# البارت ٧
#حب بالصدفة
مريم....الوحدة الاعيش بيها خنكتني ماعندي واحد احجيله ولا واحد يسمعني اهلي كلمن مشغول اخواني كلمن وي مرته اخوية وسام بغداد يدرس وامي مرة جبيرة حتى لو حجيتلها ماتفهمني وابوي اخاف منه واني الوحيدة ماعندي اخوات وبعد الصار كرهت حسن دائما يفشلني ويهيني لزمت موبايلي واني افكر اتصل بيه من حقي بنية اريد اعيش هاي التجربه اريد اطلع من واقعي العايشة بيه ايجوز الراح اسويه خطا بس ما اعرف عندي احساس انو هذا مختلف عن شباب مو مثلهم يضحك ع بنات شفت رقمه مسجلته باسم بنية بين الخايفه والمتوترة خاف يطلع موزين وانفضح واكيد حسن راح يكتلني خلاص وبين الاريد اغامر واجرائ ع شي ضغطت اتصال كلبي يدك سريع ع رغم جوء زين بس احس روحي حرانه ايدي ترجف ما اعرف اني كاعد شسوي اتندمت لان اتصلت ردت اكطعة سمعت صوت ولد كالي الو
علي..بعد ما اكلت رحت لغرفتي سمعت صوت موبايلي يدك شفت رقم غريب احساسي كال هاي مريم شلته
الو.الو
مريم...سمعت صوته اول مرة اسمع صوت ولد خفت بسرعة قطعت الاتصال واني ارجف خليت الموبايل مقابيلي
علي...عرفتها مريم رجعت دكيت عليها
مريم...شفت موبايلي يهتز شفته يدك عليه ما اعرف شسوي ورطت روحي احس أسرعت من دكيت بعدين فصل ورا شوية شفت رساله مكتوب ليش مامجاوبين عليه عرفتج مريم جاوبي....
واني المصدومة هذا منين عرفني عرف اسمي صرت مرعوبة اكثر شفته دك مرة ثانية فتحت عليه خط
علي...الو مريم جاوبي اريد اسمع صوتج
مريم...وهي الخايفة صارت دكات كلبها مسموعة ماتعرف شتحجي هي ورطت حالها جاوبته
الو...
علي...وهو يحس نفسة اسعد واحد بهاي اللحظة الصارلها يومين شاغلة كل تفكيرة واخذت كلبه وأخيرا سمع صوتها
خفت ما راح اتخابريني واني هسة الا ارتاحيت شسويتي بيه وخليتني هيج
مريم...وخجل طغى عليها وحست ماتعرف بعد تحجي كلتله اني اسفه اتصلت بيك عفية رقمي امسحه والله لو اخواني درو راح يموتوني
علي...مريم اني مو من ذولة الولد الموزينين ويستغلون البنية اني واعي و شايف اشكال البنات لاتخافين مني صدكني اني اخاف عليج اكثر من روحي يوم الشفتج بيه اخذتي بيه كلبي ومن صاح عليج اخوج لو ما عيب اكوم اكتله انتي بعد صرتي جزء مني اني ما حببت من قبل بس هسة الا دك كلبي اياج بس يوم تفكرين راح أتخلى عليج
مريم...وهي مامصدكة الكاعد تسمعه انو معقوله واحد هيج يحبني وبنفس وكت خايفة يطلع جذب كلامه خلت ما جاوبته
علي...اي عرفيني عن نفسج اكثر هسة ما عرفت بس اسمج😉شكد عمرج شدرسين
مريم...اني مواليد ١٩٩٧ مبطلة بثالث واخوية بطلني
علي...ليش
مريم...لان عندهم البنية بعد كبرت مايصير بعد اداوم عيب وامي همات مقعدة بقيت اهتم بيها وانته منين
علي..حرامات خطية امج الله يشافيها اني من بصرة موضف بشركة النفط مواليد ١٩٩٠ مريم ليش خابرتيني
مريم...وهي نفسها ماتعرف الجواب شنو السبب الخلها تخابرة كلتله ما اعرف ليش
علي..المهم خابرتيني وسمعت صوتج😍😍اي بعد احجيلي عن نفسج
بقت مريم تحجيله وهو همين حجالها كلشي لحد ما صارت ساعة ع مخابرتهم وهم بعدهم يحجون
مريم...يلا علي اني اترخص بعد راح اروح انام
علي...يعني بعد ما تخابريني
مريم...ما اعرف بس انته لادك عليه لان خاف اخواني يشوفه
علي...اي خوش انتي خابريني واني ارجع اتصل بيج اذكري انو اكو واحد مستعد يضحي بنفسه الج ويدعمج بكلشي
مريم..وهي ماتعرف شترد علي كلتله شكرا تصبح ع خير
علي...وانتي بالف خير احلام سعيدة واقع اجمل دير بالج ع نفسج
مريم..وانته همين باي
علي..باي
مريم...من سدت موبايل وهي صافنه وتذكر شحجو وتبتسم كل ما تذكر كلامه
علي...بعد ماسديته حسيت براحة نفسيه ما حاس بيها من قبل نسيت حتى تعبي من الطريق غفيت واني اذكر سوالفها
٨ صباحا
كعدت من النوم واني ضايج لان راح انزل لدوام واسبوع بعد ما اشوفها اشلون اتحمل 😥لبست زي العسكري خليت المسدس سلمت ع امي وطلعت لبيتهم بلكي اشوفها ومناك اشوف علي رجع من الزيارة سقت السيارة ورحت لبيت عمي
علي..كعدت من الصبح واني اذكر البارحة وابتسم شفت امي كاعدة وابوي صبحت عليهم وسلمت ع ابوي لان ماشفته البارحة كلتلهم لعد نور وين
ام محمد...والله كعدتها الصبح اتكول مريضة ما اداوم
علي...ها شبيها هسة اصعد اشوفها
نور...واني من بارحة ضايجة من عمار وتحكمه بيه وآخر شي من كال اخطبج ما احب واحد يفرض عليه شي قررت اليوم ما اداوم حتى لو اجى اعرف اليوم راح ينزل يلتحق ما اريد اشوفه دخل عليه عليه
علي...ها نوارتي شبيج يعمري
نور...مابيه شي علوش بس شويه تعبانه من دراسة اليوم استراحة جبتلي هدية
علي.. اي لعد اشلون يلا تعالي انزلي تريكي وشوفيها
نور...لا خليني شوي انام بعدين اشوفها
علي...خوش يلا اني راح اروح اتريك وانتي بعدين انزلي
كربلاء😊
مريم...بعد ما كعدت الصبح نزلت سويت ريوك لامي وابوي لان محد يسويلهم ليلى وايمان كلمن اسوي لرجلها وجهالها واني بمطبخ كاعد اسوي بيض اجت ليلى حاولت ما احاجيها
ليلى ...وهي تعوج بحلكها اي بنات اخر وكت كدام اخوهن ويردن زواج والله يالله اشلون بنات مايستحن
مريم...ماحاجيتها خليتها تحجي بوحدها
ليلى..اذا تردين زواج وكاتله روحج عليه اخذي اخوية
مريم...وهي تعرف اخوها سكير وأبو بنات كالت شوفي ليلى لو يبقى اخر رجال بعالم ما آخذة هذا اخوج السكير
ليلى ...وهي المعصبه بسيطة مريم اني اعلمج الا اخليج تترجيني بسيطة...
#يتبع
