✍️ //فراقد
((((دراهم))))
—البارت الاول (1)
ليش الحياه تحطم ألانسان وترض عظامه رض مثل سحك الزجاج على الصخر ؟؟؟؟؟!!!!!
اْهنا يمن جنه اوجنت ***جينا اْوكفنه ابابك
اوليف الجهل ما ينسي *** اشمالك نسيت
اْحبابك
اهنا يمن جنه اوجنت روحين لاجن بس جسم***
فركاك فطر مهجتي او ضليت بس امشي رسم***
تدري اْبنحولي اْشوصلت عجزان عن شيل الهدم***
يل صوبت جبدي ابسهم ها ها تشد اصوابك***
محمد ...هاي ليش طفيته مو داسمع !!
مصطفى ...اكول اسكت صارلك 8سنوات انسى عاد وعيش حياتك
محمد...انت صدك تحجي اكو واحد ينسى حياته؟؟
مصطفى ...اكلك هو الخلقها ماخلق غيرها ؟؟ شوف شحالك البعمرك هسه ولده بطوله ،،اي غلس ودير وجهك الحجي ماعجبك ...
هاي شنو هم رجعت شغلتها انت ماتمل هلكد ماتسمع هاي الاغنيه !!
محمد ...لا يااخي ماامل ورجاءاً وفر نصائحك لنفسك
مصطفى ...هاي عود صدك تحجي!!! شبيك تبجي يمعود انتبه للدرب لا تكلب السياره بينا....
الحمد لله ماصدكت وصلت بسلام صدك انت خبل اتوبه اذا اطلع بعد وياك اذا انت ماتريد روحك اكو غيرك وراه زوجه واطفال
محمد...بلا ماتسكت امشي وانت ساكت .....
هاي منو ؟؟شجابج هنا ؟؟
هند ...الجابك جابني ،،واول شي ناس تسلم مو تهجم بالحجي اكو شي اسمه ذوق
محمد ...هاي شنو لسان لو مدفعيه
مصطفى ...الله يساعدج خالتي شلونج ،،اخبارج عساج طويبه
ام هند ...يابعد خالتك واهلها الحمد لله يمه بخير وعافيه الله يحفظ شبابك وليدي
محمد ...اكول خاله هاي لسانها متبري منها بس ويانه لو حتى ويه صكارها؟؟
هند ...اكول جفيني شرك وكلمن يروح بدربه
ام هند .... ولج لسانج هذا متبري منج !!والله ياوليدي من وره هذا لسانها صارلها شهر رجلها شامرها يمي زعلانه وجهالها يبجون على ابوهم.
هند ..امشي يمه كافي تشكين بحالي للرايح والجاي
مصطفى ...وين رايحه ؟؟خاله امشي ارجعي ويانه سياره بيها تبريد ........
محمد ...اكول هند هم سامعه اخبار جديده عن اهل دراهم؟؟
هند ...لا والله علمي علمك..اوووف يامحمد لليوم قلبي يوجعني شذكر وشنسى
أنت تقرأ
دراهم
ChickLitليست الألقاب هي التي تكسب المجد بل الناس من يكسبون الألقاب مجداً... هي مكافحه وبسيطة ... وهو من قوميه اخرى ..... جمعتهم صدفه غريبه !! ياترى ماهي نهايه هذا الصدفه..........
