حب و إجرام 4 (باللهجة التونسية )

الحلقة 70

الحلقة 70 :
تلفت غزرت ليدي كي تقاست .. رصاصة سطحية .. تعدات على ذراعي .. حط يديه على ذرعيا بش ينوضني .. خرجت مني أه خفيفة ..جبد يدو غزر للدم اللي فيها
أمير؛ تصااااوبتي !!!!!!
قعدني و قعد ..
أمير؛ ذراعك كهو !!! توجع فيييييك !!
أيلول؛ برا طمن عاللولادد
أمير؛ و نتي ؟؟
أيلول؛ أمييير
أمير؛ ب باهي متحركش تو نهزك للكلينيك
قمت نجري طلعت لبيتهم .. لقيتهم يلعبوا .. خذيت نفس .. هزيتهم في حملتي و نزلت ..
أويس؛ ماما ثبيك قاعدة فاللرض اكاكا
أيلول؛ شي تو نجي يا روحي كمل العب باهي
حطهم و جا عندي ..حكمني شوي بش نقوم
أمير؛ هيا .. ولا نقولك تو نكلم الطبيب .. ايجا قوم ..
عيطت للنونو .. طلعت لولاد لبيتهم. . أحسن شي أنو لفوق الزجاج عازل .. والا منعرش شنوة صرا..  طلعتها جا الطبيب ..  ضمدلها يدها و خرج .. احسن شي انو تعدات سطحيا .. و الا عمري كنت نسامح روحي .. جيست مع خرج .. خبرت الرجال يجيبو الدوا اللي طلبوا الطبيب .. طلعت  لبيتها لقيتها متكية .. تغزر للسقف ..   قدمت قعدت قدامها .. باقية تغزر للفوق  ..
حطيت يدي على يديها ..
أمير؛ صافا توا ..
هزتلي براسها اي .. عديت يدي على وجهي .. كون تقاست هيكون تعدات على كرشها كنت نخسرها .. و نخسر ولدي .. كبست يدي أكثر .. و الله نمحيه من الدنيا ولا منتسماش أمير ..
أيلول؛ اهدا
أمير؛ نهدااا !!! كنت باش تموت .. تعرف شمعناااها .. الرصاصة اللي تعدات عليك
أيلول؛ نعرفها
أمير؛ فاش قام ترمي روحك هكااااك
أيلول؛ نتا قلتها كنت باش تموت
أمير؛ مهماااا .. تعرف شمعنى تتصاوب .. وربي الليلة نحرق نيويورك اليوم .. نجبدوا من السما ولا من اللرض.. كون صرا شي للطفل و
أيلول؛ هه همك كان فالطفل أمير
تلفت غزرلي ندرا كيف .. جبدت يدي من تحت يدو.. و قمت .. باقي يغزرلي .. غزرتلوا و تلفت بش نمشي.. جيست مع وصلت للباب .. لف يديه على  وسطي .. و جبدني .. جا ظهري على سدرو .. الكورون ضرب في كرشي.. كبست روحي .. جيت نبعد.. كبس عليا .. طبع بوسة خفيفة على كتفي .. زاد وحدة على رقبتي .. الحاصول ترهوجت منو. السخطة .. قدم لوذني يحكي بصوت مرخوف عاللخر ..
أمير؛ حاجتي بمرتي قبل كل شي .. و رحمة أمي يا أيلول نحرقوا قدام عينيك .. توا تلوم يا أيلول .. كذبت عليا راك .. كنت بش نقتلك بش ننتقم لصاحبي و تعدا كلش و حبيتك .. حبيتك راني .. هكاك و ماوثقتش فيا و ما خبرتنيش ..
دورني جيتمقابلتوا .. غزرتلوا فعينيه .. لمعة متاع دموع .. قلبي وجعني ..
أمير؛ يا زح كنت تخبرني من لول موصلناش لهوني .. كون قتلتك كي كنت حاب ننتقم .. لها الدرجة يعني محبتنيش لدرجة متاثقش فيا .. أنو فضلت عايلتك عليا!! .. في بالك كي خليتك شهر كنت ننجم نكون بعيد.. كل شي تعملوا نعرفوا .. نهار خرجت من الكلينيك كنت نستنا تخرج مطمنة بلي الكونسار مرجعش.. أما وقتها زدت كذبت عليا .. ولدنا هذا أيلول
دموعي نزلوا .. كل كلمة يقولها عندو حق .. بلعت ريقي و غزرتلوا .. غزرلي ندرا كيف و نزل راسو
أيلول؛  سامحني ..نعرف اللي غلطت فيك أمير .. و جرحتك وقت كذبت .. يمكن عندك حق.. أما حبيتك .. و مزال نحبك ووبش نبقى .. جامي تشك بهاذ الشي .. و ولدك كنت بش نخبرك .. خوفي كان أنك متتقبلش خاطرك كنت بعيد .. نظن اللي احنا وصلنا للتالي.. خاطرك محال تتعدا هاذ الشي .. وأنا منجمش نكون معاك و نتا هكا .. كانك على ولدك ..
باقي يغزرلي
أمير؛ نعشق دين أمك تعرفها هادي ..
غزرتلوا مزهبلة ..
#يسرى_أمجوج
#حب_وإجرام