البارت السابع عشر :))
دخل عمرو الي ساحه الرقص ببدلته السوداء الانيقه و شعره المصفف بعنايه
ليمسك يدها برقه لينظر لطلتها بفستانها الابيض عاري الكتفين فتخه صدر صغيره لينزل باتساع من خصرها الي اسفل وينظر الي عنقها التي يعتليه توب من الالماس الرقيق الفخم ليتلائم مع بشرتها النعامه مكياجها الخفيف الذي زادها جمالا علي جمالاها
كانت جميله بشده كالملاك بطلتها خاطفه الانفاس تلك ظن انها هاربه من احد افلام ديزني برقتها وبرائتها اللا متناهيه
نظر لها ليكتسي اللون الاحمر وجهها ويستقر علي وجنتيها الرقيقه
تقدم ليجذب يدها لتتمايل معه علي نغمات الموسيقي الهادئه لتبدا ليلتهم تلك برقصتهم المليئه بالعشق علي نغمات عشقهم لتجتمع عيناهما معاً في نظره طويله معاً لتتحدث لغه العيون ليقع بسحر عيناه عليها ليربكها بشده يشعرا وكأنهما يمتلكا العالم باكمله
اكملا الرقص معا لينهي رقصتهما وهو يردف لها
عمرو بهمس عند اذنيها: بحبك
جذبها ذاهبين الي حيث يجلسا ليتقدم لهم الجميع بالتهنئات
ايمن: مبروك يا وحش دخلت القفص ارفع راسنا بقا
عمرو: انت اي الي جابك هنا يالا هو انا كنت عزمتك
ايمن: مراتك هي الي عزمتني انا من اهل العروسه انت مالك انت
لتتنهد ندي بحزن ليلاحظه عمرو
ليهمس لها: انا عارفه ان كان نفسك اهلك يبقوا معاكي زي اي عروسه حلوه وجميله زيك كده بس صدقيني انا هفضل جمبك وهعوضك عن اي حاجه حصلتلك وشفتيها ومش عايز اعرف اي الي حصلك زمان ولا اهلك فين انا كل الي يفرق معايا سعادتك ياحبيبتي
ندي وقد ادمعت عينيها: ربنا يخليك لبا يا حبيبي
ايمن: طيب امشي انا بقي اروح اشوف البوفيه
عمرو: همك علي بطنك بقولك
ايمن: اي
عمرو: ساره يا ايمن
ايمن وهو يتصنع عدم الفهم: مالها
عمرو: والله هنستعبط بقا
ايمن: اقفل الموضوع ياعمرو وخليك في فرحك
عمرو: متغيرش الموضوع يا ايمن انا مش اعمي وشايفك وانت من اول ما دخلت وعنيك بتدور عليها انت مش شايفها يا ايمن كل يوم بتيجي الشركه عامله ازاي ادي لحبكوا فرصه تانيه يا ايمن انت بتحبها ومتاكد انك مش عارف تعيش من غيرها ولا هيا هتعرف تعيش من غيرك
ايمن بتنهيده: اعمل اي يعني
عمرو: ايوه اعدل كده وانا هقولك تعمل اي وقص عليه كل ما عليه ان يفعله وانا كلمت شهد وهتظبط كل حاجه مع ساره
ايمن وهو يضيق عيناه: يعني انتو طابخينها سوا
مروان من خلفه : مش لازم اطمن علي مستقبلك يا ايمونتي
ايمن بسخريه: شكرا يا اخويا مستقبلي وانا حر فيه
وفي مكان اخر .....
