#البارت ١٦
#حب بالصدفة
علي..بعد ماعقدنه هم وانزال مني حسيت ملكت العالم مجرد ما اباوع ع عيونها انسه كلشي اني يمها اضيع لزمت اديها بعد صارت ملكي لزمتها بتملك شفت اديها ترجف سالتها
شبيج حبيبتي هيج ايدج ترجف وجهج اصفر
مريم..علي خايفه هسة شيسوون اهلي لو درو بينا وخايفه يأذوك احس فرحتي ناقصها شي
علي...لاتخافين واني يمج بعد اني صرت اهلج وانتي صرتي اهلي احنا واحد يكمل الاخ خاف متندمة لان ازوجتني
مريم...مستحيل أندم ع قرار انته جزء منه ما منتدمة ولا راح اتندم اصلا فرحانه لان صرت مرتك 😍
علي..لزمت اديها بستهن ما اشبع من شوفتها يمته اروح لبغداد ونتمم زواجنه😉كلتلها
تعالي انزور الإمام علمود نعقد محكمة 😊
مريم...بعد ما زرنا صليت ركعتين الله يسهلي حياتي المقبله عليها و دعيت يحفظلي علي لكيته منتظرني برة شفت بيده لفه وعصير خطية جايبه اليه
علي..هاج اكلي بعد بورانه شغل محكمة وطريق
مريم..وانته اكلت لو لا
لا ما اشتهي انتي اكلي
مريم..قسمت لفه قسمين انطيته نص ونص الي اكلنه وكلمنه طلعنه لمحكمة
البصرة...
ابو محمد...ولج نور وين هذا اخوج كليله خلي ينزل نروح لبيت عمج خلي يستعجل بسرعة
نور..بس بابا علي ما موجود بغرفته ويوم ماشفته خاف ماراجع
ابو محمد..هذا الولد راح يجلطني عليمن طالع ما ادري خليني اخابره اشوفه وين هسة يفشلنه وي الوادم
ام محمد...ماكو داعي تخابرة علي اليوم بكربلاء راح يعقد ع مريم
ابو محمد...وبصوت عالي شنو يعقد انتي شتحجين هذا ابنج اتخبل راح ينزل روسنه بين الناس ام محمد...غير هذا ابنك وانته ضغطت عليه الا ازوجه منال هاي تاليتها راح شرد واخذ الابنيه وهسة الله يعلم شيسون اهلها
ابو محمد...وعيونه حمر من العصبية لا هذا مو ابني اصلا اني متبري من هيج ابن راح ينزل روسنه بعملته هاي شكول للناس هذا عود ابن شيخ منو يسوي سوايته غير ابن الشارع لا بارك الله بيه ما عرفت اربيه زين هل نزل راسي بين الناس هاي مو اخوته ما اتمردو بس هو دلال فسدة وهاي نتيجته
ام محمد...وهي تبجي ع ابنها خاف ايصير بيه شي وشنو تاليته وأفكار تضارب براسها
بيت (ابو مريم)
ليلى...صعدت اصيح مريم اشو ماترد عليه دخلت لغرفتها مالكيته دورت عليها بكل مكان شفت اكو ورقه من قريتها انصدمت نزلت جوة
عمه عمه الحكي مريم شاردة وراح تزوج هذا ابن البصرةام مريم..لطمت ع صدرها صخام صخمني هاي شتحجين شنو شردت هاي سوت بروحه يمه بتي وين راحت وصارت تبجي ع أثر الصوت اجه حسن وأبو حسن
حسن ...هاي شكو من الصبح المناحة وصوت شصاير
ليلى...هاك اقرأ وشوف اختك اسوت من مكسورة
حسن...اخذ الورقة قراها وعيونه صارن حمر من العصبية وبصوت هز البيت هز
هاي الكح.... الساق.... نزلت روسنه ولكم بعد اشلون ارفع عيني بين الناس لو مخليني ذابحها من ذيج المرة ولا هاي سوايتها بس اخ وهو يعض بصابيعيه يتوعد الها
ابو حسن...حسن أهدأ لاتفضحنا بين الناس خليه هذا الشي بينتنه ونحله نروح لأبو الولد ونشوف شنو تاليتها كول لعمامك خليهم بشور وباجر من غبشة نروح ولا فضيحه بين الجوارين بعد اختك راحت مابيدينه شي نسويه بس نرد اعتبارنه بعد صار اليصار حسن...هاي مو اختي هاي عار عليه أخ لو هسة شفتها الا اخلي طلقة برأسها
ام مريم...وهي تبجي اخ يايمه ليش سويتي هيج وين رحتي ما كلتي هاي امي شيصير بيها ليش رحتي وعفتيني
.................
