Talk Back and You're Dead!

Chapter Forty-Five

Chapter Forty-Five

"Miss Samantha may mga bisita po kayo," sabi ng maid.

Ibinaba ko ang picture frame na hawak ko. Ang picture namin ni Timothy.

"Sino?"

"Sina Miss dela Vega po."

"Sabihin mo busy ako, hindi ko sila mahaharap ngayon."

"Pero Miss import—"

"Sabihin mo busy ako," matigas kong ulit.

"Sige po Miss," sagot nya at umalis na.

Ang Crazy Trios. Kailan ba sila titigil sa pagpunta dito? I sighed. Two weeks na akong nagkukulong dito sa bahay. Ang tagal ko na nga palang hindi nagpapakita sa kanila. Sa bahay lang ako. Hindi ito sapilitan katulad ng dati. Ako mismo ang may gusto nito. Mas mabuti nang ganito.

Ayoko munang may makita na kahit sino. Si JG lang ang tinatanggap kong bisita.

'knock.knock'

"Come in!"

Bumukas ang pinto.

"Princess?"

"Kuya." Pumasok sa kwarto ko si Kuya Lee.

"Hanggang kailan ka magkukulong dito?"

"Hanggang sa makalimutan nila ako."

"That's not possible."

"Ano'ng oras darating ang damit ko?"

"Princess," he sighed.

"Kailangan ko nang isukat 'yon, bukas na ang party."

"Supposedly three in the afternoon."

"Good. Sina Mama at Papa ano'ng oras darating?"

"Tomorrow morning."

"Okay."

Isasara na sana nya ang pinto pero napatigil sya. "Princess are you okay?"

"Of course I am okay. I am great. Never been better," sarcastic kong sagot.

Ilang beses na ba nyang itinanong sa'kin 'yan? Ilang beses ko nang sinagot ang tanong na 'yan. Syempre hindi ako okay. I am miserable. Ang sakit sakit ng puso ko, hindi ko nga alam ang gagawin ko para mawala ang sakit eh. Si Timothy lang kasi ang gamot. Kisspirin at yakapsule.

"Come here," sabi nya at ibinuka ang dalawang braso nya para sa akin. Tumayo ako at lumapit sa kanya. Niyakap nya ako. "I know what it feels like. I just want you to know that I'm here, always."

"I know Kuya. Thank you."

"No need to thank me."

"Still."

He patted my head and left the room. Bukas na. Bukas ko na malalaman kung sino ang fiance na ibinigay sa'kin ng parents ko. Ang dahilan kung bakit ko iniwan si Timothy. Bumalik ako sa ginagawa ko kanina. Tinitigan ko ulit ang picture namin ni Timothy habang nasa hill kami. Mabuti nalang nakuhanan ko ng picture ang mga sarili namin bago kami maghiwalay.

'knock.knock'

Tsk! Naman! Bakit ang daming kumakatok?! Binuksan ko ang pinto.

"Miss Samantha may bisita po ulit kayo."

"Sabihin mo busy ako."

"Pero Miss—"

"Sa susunod na may maghanap sa'kin sabihin mo, umalis ako."