وبعد مرور يومين من سفر مروان وخروج شهد من المستشفي
في فيلا مروان الشافعي ..
_ وقوع طياره رجل الاعمال الشهير مروان الشافعي وهو في طريقه الي فرنسا بكل سريه لاسباب مجهوله والخبر الاسوأ هو ضياع جثمان الضحيه ..
وكان هذا ما قاله المذيع في التلفاز ..
وقع الخبر علي مسامع الجميع كالصاعقه
شهد : اقفلو البتاع ده كل دول كذابين بيعملو كده عشان يكسبو فلوس مروان مماتش انتو متوحدين ولو مات فين الدليل هاا فين مروان ولما هو ضاع عرفوا منين ان هو كل ده هبد .
ساره : اولا ملهمش اي مكسب خصوصا ان الاعلام كله اتكلم عن الموضوع مش دول لوحدهم ثانيا هما يعني مش عارفين شكل الطياره الي مروان سافر فيها مش عارفين ان مروان سافر شركه الطيران اكيد عارفه .
شهد : انتي كمان بتكذبي مروان مامتش هو قالي قصتنا مش هتخلص .. ايمن انت هتصدقني صح ساره بتكذب .. عمرو انت الي هتقف جمبي انت ومروان اصحاب هو هيرجع صح .. ندي انتي كمان طيبه قوليلي انه هيرجع .. ليليان انتي الي وقفتي جمبي مروان هيرجع .. مروان قالي هرجعلك بحب جديد انا صح قلتله اني مش عيزاه وبكرهه بس مش عيزاه يموت مينفعش مروان يموت .
عمرو : انا بجد مش عارف اقولك اي بس مروان مات يا شهد هو عايش في قلوبنا كلنا بس دي الحقيقه .
ندي بغضب وهي تهمس له بصوت منخفض: عمرو عالاقل قولها براحه مش وش كده عشان تهدي .
شهد بصراخ هيستري : انت بتكدب انتو كلكوا كدابين انا.. انا مش هصدق الي انتو بتقولوه ده انتو فاهمين .
ساره : يا شهد افهمي بقا مروان مات .. مات خلاص مبقاش موجود اهو يا حبيبتي ربنا جابلك حقك هو عذبك كتير وموت ابنك واهو مات ربنا مسابش حقك المفروض تفرحي ..
ايمن : ساره اي الهبل الي انتي بتقوليه ده قصدك اي بالظبط ان المفروض كلنا نفرح ان حقها رجع ازاي صاحبي واكتر من اخويا افرح انه مات عشان غلطه .
ساره وقد استوعبت ما تفوهت به : ايمن .. انا مش قصدي كده انا ..
شهد : انتي تخرسي اولا مروان مماتش عشان ازعل او حتي افرح وانا عمري ما وصلت للمرحله دي اني افرح لمروان لما يموت واكرهه للدرجه دي انتي فاهمه هو عمل فيا كتير وكتير اوي كمان بس انا مكرهتوش وهستناه لحد ما يتغير ويحكيلي هو عمل كل ده ليه ابني مات بسبب الي خطفوني وقالو لمروان كلام وسخ عني وقريب اوي ربنا هيكشفهم والحقيقه هتبان .
ايمن : تمام كل الي قولتيه كويس بس مروان مات فعلا يا شهد ودي حقيقه ولازم تصدقيها وتستوعبيها كويس اوي .
وظل النزاع بينهم مستمر وهم في محاوله لاقناعها بموت مروان .
احمد وقد كان يقف بعيد نسبيا عنهم : هي دي فرصتك يا بطل عشان تخطفها حيث كده بقا لازم اجهز نفسي والكل مشغول دماغ شغاله مش بتنام .
أنت تقرأ
لهيب العشق
Fiction généraleظـن ان انتقامه مـنها سيهدأ مـن روعه ، لم يعلم ان انتقامه هذا سيزيد قلبه وجعاً فوق وجعه قرر ان يغلق باب قلبه ولكنه لا يعلم ان الحب يدخل قلوبنا دون آسـتئذان .. انتظروني في لهيب العشق# ضحي محمد
