#البارت ٥
#حب بالصدفة
مريم...رجعت لبيت واني دايخة بلولد اشلون جرءي ونظراته الاكلتني اكل اول مرة يمر هيج بحياتي ولد شفت ورقة انطاها الي ومكتوب عليها اسم علي ورقم خفت لا أحد ايشوفها ضميتها بجنطتي واني صافنه بكل اللصار اليوم اسمع صوت عركة اكيد هاي ايمان وليلى مرت حسن اتعاركن ع جهال رحت اشوف شصاير
ايمان..هاي ليش كاتله ابني خليته يمج وكتلتي
ليلى...واني كايلتلج خلي هنا واتروحين اطلعين ماشوفين اشلون كاتل بنتي
ايمان..وهو شمسويلها جهال ويلعبون سوه شسوالها قابل مطلع دمها شوفي انتي اشلون كاتلته لابني لج ماتخافين من الله
ليلى..اوي واني شعليه مااخذتي وياج عيني والله يالله ناس تطلع وتخلي جهالهة يمي مو اني عندي روضة
ايمان...موتعرفين صوفي ما يطلع وياي بس صوجي اني اخلي بيد وحدة مثلج يمته يكمل بيتنه ونخلص
ليلى..اي والله رحمه ع والديه من زار وخفف وهي تعوج بحلكها وما عاجبها العجب راحت لغرفتها واخذت جهالها وسدت باب بحيث صوته وصل لجوارين🤣
مريم...واني اباوعلهن اشلون يتعاركن صرت متعودة عليهن طبعا محد من ولد موجود وبابا كلعادة طالع يروح ع عمامي او اصدقاءة وامي ماتتدخل لان يتعاركن منا يرجعن ثاني يوم ما تتدخل بيناتهن هنه حبايب😎
أما اني اضربها ع صامت بس قهرني صوفي خطية اشلون طابعه اديها ع خدة وخشمه نازف دم اخذتله غسلتله
ايمان...يمته اخلص منها الحقيرة شمسويه بيه الله لا ينطيها
صوفي..ماما اوى اني اهي😭😢
ايمان يا عيون امك سودة بوجهي لو رايح وياي
صوفي..ما الوح
ايمان..تعال يابعد امك واهلها تعال يروحي
مريم...بعد ما خلصت العركة😂رحت لغرفتي اريد انام كل ما اغمض عيني اذكره من خلها بيدي الورقه من كالالي عليج العباس لاذبيها ما اعرف ليش احتفضت بيها طلعت الرقم سجلته باسم صديقتي اني ما عندي اراقام بس صديقة جوارينه وجانت وياي تدرس وارقام اخواني حفظته بموبايل بس ما اجرءت اتصل نعست ونمت😴....
علي...كعدت الصبح رحت ع موبايلي بلكي متصلة عليه شفت ماكو شي محد متصل اتنهدت كلت اروح اخر مرة ازور وارجع لبصرة بلكي اليوم اشوفها رحت زرت وكملت ضليت منتظرها بنفس المكان بس ماكو ايست شغلتلي جكارة رحت لكراج طلعت السيارة شغلت اغنية هادءة واني اسوق احس خليت كلبي هنا ورايح اول مرة ارجع من كربلاء واني مخربط فكري بلعادة ارجع مرتاح بس هاي المرة لا رجعت واني مخلي روحي وكلبي بكربلاء أوف سويتي بيه مريم خليتي كلبي يتعلك بيج...
البصرة.
عمار...اليوم الصبح حظرت نفسي اوصل نور لمدرسة لان ماعندي دوام رشيت العطر لبست قميص اسود وبنطرون كابوي احب الأسود لوني المفضل مشطت شعري صاير عالي اخذت موبايلي وسويج وطلعت من البيت وصلت بيت عمي دكيت البيت طلعلي عمي
صباح الخير
ابو محمد ..صباح النور هلا وليدي هسة تنزل نور ليش يا عمي متعب نفسك لو مخلي ابو كرار ياخذها
عمار...لا عمي صدك جذب ماعندي شي اني وهي ع طريقي عندي شغلة بسوك اوصلها واروح من اداوم خلي ابو كرار يوصلها ويرجعها
ابو محمد..الله يخليك ابني ويحفظك يلا نور ماخلصتي
نور..وهي تدري راح يوصلها عمار اتعمدت تلبس الصدرية نفسها وهي تعرف هذا شي راح يعصبه تحب من شوفه عصبي رشت عطرها ونزلت صبحت ع امها وابوها
عمار...واني احجي وي عمي شفتها نزلت و لابسة الصدرية حاولت الزم اعصابي اموت اذا واحد شافها لو بيدي اخليها بكلبي ومحد يشوفها بس اني أعلمها الا بعد ما اخليها تلبسها اصبريلي ست نور بسيطة
نور..وهي شوف عمار عيونه صارت حمر تعرف بيه عصب وهي تريد توصل لمبتغاها وصلت
عمار صباح الخير يلا عفية لا نتخاءر عندي امتحان
عمار ..يلا تعالي ماعندي شي طلعت هي رادت تكعد ليورة كلالها وبصوت بيه خشونه ترى مو سايقج تعالي ليكدام
نور ..كعدت ليكدام وهو يمشي بكل سرعته بس مو بطريق المدرسة ع كيفك عمار ليش سريع وهاي مو طريق المدرسة وين رايحين
عمار...وجكارة بيدة والأيد الثانية يسوق بيها ويسمعها بس مايرد خلها تحجي بوحدها
نور...هاي وين موديني رجعني لمدرسة عندي امتحان ترى والله الم الناس عليك مو احجي وياك ما اجاوب
عمار...نفس واحد بعد اذا سمعته منج وخلقج اندمج لج اني عمار كليتلج لاتلعبين وياي خليتني اطلع وجهي الثاني وهسة بدون كلمه فهمتي بصوت خلا نور مرعوبه
نور..وهي الخايفه منه وعيونها بدت ادمع تحاول ماتبجي عفية والله عندي امتحان😢حباب والله بعد ماالبسها
عمار..ويحاول مايضعف كدام عيونها كلالها هذا عقاب الج لان كسرتي حجايتي علمود مرة ثانية من اكلج شي اتكولين صار.....
#يتبع