علي ....وصلت لمحكمة عندي معارف بيها مشونه عقدت وكملت طلعت ركبت السيارة كعدت يمي شغلتها وشغلت اغنية طول الطريق لازم اديها وايد الثانية اسوق بيها اليكول خاف تشرد مامصدك شفتها صافنه كلتها ها مريم بعدج اتفكرين
مريم..اكول هسة اهلي درو واكيد ايدورون عليه
علي...ما اعرف بس اكيد درو واني هسة الكه أبويه كالب الدنيا😥
مريم...حبيبي علوشتي تدري لحد هسة ما مصدكة اني شردت وسويت كل هذا ما اعرف من اجتني هاي القوه بس ايجوز من حبك هو الإنطاني كل هاي القوة وخلاني اتمرد ع كل القوانين
لزمت اديه شبكتهن بين اصابيعي بستهن
الله يحميك اليه وأكدر اسعدك نمت ع جتفه غمضت عيوني شميت عطرة احسه امان بنسبه اليه
علي...ولج لا سوين هاي الحركات لا اسوي حادث من وراج خلينه نوصل بسلامه وسوي التريديه بيتنه هيج مستعجلة وغمزلها وصار يضحك
مريم...وضربته ع جتفه اوي شكد تفكيرك منحرف عابتلك
علي...ولج تعالي ارجعي نامي بعد ماشايفه شي من الانحراف😂😂😂
وبعد طريق طويل وصلنه بليل
علي....شفتها نايمه خطية يوم تعبت وياي اباوع عليها اشلون نايمه فدوة جنها طفل ونايمه ورموشها طوال خليت ايدي ع خدودها صرت اتلمس بيها فتحت عيونها وهي مصدومه
مريم...ها علي وصلنه يا عيون وكلب علي اي وصلنه يلا تعالي انزلي خلينه نروح لشقه
مريم...بعد ما فزيت ع ايد تلعب بخدودي نسيت اني وي علي حسبالي بيتنه نزلت طلعنه لشقه وصلنه وعلي كاعد يفتح بلباب طلعتنه مرة جبيرة من الشقه البصفنه
ام مسلم...ها ولك علي هاي يمته جايلبغداد وهاي منو الوياك
علي...هلا خاله والله هسة اجيت هاي شوفت عيونج وهاي الحلوة مرتي
ام مسلم...يا جا ولك ازوجت من يمته مزوج
علي...وهو يضحك اي خاله ازوجت اليوم يوم الج وافرح بيج وصار يضحك بصوت عالي
ام مسلم...يا دهر فرك ماتبطل من سوالف ولك اني مرة عجوز ويني وين الزواج
علي...ميخالف الكالج شايب 😂😂
ام مسلم...يمه روح روح مرتك شوفها مبينه تعبانه ادخل ارتاح واذا ما متعشين اسويلكم عشة
علي...لا خالة تسلمين ما نريد عشة هسة اني انزل اجيب ما اريد اتعبج يلا تصبحين ع خير
ام مسلم..وانته من اهل الخير اي شي تحتاجه اني يمك لا تخجل مني ابني
علي...تسلمين ادري بيج ماتقصرين وفتحت باب ودخلت لشقه
مريم...منو هاي المرة
علي...هاي جارتي ام مسلم اعرفها من ايام الكليه خطية جانت داءما تطبخلي لو اجي اكل يمهم عندها بس مسلم مزوج وعندة ولد وزوجها مستشهد من زمان
مريم...يا خطية بس مبينه خوش مرة
علي...اي هي خوش مرة
