#البارت ٩
#حب بالصدفة
علي...مريم راح اجي اخطبج
مريم...وهي المصدومة من التسمعه ماتعرف شنو ترد عليه بقت ساكتة علي...ليش سكتي ردي صحيح اني اطيتج الرقم بس مو معناتها بس اخلص وقت وهاي هي لا اني اول ما شفتج كلت هاي الراح اصير مرتي وام جهالي بس ردت انطيج وقت تتعرفين عليه بس بعد السمعته منج دقيقة ما اخليج اهناك لج لو بيدي هسة نزوج
مريم...بين الخجلانه وخايفه خايفة من اهلها شنو ردت فعلهم وخصوصا حسن وبنفس الوقت فرحانه لان هي همين بدت تتعلق بيه وتحبه كلتله
علي ما اعرف شجاوبك اني خايفة انطيني وقت افكر
علي...شوفي لاتخافين واني يمج صدكيني راح ابقى وياج لاخر نفس ما راح أتخلى عنج بيوم بس ثقي بحبي الج وراح انطيج الوقت تفكرين بيه واني راح افاتح اهلي بموضوع هسة المهم انتي اشلون صرتي
مريم..هسة احسن
علي..اي بالج ع نفسج
مريم...وهي تسمع خطوات ع الدرج علي باي يمكن اجه واحد وسدته انفتح الباب
ايمان...ها مريم اشلون صرتي وهذا الاكل جبته الج
مريم...ما كليلي حتى لو راح الألم راح يبقى كلبي شايل ع حسن ليش هيج بدون الناس اني مو هاي البنات عندهن اخوان ليش بس اني هيج وهي تبجي وعيونها صارت حمر
ايمان...يعمري والله هو عصبي انتي ماتعرفين حسن وهاي مرته تقرا براسة
مريم...بس لازم يسمع مني لا سمع ولا شي ايدة والضرب حتى ما فهمني 😢😢
ايمان...حبيبتي الله يهدي بلكي تجيج قسمه زينه وتستقرين لان اذا اضلين راح ماتخلصين من ليلى وخصوصا احنا راح نشيل بعد ويامن تتعارك بس وياج
مريم..اووف😥الله كريم
عمار...كاعد بمكتب واليحاجيه يتعارك وياه جكارته بيدة هذا الباكيت الثالث يخلصه ويذكر اشلون مانزلتله لو بيدة هسة يروحلها شاف رقمها آخذة من علي دك عليها لان بعد مايكدر يصبر اشتياقة سيطر عليه
نور...واني اصفح بلفيس شفت رقم غريب دك عليه اني بعادة ما ارفع خط شفته دك مرة ثانية كلت اكيد وحدة من صديقاتي شلت الخط وانصدمت من سمعت صوته
عمار...الو
نور...منين جبت الرقم
عمار ...بطريقتي الخاصة 😉المهم اشلونج
نور...شتريد داك علية
عمار...اشتاقيتلج وردت اسمع صوتج وثانيا ليش مانزلتي الي
نور....انته ما تستحي تتغزل بيه واني بكيفي انزل او لا
عمار...ليش استحي غير انتي رويحتي ومرتي المستقبلية اكو واحد يستحي من روحة
نور...😖😖بس اني مو مرتك
عمار...مرتي وغصبن عليج😏المهم بعد من ادك عليج شيلي الموبايل
نور...ما أشيله شسوي سوي 😎
عمار...ها نور لا تعانديني مو تعرفين شسوي خليج حبابة ولاتعاندين اذكرج بصدرية لو لا وهسة صار عندي شغل باي وسداه بوجها
نور...وبعدها ما رادة عليه وسداه بوجها صارت عصبيه لان سداه وضلت دردم عليه 😆
علي...وهو الفرحان لان راح يخطبها لمريم ويخلصها من اخوها رجع لبيت وضحكة مالية وجه تلكته امه
ام محمد...هلا بهطول الحلو اليوم اشوفك تضحك خير يمه
علي...والله يمه افكر اريد بعد ازوج
ام محمد...وما مصدكة ان علي وأخيرا فكر يزوج
كلتله يوم المنا اشوفك مزوج ويصير عندك جهال
