✍️// فراقد
((((دراهم ))))
البارت السابع (7)
باوعت الساعه ب(10)بليل لا يالله شكد نمت!!
بقيت الليل كله كاعد ساعه اكل لكمه ،ساعه اشرب شي بارد ،ساعه اشرب شي حار ،معدتي غساله كامت تخبط،،
بس اريد الوكت يمشي تابعتلي فلم ،وكملت حلقه من مسلسل متابعها ،
وكل هذا ماخلص الليل خابرت وحدها اعرفها صديقه وكذا (مالكم شغله بالباقي)
بطلعان الروح يلا طلع عليه الفجر وهي صارت ب(6ونص الصبح)واغبش على بيت خالتي ام مصطفى
وصلتهم تقريبا ب(8الاربع)بقى مصطفى متفاجأ شكو ؟؟وشبيك ؟؟وشعندك ؟؟
كتله يمعود علمود البنيه خاف يصير عليها شي وتعال يعمي خلصني وانت تدري بيه اني مامتقصد بس بعد هذا حضي ....
فوتني جوه للبيت وهو راح غسل وبدل وخالتي سوتلنه ريوك
كعدنه تريكنه وبعدها كالت هسه بس البس جواريبي واجيب عبايتي ماعندي شي
والله يايمه يامصطفى دارهم كسرت قلبي افكر بيها من البارحه وادعيلها..
اني بقيت فاك حلكي عرفت هي المقصوده لا واسمها دراهم شنو هل الاسم الغريب!!!
طلعنه سويه اخذتهم بسيارتي رحنه للمستشفى وانطيت لمصطفى مبلغ العمليه والعلاج
كتله مااريد تعرف من عندي الظاهر هي متخبله من عندي بس ماتعرف اني كلبي عليها نارر
شويه بقينه واكفين باب المستشفى بين مامصطفى خابر براء كالتله وصلنه قريب
شويه واجتي هي والبنات شفتها تبجي وخايفه والله كسرت قلبي
اتمنيت اخذها بحضني واحطها بوسط قلبي واشيل من عدها كل وجعها ووخوفها،،
بس هي حتى ولا باوعت بوجهي بقيت بعيد بس اباوع بعيوني واكل بروحي ،،
دخلنه وتمت جميع اجراءات وشغلات المستشفى والعمليه
واسمعها شلون تبجي وتوصي وخايفه ياربي وين انطي وجهي اخذت روحي وياها
دخلوها للصاله وتقريبا ثلاث ارباع الساعه طلعوها مغطيها بجرجف ازرك مال مستشفى ولافيها
وتصيح بردانه غطوني وتنفض كلها مثل السعفه
وشفتها بييضه ووجها شاحب اصفر الدكتور طمنه عنها وكال لاتخافون الحمد لله ماكو شي يخوف بس ناخذ التليف للزرع علمود التاكيد وان شاء الله ماكو شي
اخذوها لغرفتها وخالتي تبجي عليها وصديقاتها والله حتى اني غرت من مصطفى عبالك زوجها وهلكد خايف عليها
بس اني الي فهمته من عنده حاسبها اكثر من اخت ،،
حولها من سرير صاله العمليه لسرير غرفتها شلناها من 4جهات
أنت تقرأ
دراهم
Genç Kız Edebiyatıليست الألقاب هي التي تكسب المجد بل الناس من يكسبون الألقاب مجداً... هي مكافحه وبسيطة ... وهو من قوميه اخرى ..... جمعتهم صدفه غريبه !! ياترى ماهي نهايه هذا الصدفه..........