وقفت امام ذلك الباب التي طالما بغضته
ليليان: خبطي يا شهد
شهد بالم : بس
ليليان وهي تربت علي ظهرها: يلا يا حبيبتي
استجمعت شجاعتها ودقت علي الباب بيد مرتجفه
فتح الباب لتظهر السيده التي طالما كرهتها
نهاد بصدمه وسخريه : ياااه شهد اي الي جابك هنا يا حيله ابوكي
شهد بسخريه: معقول لسه زي مانتي متغيرتيش ياا عمتي قالت جملتها الاخيره بسخريه اكبر
نهاد: راجعه ليه يا بنت هناء عايزه اي مننا بعد ما ضحكتي عليا انتي وجوزك
شهد: بلاش نفتح في القديم يا عمتي واندهيلي ساره عشان مش ناقصه صداع
نهاد وهي ترفع حاجبيها: صداع والله وكبرتي يا بنت هناء دا انتي كنتي خدامه عندي يا بت صدقتي نفسك انك نضفتي بفلوس جوزك الكداب
شهد ولا تعي ما تقول: متجبيش سيره جوزي علي لسانك الوسخ هو احسن من عشره زيك
نهاد: مش بقولك فلوسه عمتك وفكرتي نفسك بقيتي حاجه
ابرار من خلفها: في اي يا مامي واي الي جاب الزباله دي هنا
ساره بغضب: ابرار احترمي نفسك ويلا يا شهد نمشي من هنا متسمعيش لكلامهم
شهد :يلا يا ساره
نزلا ثلاثتهم من المنزل متجهين لسياره ليليان
ساره بحرج: شهد انا اسفه ع...
شهد بتنهيده: متتاسفيش يا ساره انتي ملكيش ذنب
ليليان: اي يا جماعه فكوا بقا احنا ورانا فرح
شهد: بس اي القمر ده يا ساره ايمن لو شافك
ساره بحزن: هيعمل اي يعني انتي ناسيه اخر مره كلمته قالي اي
شهد: انتي غلطتي يا ساره وهو كمان غلطان يبقي تعطوا لبعض فرصه تانيه مينفعش حبكوا يضيع كده يا حبيبتي
ساره: حاضر يا شهد لو كلمني هرد عليه
ليليان رافعه حاجبيها : ده الي ربنا قدرك عليه
ساره: اعمل اي يا لينو يعني
شهد: متعمليش حاجه اسكتي وظبطي الروج ده للواد يشوفك يتخض
ساره وقد لكزتها في كتفها: بصي لنفسك ياختي
شهد: الحمدلله انا مش حاطه خمسه كيلو مكياج علي وشي شوفي مكياجي رقيق ازاي عشان شكلي يبقي راقي كده
ليليان بضحك: عشان شكلك يبقي راقي ولا عشان مروان مينفخكيش
شهد : ينفخ مين يا حبيبتي هو ماله اصلا ملهوش كلمه عليا
ليليان: اه ما هو واضح بأماره الفستان الي روحتي غيرتيه
شهد: انا غيرته بس عشان الجو كان برد
ليليان: الجو برد في الصيف اه
شهد: بس بقا يا ليليان الهي يارب يا ليليان تتجوزي واحد يغير عليكي من الهوا نفسه ويقرفك في عيشتك كلها
ليليان : مش عايزه اتجوز يا اختي شكرا
ساره : بكره يجيلك الي يوقعك ياختي
ليليان: لينو محدش يقدر يوقعها
شهد: بطلوا رغي بقي وانجزي يا ليليان هانم سوقي بسرعه خلينا نوصل
----------------------------
دخلتا ثلاثتهم بطلتهم الساحره كل واحده منهم لديها جاذبيه خاصه بها
ساره: تفتكري ايمن هيرجعلي
ليليان: تفتكري هطلع من الفرح ده بعريس
شهد: جرا اي يا بت انتي وهيا ما تعدلوا كده
ساره: حاضر يا معلمه شهد
ليليان : طب اي يلا ندخل
دخلا ثلاثتهم كالاميرات ..''
