجم نرا التراس متاع الدموع .. عينيها الحمر دم ..
أرمان يحكي :
الواحد يحل عينيه ساعات .. يلقا حوايج مستانس يبدا بيها نهارو .. و بنى عليها حياتو مفماش .. مكانش أخيب من هكا ..وقت يكون كلش قدر . منجموا نعملوا حتى شي ..اليوم تعدات 8 أشهر على وفاتها .. عديت يدي على تراب قبرها.. قداش توحشتها.. شاهي ترجع نعنقها .. نخربلها شعرها .. نمرجها شوي كهو .. قلبي وجعني .. قمت نمشي بخطوات .. لين نوقز تيليفوني
أرمان؛ وي .. كيفااااش !!! وكتاه ..
.........
فالكلينيك :
مسيو متنجمش تدخل مرتك بش تولد راو
أمير؛ ب ب باهي
ترميت عالكرسي .. نهز فرجليا .. حط يدو على كتافي يهدي فيا
الكيلر؛ اهدا بش تكون مليحة
أمير؛ خايف
الكيلر؛ تي طفل كهو يخرج من
أمير؛ جاي تزيد عليا نتا ؟؟
الكيلر؛ لا صاي اركح هيا قوم معايا عالاقل كول حاجة شوف وجهك كيفاه صفر خمس دقايق كهو .. محال يكملوا قبل هيا
تبعتوا و نزلت خذيت كاس قهوة و طلعنا ..
تعدا وقت خرج الطبيب
الطبيب ؛ مبروك مسيو أمير جاوك توأم كيما ريناهم فالإيكو
عينيا لمعوا .. و انا نسمع فهدرتوا
أمير؛ و مررتي
الطبيب ؛ الحقيقة ..🙁
#حب_وإجرام
#يسرى_أمجوج