بارك بينكما وعليكما وجمع بينكما في خير
كانت هذه اخر جمله نطقها المؤذون الذي عقد زواجهما
شعر بالحزن وهو يراها حزينه لزواجهما هكذا بدون اي شئ ولا اي مقدمات لم ينسي حديثها عن عرسها الفخم وفستانها الابيض لطالما كانت تتمني ذلك ولكن يأتي البحر بما لاتشتهيه السفن دائما
ايمن بحزن وهو يرفع وجهها لتنظر اليه وتقع عينيه في عينيها مباشرة " عارف ان مش ده الي انتي بتحلمي بيه وان احنا اتجوزنا بسرعه وفي ظروف صعبه ومحصلش اي حاجه من الي اتمنينا نعملها سوا بس عارفه فرحتي بانك خلاص بقيتي مراتي ملكي ليا لوحدي مغطي علي اي حزن في قلبي "
ساره بهدوء " معاك حق يا حبيبي المهم اننا مع بعض انا اكيد مبسوطه طول ما انا معاك ، انا معاك بحس بالأمان ، ببقي مطمنه وانت جمبي ودي اهم حاجه عندي والباقي شكليات "
ايمن وهو يلثم رأسها بقبله رقيقه " وانا بوعدك اني هبقي امانك ومعاكي وجمبك طول العمر كله "
ايمن بمرح وهو يحاول تغير الموضوع " ها هنسافر فين في الهاني مون "
ساره بفرحه " مم تيجي نروح شرم الشيخ ، نروح كلنا انا وانت وشهد وعمرو وندي وسيف وليليان وهمسة وعبدالرحمن دي هتبقي رحله تجنن "
ايمن بذعر " اي ياماما كل دول ، ليكمل وهو يغمز لها : يعني مش هعرف انفرد بيكي ولا اي"
ساره بخجل " انت بقيت قليل الادب ليه؟ها ليه "
ايمن بغمز " انتي لسه شوفتي حاجه ، المهم هحجز التذاكر وهبلغهم ونسافر بكره انشاءالله "
ساره بقلق " ايمن ، ماما هنقولها اي ، ياربي ازاي نسيت الموضوع ده "
ايمن بحنان وهو يحاول ان يطمنها " شش اهدي في اي ، هي مش كان نفسها نتجوز خلصانه اتجوزنا وهنرن عليها ونقولها مش هنروح هناك"
ساره " لا طبعا هدومي"
ايمن " هنشتري هدوم جديده "
ساره " بس لسه المرتب"
ليقاطعها ايمن بحده " انتي هبله انتي دلوقتي مراتي ومسؤله مني "
ساره بهدوء " طب ممكن تكلم ماما دلوقتي "
ايمن وهو يتصل بوالدتها " اهلا نهاد هانم ... مفيش بس حبيت اقولك ان الي طلبتيه اتحقق "
نهاد من الجهة الاخري " فين ساره بنتي يا ايمن "
ايمن باستفزاز " ساره مراتي معايا "
نهاد " مراتك؟ "
ايمن " هو مش ده الي كنتي عيزاه "
نهاد " ميهمنيش اتجوزتوا ازاي بس الفرح وال.. تيت تيت "
نهاد بغضب بعد ان اغلق الهاتف في وجهها " بتقفل في وشي انا يا ابن الكلب "
أنت تقرأ
لهيب العشق
General Fictionظـن ان انتقامه مـنها سيهدأ مـن روعه ، لم يعلم ان انتقامه هذا سيزيد قلبه وجعاً فوق وجعه قرر ان يغلق باب قلبه ولكنه لا يعلم ان الحب يدخل قلوبنا دون آسـتئذان .. انتظروني في لهيب العشق# ضحي محمد
