Tula Para Sa'yo

Nandito Lang Ako

Dalawang pares ng mga kamay, 

Isang pares nalang ang kumakapit. 

Dalawang buhay, 

Isa nalang ang lumalapit. 

Ako na lang. 

Ako nalang ang masaya sa tuwing tayo'y magkasama

Pakikitungo mo'y nag-iba na

Hindi na ako ang dahilan ng 'yong ngiti at tawa

Saki'y di ka na masaya 

Kaya't kahit gusto ko pang kumapit,

Sarili ko'y di na ipipilit. 

Bibitawan na ang iyong kamay 

Lilisanin na ang 'yong buhay

Hahayaan kang libutin ang mundo 

Na di na ako ang kasama mo

Mahal kita pero pinapalaya kita

Doon ka sa kung saan ka masaya

Subalit kapag isip mo'y biglang nagbago,

Nandito lang ako, naghihintay sa pagbabalik mo. 

Gusto man sabihin na ako nalang,

Bibig ay ititikom na lamang. 

Sa iyong paglisan, ipagpapatuloy ang buhay 

Kakamtan ang pangarap nating dalawa

Kahit di na hawak ang iyong kamay

Dahil mahal parin kita. 

Kaya't kapag nalibot mo na ang mundo at nagawa lahat ng 'yong gusto, 

At naramdaman mong mahal mo parin ako, 

Nandito lang ako, naghihintay sa'yo.