علي احد الترابيزات
يجلس سيف واحمد
سيف: مين المزه الي مع شهد وساره دي ياض يا احمد
احمد: صاحبه شهد اسمها ليليان سنجل بائس تبحث عن عريس
سيف: اش عرفك انت
احمد: نظرتي بتقول كده بص جوزني اخت الواد عمرو وهجبلك كل حاجه عنها
سيف: انا مالي انا باخت عمرو
احمد: بحبها يا بشر هيا صحيح بارده ورخمه بس بحبها اعمل اي
سيف: خلاص انت هتشحت
°°°°°°°°°°°°°°°°°°°°°°
شهد: الف الف مبروك يا نودي
ندي: الله يبارك فيكي يا حبيبتي
شهد: مبروك يا عمرو
ليليان: الف مبروك يا جماعه اعبالي وتفرحوا بيا كدهون واقعد في الكوشه بقا واخربها
ساره: يارب يا اختي انا ونتي
مروان هامسا لشهد: اي الجمال ده
شهد: اتلم يا مروان
قاطع كلامهما
ايمن في الميكرفون: النهارده يوم حلو ومميز عشان صاحبي هيتجوز الي بيحبها مبروك يا عمرو مبروك يا ندي واشوفكوا احلي بابي ومامي وتفضلوا مع بعض طول العمر
وحابب كمان اتكلم عن شهد ومروان ودول حكايه وقصه تانيه خالص بس ربنا يخليكوا لبعض واعقلوا بقا وعيشوا حياتكوا في النهايه انتو متقدروش تبعدوا عن بعض مهما حصل بينكوا من مشاكل
وعايز اعترف بحاجه مهمه اوي انا حبيت يا بشر وبعترف بحبي ليكي قدام كل الناس ورغم كل الي حصل بينا هفضل احبك بحبك يا ساره من اول يوم شوفتك ويمكن حصلت بينا مشاكل كتير بس في النهايه مقدرتش اعيش من غيرك ونفسي نقرب تاني
تشعر وكان الوقت توقف حولها اهل ما سمعته صحيح
قالت بعدم تصديق: ايمن بيحبني
صعدت له وهي لا تصدق ما يحدث امسك يديها
ونزل علي ركبته كي يتقدم لها للزواج ليقف الجميع مثفقين لهم
ايمن: تتجوزيني
وكان ردها الصمت فقط كان مبتسمه بسعاده وغير تصديق
ايمن: تتجوزيني يا ساره
ساره : موافقه اتجوزك يا ايمن موافقه
احتضنها بلهفه وحب وهو يهمس لها: بحبك يا احلي حاجه في حياتي
ساره وهي تتشبث فيه اكثر: وانا كمان ...ايمن الله يخربيتك سبني خلاص بقا الناس بتبص علينا
ايمن: يولعوا الناس اهم حاجه انك معايا
ساره: ربنا يخليك ليا يا حبيبي
ايمن : ويخليكي يا كل حياتي
ساره : طيب يلا ننزل بقا
ايمن: يلا يا حبيبتي
عند عمرو وندي
ندي: فرحت اوي لساره وايمن
عمرو: اه ربنا يسعدهم اعبال مروان وشهد وهمسه واحمد
ندي: انت خدت بالك انت كمان
عمرو: اه ياختي واخد بالي ومستني يجي يتقدم خلينا نخلص منها هيا كمان والجو يفضالي انا وانتي يا جميل
ندي: بس هيوحشوني لما نسافر
عمرو: دا اسبوع بس دا انا كنت عايز شهر بس منه لله مروان
ندي: لا شهر كتير اسبوع حلو
عمرو: طب ايه مش يلا نمشي من هنا عشان نلحق الطياره
ندي: بيرقصوا تعالي نرقص
عمرو: يلا يا حبيبتي
وطبعا كان كل كابلز بيرقصوا مع بعض وحاجه هيييييييح اوي 🙂😹
استوووووب
بارت طويل وحلو اهو عايزه تفاعل بقا يا بشر عايزه احس اني كاتبه كده 😪😢😹
لهيب العشق !!!
كوكي 💜💜💜
أنت تقرأ
لهيب العشق
General Fictionظـن ان انتقامه مـنها سيهدأ مـن روعه ، لم يعلم ان انتقامه هذا سيزيد قلبه وجعاً فوق وجعه قرر ان يغلق باب قلبه ولكنه لا يعلم ان الحب يدخل قلوبنا دون آسـتئذان .. انتظروني في لهيب العشق# ضحي محمد
