#البارت ٤
#حب بالصدفة
مريم..سمعت حسام يصيح عليه خفت لايشوف الورقة لا اكدر اراجعها اله والا اكدر اذبها بكاع خاف يشوفها خليتها بيدي
حسام...وهو واصل يم مريم وعينه ع علي
ها كملتي انطيته لولد يلا تعالي
مريم....وصوتها يرجف مبين عليها الارتباك والتوتر
اي خوية انطيته الا
حسام...يلا تعالي راح الوكت خلينه نرجع لبيت
علي....من انطيتها الورقة شفت علامات التعجب ع وجها مو بس هي حتى اني متعجب من تصرفي سمعت واحد يصيحها عرفت اسمها مريم خفت لا يكون شافني من منطيها الرقم واصير مشكلة وهي تتطيح بيها خفت عليها اكثر من نفسي حسيت صارت تخصني قربها مني خلاني انسى نفسي لعد لو تحجي وياي شسوي بيه اول مرة احس بهذا الإحساس نشوة الحب اتمنيت لو باقية وياي بس راحت وي اخوها
مريم....وتحس بنظراته تتبعها ومنا اخوها الصاير اعصاب تعرف راح يرزلها بين خوفها وتوترها حست شي باتجاهه ماتكدر تنكر جراءته وياه وعدم خوفه ولا تنسى نظراته
حسام....وبصوت يخوف وعصبي شحجيتي وي الولد شفتج تحجين وياه ها ولج 😡
مريم.....وبصوت أقرب إلى الهمس تخاف ترادد اخوها ما احجيت بس شكرني وهاي هي
حسام .....ما انتظرتوني اني اوزع الاكل بس مو صوجكم صوجي اني الاطلعكم بعد يلا خلينه نرجع لبيت
الام....يايمه صلي ع نبي هسة سوالها قابل الولد وأصيح ع اختك كافي منا الناس شيكولون علينه
#البصرة
عمار... كاعد ع اعصابي كل ما اذكر ذولاك الولد اشلون يلاحكون نور افور احس نفسي راح ارتكب جريمة بيهم واني منتظر تخلص الطلابة واحجي عمي بخصوصها ليش مخليها هيج
نور.....اوف منه الغبي اشلون وجع ايدي بسيطة عمار اني اعلمك الا البسلك الصدرية وخلينه انشوف منو يفوز😈وهي تذكر من صار عصبي عليها ومن لزم اديها بحيث اتذت بس ما حاولت تبين هذا الشي هي الزغيرة كل طلباتها منفذة المدللة ما يرفضولها طلب
عمار....بعد ما خلصت الكعدة بتراضي الطرفين وكلها راحت سالت ع علي
ابو محمد....يا عمي ما تعرف علي ما يحب هاي السوالف الكعدات وهسة هو بكربلاء والله يا عمي هذا مختلف عن ولدي يمكن بغداد ماثرة عليه
عمار.....لا عمي هو من زمان ما يحب سوالف المشيخة من قبل لايدرس بغداد عمي اريد اكلك شي
ابو محمد....كول بوية شنو سالفتك اشو من اجيت ما عاجبني
عمار...لا عمي بس ع نور اليوم شفتها جاية من الدوام ليش ما مخليلها سايق وليش ما ماملبسها عباية
ابو محمد.....يا عمي بعدها ازغيرة واني ما اريد اضغط عليها هاي الغالية وع السايق اني مفكر من زمان اخليها بس مالكيت الينثق بيه
عمار....عمي اني اعرف رجال جبير خليها يمه ومن انزل من دوام بعد اني اوصلها
ابو محمد...اي وليدي الله كريم
صار الوقت اعرفكم ع عمار😉
عمار اني من مواليد١٩٨٩ طولي ١٨٠ معضل بحكم عملي عسكري ابوية توفى قبل ٧ سنوات حاسب عمي ابو محمد مثابه ابوية اني اقرب واحد الي علي احنا تربينه سوه اكثر من ولد عم اعتبره اخوية وعضيدي احنا وياه بكلشي مشتركين اني طبعا احب نور بنت عمي ومنتظرها تخلص سادس واخطبها بس علي يدري بيه هي موتتني بعنادها عمي مدللها أوف لو اتصير بيدي اطلع الدالال منها احسها ابنيتي اني المربيها عمي يحبني واذا اخطبها اصلا يكيف بس هي أوف لو تبطل اعنادها الله ينطيني
كربلاء😉
علي.....بعد ما راحت احس اخذت كلبي وراحت ما ادري سوت بيه هاي البنية من شفت اخوها معصب عليها لو بيدي اكوم اكتله ضليت اباوع عليها شفت خوفها شفت عيونها من مدمعة أوف كون اخليها بوسط كلبي شفتها مشت حتى مشيتها بهدوء ورزانة العباية بس الها تلوك ضليت اباوعلها ع اخر أثر الها كمت رجعت زرت واخذتلي فرة بلاسواق اشتريت هدية لنور لان ما اخلص من السانها ولامي واشتريت شغلات اكلتلي لفة صارت بليل تعبت رجعت للفندق
اني اباوع ع شاشة الموبايل بلكي تخابر ضليت منتظرها اخر شي نعست ونمت😴......
يتبع، ،،،