مريم...من دخلت شقه شفتها اول ما ادخل مثل صاله بيها تخم ومعرض زغير عليه تلفزيون وبعدين مطبخ وآخر شي غرفه نوم بس هي متروسه تراب يمكن محد منظفها ذبيت عبايتي ع تخم وحجابي احس روحي اختنكت جنت لابسه تراك عادي لونه نيلي وبيه بزونه😂شفته علي شغل الاضويه دخل لغرفه
علي...تعالي شوفي غرفه هاي خلصت دراستي بيها
مريم...دخلت واني متوترة ما اعرف ليش شفت غرفه بيها جرباية وكنتور بس زغير وميز مراية وجراارت يعني حلوة شافني متوترة
علي...حبيبي مريم لاتتوترين اخذي راحتج لاتخافين ما راح اسويلج شي اذا ما سويتلج عرس ولبست البدلة حالج حال البنات ما راح اتقربلج صحيح هسة ما اتحمل من اشوفج بس ما اريد اتقربلج اذا ما لبستج بدلة وعد
مريم...ارتاحيت من حجة هيج فعلا هذا الإنسان ملاك حسيته ربي وداه اليه هدية ما اعرف شسويه شبكته وخليت راسي ع صدره شفت كلبه يدك سريع
علي...شو انتي تتحارشين هههههه يلا انطيني تصبيرة قبل ما انزل اجيب اكل ناكل
مريم...ومالحكت ارد الا وشفايفه ع شفايفي اول مرة امر بهيج شعور حلو ما لامسني رجال ولا مجربه هيج شعور حسيت روحي طايرة بسمه
علي...من بستها شفتها اجاوبت وياي وذابت دفو انفاسها وشفايفها موتني فقدت الا شوي اخلف بوعدي ابتعدت عنها شفتها كوه تتنفس واني اباوع ع عيونها اشلون ذابله كلتها اذا بقيت شوي ما راح نسوي عرس😂😂
مريم...واني خجلانه ارفع عيني بعينه ما اعرف شسوي بهيج موقف
علي...حبي لا تستحين مني بعد صرت زوجج يلا راح انزل اقفلي الباب هسة شوي واجي
مريم...اوكي راح انظف الغرفه لان ما استحمل انام وبيها تراب ع ما جيب الاكل
علي..واني همين ما اعرف الا غرفه نظيفه خوش انتي نظفي بس غرفه وباجر نكمل الباقي
مريم...بعد ما راح علي بديت انظف غرفه شلت فراشها نكته غسلتها شغلت مروحة عليها فتحت شبابيك مسحت ميز المرايه شفت معطر موجود جايبه وياه علي رشيت منه خليت مروحة تشتغل واني رحت هيج بس غسلت شوي اصحصح ماعندي ملابس اغيرهن باجر اخلي علي يجيبلي ملابس
شفت فتح الباب
علي...ماردت اتقربلها بدون ما اسويلها عرس ما اريد انقص عليها شي حتى لو عرس بسيط مهم ما اخليها بنفسها نزلت اجيب عشة رجعت فتحت باب لان مفتاح بيدي لكيتها بيدها وصله تنكت بتراب اجيت لأزمت اديها ذبيت وصله
تعالي اكلي لاحكة ع تنظيف باجر نكمل يلا
مريم...لكيته جايب كباب وتكه ومعلاك احب هذا الاكل وجنت جوعانه كعدنه ناكل اني وياه وضل يغازلني ويوكلني صدك حسيت بدلال بعدين كملنه خليت باقي بثلاجه شفته غسل راح لغرفه غسلت اني همين رحت بوراه لكيت مخلي ايده ع عينه ونايم ع جرباية اجيت يمه نمت حظني ونمنه لان تعبانين.......
يتبع....
