حب و إجرام 4 (باللهجة التونسية )

الحلقة 74

الحلقة 74 :
دخلنا للمول .. الحاصول ما خلينا شي مشريناهش .. وقفنا قدام magasin متع لانجري .. غزرت لسارة و تبسمتلها بتسوميم .. 
سارة؛ لا عاد
أيلول؛ ههه حبي ايجا ..
دخلنا باقية نخيرلها .. ترمات عيني على نويزات فالغوج .. عضيت شفتي على جنب و تبسمت .. طلعت راسها غزرتلي و غزرت وين نشوف
سارة؛ هههه الله يعينك يا أمير
تلفت غزرتلها و طرشقنا بالضحك.. كملنا قضيتنا و خرجنا .. حطينا الدبش من اللورة .. الكرهبة تعبات ..  ركبت نسوق و هي قدامي ..
سارة؛ مثبتة ياخي تنجم تسوق
أيلول؛ ههه بربي لاه حامل بديناصور .. شهرين كهو راو
سارة؛ هههه دخيلو الصغرون انا
صونا تيليفون بالوقت
سارة؛ احممم هاو بوه منجمش يصبر 3 سوايع
أيلول؛ ههه ... ألووو
أمير؛ توحشتك أيلولتي
أيلول؛ اممم
أمير؛ هههه نعرف ماكش وحدك .. اما توحشت دين امك شنعمل .. صافا راك
أيلول؛ اممم هاني صافا .. بش نروحو لريسترون نتغداو و مبعد نروح.. كملت خدمتك انتا
أمير؛ اممم شوي توقيعات و خلصت و هاني مع لولاد وليت ربة بيت
أيلول؛ ههههههههههههههههههههه بربي أميير
سارة؛ هااااللاااو راني هنا
أمير؛ هههه قولها تو كي تزوج نشوفوك كان بش تبقاي هنا ..
أيلول؛ هههه اي ..
أمير؛ برا اتغدا و رد بالك على روحك .. و متلفش العساسين اللي حاطهم وراك نعرف شالقة بيهم
أيلول؛ هههه بالطبيعة و هذا شي يتعدا على dark
أمير؛ ماكش dark راك  مرتي ..
أيلول؛ اممم ههه تهلا في روحك
أمير؛ ن****** عليك
أيلول؛ باي هه
علقت عليه نتبسم .. تلفت غزرتلها كي تتبسم زادة .. و تكتب فلي ميساج .. ههه الفرخة طاحت على راسها .. خدمت الكرهبة .. و ديماريت .. حطينا غنا .. نتمايلوا معاه .. وصلنا للإشارة المرور حمرا .. تكيت عالفراامل بش نحبسهم .. و هنااا كانت الصدمة !!!!!! ... الفرامل محبوش يخدموااا!!!
باقية نتكا و نعاود شي ..
تلفتت سارة طفات الغنا و غزرتلي .. .. وصلت منين الطريق الكراهب متاع الجهة الثانية يعديو .. كون منحبسش ندخل فيهم... عينيا تحلوا!!! ..
عييت نحبسها شي .. كملت نسوق .. حاولت نتجاوز الكراهب .. اللي من الجيهة لخرا .. لين خرجت للطريق  .. [شكل الطريق هكا ➕] ..
سارة؛ ش شفففمااااااا علاه فت الاشااارة .. البوليس وراناااا
أيلول؛ ا الفرااانااات ق قطعووهم
سارة؛ شننننننووووة !!!!! ... ب بش نمووووتوووا مش هكاااا
أيلول؛ ك كلمي أميير فيسع ..
سارة؛ ب ب اهي
جات تكلموا .. تهزينا و تحطينا وقت صدمت فينا كرهبة من جيهة سارة .. هزو الفرد صوبوه لينا ..
أيلول؛ ساااارة هبطيي رااااسك ..
نزلت راسها زدت فالفيتاااس .. نعرف مخاطرة كبيرة .. اما مستحيل فحالتي نواجههم .. بلعت ريقي .. خايفة .. غزرت فالمراية نفركس على رجال أمير .. شي فما 3 كراهب كوحل ورانا و شاحنة .. خبطت الفولووون بيدي .. تلفت ليها ..مخلوعة ترجف بكلها ..
أيلول؛ ساااارة ساااارة ركز معععاياااا هز التيليفون من بين رجليك كلم أمييير .. سااارة ..
باقية نهز فيها شي .. جيست ترجف كهو .. منجمش نطبس نهزووو . .. خلطوا علينا زوز كراهب حاصرونا .. جيت نزيد فالفيتاس .. قابلني منعرج .. غلطة صغيرة نكونو طحنا فالجرف ..و زادة نبقا تو يصفيونا .. حطيت يدي على كرشي .. تعدات بين عينيا صورة أمير .. و هذا آخر شي ريتو ..
#حب_وإجرام