#البارت ٢
#حب بالصدفة
الساعة ب٨ صباحا
كعدت الصبح طلعت من الفندق امشي علمود ازور الإمام احب هذا المكان كل فترة اجي لكربلاء اخذلي يومين تلاثة وارجع احس من اجي براحة نفسية شعور حلو ومريح وصلت لضريح الإمام زرت الإمام أبو الفضل العباس وصليت وبعدين رحت لإمام الحسين زرت اخذتلي شوي طلعت لان صارت هوسه اختنك رحت كعدت بين الضريحين احب اباوع ع الناس اشوف الناس اغلبيتهم يكعدون هنا مجاميع جنت كاعد وصافن اجت عائلة كعدت مقابيلي ٣ نسوان ورجال وياهم جاهل وحدة من نسوان كاعدة ع كرسي متحرك والمرة الثانية بيدها الجاهل تلعب بيه ورجال كاعد بصفها يمكن زوجها انتبهت ع البنية كاعدة وسولف وي المرة الجبيرة جنت صافن عليها اكو شي شدني إلها ضليت اباوع عليها ما اعرف عجبني هدوء مالتها واشلون تحجي فجاءة باوعت علية صارت عيني بعينها ضليت صافن عيونها سحرتني هي رجعت اسولف وي المرة الجبيرة ضليت اباوعلها.
خليني اعرفكم ع بطلة 😍
اني مريم مواليد ١٩٩٧ مواصفاتي بيضة ع حمار عيوني عسلي رموشي طوال منطياتني جمالية طولي ١٦٠ وزني ٥٠ يعني زين مبطلة من المدرسة بثالث متوسط وبطلني اخوية لان عندهم كبرت بعد ما يصير ادرس عندهم عيب 😭البنية تدرس وماما مريضة ما تكدر تمشي ضليت اهتم بيها .
خليني اعرفكم عائلتي
اخواني ٣ اخوية الجبير حسن مزوج كلش قاسي وعصبي مايتفاهم ابد عنده كلشي عيب ومحد يكسر كلمته حجايته هي الماشيه ع البيت ومرته مثله يومية مشكلة مستقوية بيه عندة ٢ بنات ولد واحد واخوية الثاني حسام همات عصبي بس احسن من حسن مرته حبابة مالها دخل بشي بس داءما تتعارك من ورا الجهال وي مرت حسن حسام عندة ٢ ولد وبنية وهسة مرته حامل اخوية الزغير أكبر مني يدرس كليه قانون هذا احسنهم ايحبني اكثر واحد اني بنت وحيدة ابوية رجال جبير عندة كلشي عيب ع بنية بحيث مامنطيني اي حرية حسن اله تأثير ع بابا همزين اشترولي موبايل طبعا بعد الحاح هواي الاجابولي موبايل وسام جابه 😍بس خط بيه ويوتيوب ممنوع اي برنامج تواصل 😥.
مكان ثاني( البصرة )
رجعت من الدوام سبحت واكلت لبست دشداشتي خليت احزام المسدس اتعطرت وطلعت من البيت ركبت سيارتي واني بالطريق بيت عمي ابو محمد شفت شباب ٢ شباب لاحكين ابنية ويذبون حجي البنية شفتها تمشي سريع طبكت السيارة ونزلت
عمار//بصوت عالي ولكم ماتستحون ماعندكم عرض يمته تبطلون هاي سوالفكم تمشون ورا عرض الناس بصوت مرعب كالالهم وخلقكم اذا اشوفكم مرة ثانية اهنا راح اتكون حياتكم بيدي يلا روحو منا لا اطلع بروحكم هسة
نور//وهي الخايفة من راح يشوفها شيسوي بيها تعرف مصدر هذا صوت ماكو غيره هيج صوته يخليها ترجف اكثر مجرد ماراحو حاولت اتروح بس صوت عمار وقفها
عمار//وهو ماكو مسافه قريبة بيناتهم ونور دايرة وجها اجه يمها راد يكلها خوية بيج شي انصدم من شافها 😡نور بنت عمه وكف كبالها وعيونه حمر من العصبية وصوته الحاد كالها كم مرة كايلج لاترجعين من مدرسة بوحدج وهاي شنو الصدرية الازكة عليج عمي اشلون يخليج تطلعين هيج لو ما عيب هسة اشكها اهنا وبعد اكسر رجلج اذا لبستيها
نور// وهي تصنع القوة بس صوتها مبين عليه الخوف وانته شعليك ابوية اخوية وتحاسبني عندي اليحاسبني معليك بيه وثانيا هم طايحين الحظ لحكوني هاي الكلمة خلت عمار ايصير مثل الأسد الهايج
عمار//وهو ضاغط ع اديها يحاول يلزم اعصابه أكثر وانتي لابسة هيج اشلون مايحلكوج شوفي وخلقج اذا اشوفج بهيج لبس بعد ماتتوقعين شسوي وانتي تعرفيني بعد طلعة بدون عباية ممنوع ويلا تعالي اكعدي بسيارة اوصلج
نور//وماتريد اتصير مشكلة لان تعرف ابن عمها ماعندها غير حل تصعد وياها صعدت وطبكت باب السيارة حيل بحيث يمكن تفلش 🤣
عمار//شغل الجكارة وساق السيارة بكل سرعته ما يشوف من عصبيته وايباوع ع الكاعدة بوراه تافف وصل نزلت من السيارة بدون كلام اخذت جنطتها ونزلت هو نزل وراح لديوان.......
يتبع، ،،
ان اعجبتكم القصه
لا تنسو التصويت
ودعم القصه
ونشرها بين اصدقائكم
مع تحياتي
اخوكم
علي المالكي