ابو محمد..وهو هسة دخل لبيت وسمع بحجي كالاله اي وأخيرا يلا اليوم انروح بيت عمك اطلبك بنت عمك منال خوش بنية مودبة وحبابة ودارسة تفيدك
علي ...بس اني الاريدها مو منال اني احب وحدة واريدها
ابو محمد...وهاي منو التحبها وتريد تزوجها
علي...وحدة شفتها بكربلاء وعجبتني وعرفتها واريد ازوجها
ابو محمد....جا انته مخلي بنت عمك النعرفها ورايح لغريبة الما نعرف عنها شي
علي...بوية بنت عمي زغيرة بعدها وحلوة والف واحد يتمنها اني اريد هاي البنية اول وتالي راح ازوجها
ام محمد...يا ابو محمد هو الولد هاويها لبنية ليش تخلي هيج وثانيا هو علي جبير واوعي يعرف يختار خلي هو يزوج اليريدها
ابو محمد...هو انتي شكد مدللته من هاي طلع يختلف عن اخوته هاي هسة مو اخوته كل واحد مزوج بنت عمه وخير من الله
ام محمد...هو خلي يشوف حياته هو الزواج غير عشرة عمر يا ابومحمد قابل قطعة قماش يشتريها ويردها
ابو محمد ....اي الله كريم خليني اشوف عمامه شيكولون ويصير خير
علي...يمه فدوة الكلبج بس انتي تفهميني 😘
ابو محمد...اي انته ضل بهاي سوالفك
علي...غير هاي العافية شعندي غيرها
مريم..اليوم ابد ما طلعت من غرفتي واسمع جوة ابوية وحسن يمكن اتعاركو
ابو مريم...ولك انته اليوم ليش هيج مسوي وي اختك
حسن...لا مو نخليها ع حل شعرها بوية حقك ما شفتها تنظف بطرمة ورافعة دشتداشتها وشعرها طالع الرايح وجاي اليباوعلها يتفرج وتريدني اسكتلها
ابو مريم ...انته معليك بوية اني احاسبها واعلمها
حسن...اي مو اني طرطور اهنا وأسكتلها
ايمان...عمي خطية هي ماجانت تدري اكو فوك ولد
ليلى ..وهي تعوج بحلكها يمعودة اسكتي هي سوي نفسها ما تدري هاي السوالف لا تعبرهن علينه
حسن...وصوته عالي وعلي بعد اذا وصلت لباب الطرمة أكسرها واخليها وهي فوك هسة وتسمع صوتي بعد ما اعيدها كلمتي وطلع من البيت وليلى لحكته
ليلى..حبيبي ما تتعشى هسة اسويلك اهم شي لاتعصب تروحلك فدوة
حسن...ما اريد زقنبوت هو الواحد همين بعد يشتهي طلع وطبك الباب حيل
ليلى...اوي وهسة اني ليش متعبة روحي
مريم....وهي سمعت كل الحجو جوه وصارت تبجي لان بعد ما تتحمل شافت موبايلها ايدك
علي...هلا برويحتي اني اسف لان دكيت عليج بس بعد ما اتحمل الاسبوع اليجي احنا يمكم😍
مريم...بصوت هامس شنو يمنه يعني تجي ازور
علي..😂😂😂لا حبي اجي اخطبج 😉
مريم...😲😲علي خايفة من اهلي وخصوصا حسن خاف ما يرضى
علي...لا يعمري اتفاءلي إنشاء الله يرضون
مريم...الله كريم وضلو يحجون وهي كاعد تحجي سمعت صوت شي طاح غلقت الموبايل كتبت رسالة لعلي
علي لا تخابرني ولاتراسل يمكن واحد سمعنه هسة اشوف منو
طلعت شفت محد موجود باوعت ع درج محد موجود رجعت رسلتله محد موجود بس خلينه نحاول نقلل مخابرتنه خلينه ع رسايل
علي...اي حبي واني همين اخاف عليج بعد اسبوع واصيرين اليه 😍
مريم ...إنشاء الله يلا تصبح ع خير
علي.. بالج ع روحج وانتي بالف خير احبج😘
ليلى....وهي سمعت الحجي الدار بين علي ومريماي ست مريم كشفتج😈😈بعد وين تخلصين مني اذا ما اندمج واخليج تزوجين اخوية اني اعلمج بس اصبريلي😈😈😈.........
#يتبع
