✍️//فراقد
((((دراهم))))
البارت الرابع عشر (14)
بعد مااستلمت النتيجه ناحجه الحمد لله خلصت من الجامعه.. خف عليه الضغط بقى بس تعب الشغل بالجريده ،،،
وبعد ماتصالحت ويه محمد بعد زعل دام اسبوعين رجعت امورنه طبيعيه واحسن من قبل ،،
مابقى على زواجنه غير (10)ايام محمد حدد ثالث يوم عيد الاضحى يصادف خميس 18/11
وبديت اركض ركض اشترينه الغرفه اني ومحمد رحنه سويه اختاريناها
ويوميه اطلع للسوك اجهز الشغلات الي احتاجهن من ملابس وعطور مكياجات احذيه جنط ملابس بيت ملابس طلعه يومه اطلع اكمل شغله
بعدين رحت حجزت بدلات للحنه وللعرس
واتفقت ويه الصالون على المكياج والتسريحه الخاصه بالحنه والخاصه بالعرس
يبووو تعبت اركض صبح وليل هوسه مااندل راسي من رجليه
يوم الاثنين المصادف 15/11بعد (3)ايام على يوم العرس واليوم(يوم عرفه)
والناس والأحباب والأقارب كلها فرحانه بجيت العيد هذا الي ينظف والي يجهز والي يعدل والي يسوي كيك وكليجه والي طالع يشتري ملابس للعيد والي ماخذ جهاله للسوك يكدرلهم ملابس يفروحن بيهن والي يسوك للبيت علمود الخطار الي جايه بالعيد
الحمد لله فرحت العيد بالبيوت العراقيه الها طعم وذوق خاص كلها بكفه وفرحت الجهال بكفه منتظرين الصبح علمود يحصلون العيديات
أجاني محمد الضحى اخذت غراضي وملابسي ارتبهن واعدلهن بيتي الجديد
اختي الكبيره راحت ويايه محمد حبيب قلبي كان مرتب الغرفه وشادها وناصبها كلش حلوه نصبتها
وماشاء الله الغرفه واسعه وكبيره وواجهتها بلكونه وشباك على عرض الحايط باب بطرف الغرفه متصله بالشباك تطلع على البلكونه الحلو الشمس دائما موجوده وهو مسوي جهه من البلكونه خضره تارسها سنادين وورد اشكال الوان وبنفس الجهه صاعد على الحايط نباب اللبلاب كلش حلو منظر البلكونه طاله على حديقة بيتهم ناقصها بس مرجوحه صغيره
وبداخل الغرفه حمام كلش مرتب وحلو صح صغير بس حلو وصاله صغيره بالبدايه اول ميفوت الواحد مخلي بيها نص تخم قنفات وبلازمه وثلاجه
كلش مرتبه والوانها حلوه بعدين قوس قاسم الصاله عن غرفه النوم الي بداخلها الحمام ببرده كرستال ملون نازله بشكل حبال من يفوت الواحد تطلع اصوات خشخشه
كلش حبيت المكان وهاي اول مره اروح واشوف غرفتي بعد ماجاب غرفة الاخشاب وشدها
رحت اعدل أغراضي بيها واختي دره تساعدني
وامي اكلت راسي ،،ممنوع تبقين وحدج وياه بالغرفه ،،وممنوع يقفل الباب عليكم ،،وديري بالج ،،انتبهي زين ،،ممنوع تنطي مجال ،،الشيطان شاطر ،،ترى امه تدور عليج الزله ،،
واني كل هذا التحذير اجاوب (أي) و(صار)
أنت تقرأ
دراهم
ChickLitليست الألقاب هي التي تكسب المجد بل الناس من يكسبون الألقاب مجداً... هي مكافحه وبسيطة ... وهو من قوميه اخرى ..... جمعتهم صدفه غريبه !! ياترى ماهي نهايه هذا الصدفه..........
