✍️//فراقد
((((دراهم ))))
البارت الثامن ....(8)
مرت الايام... والامتحانات كانت صعبه انشلع قلبي
لان مالحك بين القرايه والشغل
ونسيت شكو بالدنيا اهم شي عندي اخلص اخر امتحان واستلم النتيجه ناجحه واعبر للمرحله الجديده اريد بس اتخرج
واني عندي أمل كلش جبير بمصطفى يثبتني بالجريده من بعد املي برحمه الله سبحانه وتعالى
وفعلا خلصت اخر امتحان وارتاحيت شويه خف عليه الضغط
واليوم اخر يوم النه بالسكن هنا لان العطله الصيفيه جميع الطلاب يرحون لاهاليهم
كاعده واجمع بااغراضي وارتب ملابسي وشغلاتي بالجنط وكل البنات نفس الشي
وهند كاعده يمي وتلم بغراضها وملابسها ويممممه السانها مايبطل حجي
رن تلفون براء وسكت كانت ماموجوده بالحمام تسبح وره شويه هم رجع رن طبت تركض عليه ورفعت الخط واخذته وطلعت بره الغرفه اكيد هذا مصطفى ماكوو غيره ،،،
بقينه اني وهند نرتب هسه لو بس تسكت شويه اني بخير والله راسي صاير طبل بالشغل مصطفى يعيط ويصيح وهنا اجي ارتاح تتلكاني هند
شويه ودخلت براء وقدمت التلفون كدام وجهي
براء...هاج دراهم محمد يريد يحجي وياج
دراهم ...عكدت حواجبي ياامحمد هذا
براء ...شبيج ابن خالتي
دراهم ..واذا ابن خالتج اني شمعرفني بي
براء ..ولج شبيج ثوله محمد الكردي ابن خالتي الي ضربج هذاك اليوم
دراهم ...اشعر بالخجل عبالك الموقف هسه صار ويايه ليش هوو كردي؟؟؟ ..بعدين ليش احجي وياه شيريد من عندي ؟؟؟
براء ..ولج شكد تسالين ،،اي كردي !!وبعدين شمدريني شيريد من عندج؟؟ ..هسه تحاجينه لو لا ؟؟صار ساعه منتظر على الخط ..
دراهم ...استحي ماكالج شيريد من عندي
براء ..ترى شلعتي قلبي هاج ردي عليه وافتهمي شيريد منج
اخذت التلفون من ايدها وحجيت بااحراج على مستحى مااعرف شنو اكول شنو احجي اتخيله عبالك يباوع عليه بقت لقطه عيونه شلون يباوع على صدري هو ومصطفى
دراهم ..الوووو
محمد..الووو شدعوه يابا واخيرا رديتتي
دراهم ...هاا العفو اخي ماافهمت قصدك
محمد ...اخي شنو هاي النوب ؟؟
دراهم ..لعد شنو اكول لحضرتك
محمد ...اكول انتي شايله قلب لو صخره هيج قلب
قاسي ماشايف
أنت تقرأ
دراهم
ChickLitليست الألقاب هي التي تكسب المجد بل الناس من يكسبون الألقاب مجداً... هي مكافحه وبسيطة ... وهو من قوميه اخرى ..... جمعتهم صدفه غريبه !! ياترى ماهي نهايه هذا الصدفه..........
