دراهم

الحلقة -13-

✍️//فراقد

((((دراهم))))

البارت الثالث عشر (13)

خلص العيد بخير وسلامه بين فرحه الاهل ولمة الاحباب ...
وبديت اراجع المواد الي وكعت بيهن أكمال،،،، وكان الجدول الحمد لله من جانبي؛؛

الامتحان الاول كان بالبدايه تسلسله ثاني امتحان بالجدول ؛؛؛؛والامتحان الثاني كان بالاخير

فستغليت الفرصه ،،وذبيت روحي على الماده لازم انجح بيها ،،مو مال ارسب واعيد سنه علمود مادتين ،،ورايه زواج وشغل تصير كلش صعبه عليه ،،

فهمت محمد مااخابره بليل بعد،، علمود اركز واشبع نوم،، وبالشغل استغل وقت الفراغ واقره شويه ،،

والحمد لله خلصت الامتحانات وكانت الاسئله اسهل من الدور الاول ..جاوبت عليها كلها ...

وبقيت انتظر النتائج بعد يومين تطلع ،،واني القلق كتلني ..اشتغل اروح واجي وبالي مو عندي ،،اني متاكده مجاوبه بس الخوف بعد مسيطر عليه

كعدت من الصبح ركض غسلت وبدلت وخابرت هند اشوفها بالجامعه الوداع الاخير،،،،

لان هي هم انخطبت من خلصنه امتحان دور الاول وتزوجت بعد اسبوعين ماطولت فترة خطوبتها اتزوجت ابن خالتها خوش ولد موظف وحالته زينه ماكو بيناتهم حب لا زواجهم تقليدي قسمه ونصيب من اخابرها تكول الحمد لله زينه ومرتاحه

طلعت ركض من البيت ماتريكت اخذت تكسي للجامعه ..وصلت لكيت هند وباقي الزملاء والزميلات الي مصيفين مثلي ...

بعد السلام والكلام رحت للوحه الاعلانات بعدهم مامنزلين قوائم الاسماء

واكفين مجوعه طلاب 4شباب واحنه 3بنات
واحد من الطلاب كان اسمه حسن خوش ولد حباب ويشاقي صاحب نكته

حسن ...بويه شنهي من الصباح وجهجن ملبوخ شوكت لحكتن تلبخن ؟؟

هند ...وانت شنو الغاثك بالموضوع

حسن ..ليش ماانغث اني بالكوه اشيل راسي من المخده الصبح ابدل واني نايم واغسل وجهي بالسياره

دراهم ...الكل كامت تضحك على سوالفه

حسن ...اي والله شبيكم تضحكون بس كللي شوكت تلحكن تلبخن اكول خاف تابتن بالمكياج بليل وتسلفنن وجوهجن !!

دراهم ...الكل يضحك واحدهم يريد يوكع من طوله من الضحك وحسن ولا يضحك ولا عبالك يمه السالفه ،،،انت منين اطلع هاي سوالف

حسن.... انتي بالذات لا تضحكين المكرود الي ابتلى بيج ميعرف هاي الخلقه شوكت يوكع الصبغ من عدها ويطلع الصبغ الاصلي

دراهم ...هههههههههههه

حسن ....اي ضحكي شلعيج ناس تضحك،، وناس الله خلقها يبدع بخلقها ،،،وناس تتعذب ماتعرف الحقيقية