دراهم

الحلقة -5-

✍️// فراقد

((((دراهم))))

البارت الخامس (5)

محمد...اسمي محمد مواليد 1983،،خريج كليه عسكريه ملازم اول اداوم حاليا بمركز شرطه ال(....بمنطقه ال....)بعدلي كم شهر واترفع اشيل نجمه ثالثه اصير (نقيب)

طويل وضخم طولي 188سم وزني 80كم ..جتافي عريضه وصدري عالي من العضلات عضلاتي حلوه اروح قاعه يومياً ادرب بعد الدوام

أحب اللون الاسود دائما البس أسود يلوكلي لان بشرتي بيضه ناصعه وعيوني خضره طووخ حواجبي ثخان شگر وشعري اشگر احب اسوي لحيه واربيها بس بحكم دوامي مايصير بس شواربي زايداتني هيبه

بعد كردي وعدكم الاحساب ((بدون غرور هاي موصفاتي))

عندي عيب هو عصبيتي اذا عصبت احرك الاخضر واليابس مااتفاهم تطفى عندي الشاشه

البنات يركضن وراي عارف اشكال الوان بنات كلشي مار عليه اعرف كل دروبهن بس للامانه مو كل اصابعنه سوه حتى لا اظلم بختي

الحد الان مامتزوج ،،مالكيت البنيه المناسبه لان هلكد ماشفت بنات كمت مااثق باي وحده ...

ابويه متوفي الله يرحمه ،،،امي ربت بيت مشكلتها وعيبها الوحيد تحب المستوى والطبقات،،
مو شغله احجي على امي لا..لا بس هذا عيبها الوحيد

حتى معزولين عن الاقارب مايحبوها يكولون عليها شايفه نفسها ومغروره فهي منعزله ومتخالط احد ،،

عندي خوات 2 اصغر مني متزوجات ''واخوان 2 بعدهم طلاب مدارس بالاعداديه ..

وامي مجلبتلي تعال ازوج ماكله راسي يوميه وكالت خلي ازوجك واني مالي خلك للقميص الابسه اعوفها وانهزم منها

اشوف شلون تاليها بعدين من يصفى بالي هاي اذا صفى ،،

فد يوم الجمعه عطله عندي كلت اروح لمصطفى ابن خالتي اسويله مفاجأه بدوامه واخذه نطلع سويه نتغده صار هواي مشايفه واليوم جمعه اكيد ماعنده هذاك الشغل

وصلت للبنايه الي بيها جريده ال(......)ونزلت من سيارتي وبيدي السويج وتلفون وباكيت الجكاير

شفت مصطفى واكف باب البنايه يخابر ومخبوص اكيد متلاغي ويه براء شالعه قلبه والله نصحته وكتله ماتفيدك لان تشلع القلب هواي تدلع وتنك صح هي بت خالتي بس مااطيقها احسها طفله تصرفاتها مو بعمرها ..

نزلت امشي واريد اخلي باكيت الجكاير والسويج بجيبي

مااحس غير شي لين وترف طب بعكس ايدي تخربط وضعي ولتفت بسرعه واشوف مو بنيه لا..لا ملاك سبحان الخالقها

ثنت ركبها وكعدت بالكاع ولزمت صدرها والله نمرد قلبي عليها

اكيد الضربه قويه لان عكس ايدي يمكن طلع من ظهرها ومرد صدرها حتى ماادري اني ردمتها لو هي ردمتني !!!