Talk Back and You're Dead!

Chapter Forty-Nine

Chapter Forty-Nine

JARED DELA CRUZ

"Dude, ano ba talaga ang nangyari?" tanong sa akin ni Vin.

"Ang tagal mong hindi nagpakita tapos malalaman nalang namin na engaged ka na?" hindi makapaniwalng tanong sa akin ni Sun.

"Sa lahat ng babae, bakit si Samantha pa?" reklamo ni Kyo na parang kasalanan ko.

"Tsk! Laking gulo naman nito," komento ni Jack.

Inubos ko ang alak sa baso ko.

"Dude. Si TOP?" usisa ni Dos.

"Siguradong galit na galit 'yon," sabi ni Seven na nag-aalala.

"Alam naman nating lahat kung paano pahalagahan ng gagong 'yon si Samantha. Malamang baka makapatay na 'yon ngayon. Congrats Red, buhay ka pa," biro ni Pip pero seryoso ang mukha.

"Tignan nyo nalang ang mukha ni Red. Sabog," anunsyo ni Mond.

"Mabuti nalang wala ako sa party. Ayokong hawakan si Pinuno habang galit, baka ako pa mapatay nun eh," pasasalamat ni Six.

TAKTE. Nagsalin ulit ako ng alak sa baso ko. PAKSHET YAN. Ininom ko 'yon ng diretso. Hindi ko makalimutan ang mukha ni Samantha kagabi. Parang...para syang namatay. Kung hindi lang sana sya nagmahal ng iba. Kung hindi lang sana nya minahal ang kaibigan ko nagawan ko pa sana ng paraan. Kaya ko rin naman magmahal eh. Isinumpa ko na mamahalin ko ang magiging asawa ko. Kaso ganito ang nangyari.

Alam ko naman simula palang na ipakakasal ako ng mga magulang ko sa iba. Isa iyong tradisyon sa pamilya namin. Kaya naman simula palang noon, kinalimutan ko nang magmahal. Dahil hindi rin naman ako makakasiguro kung kami ng taong mahal ko ang magkakatuluyan. Iyon ay kung nagmahal ako. Hindi ko parin alam ang ibig sabihin ng salitang 'yon. Hindi ko alam kung ano ang ibig sabihin ng pagmamahal. 

Nangako ako noon na kung sino ang ibigay sa'kin ng mga magulang ko, gagawin ko ang lahat para mapag-aralan kong mahalin sya. Para kahit papaano maging masaya ang mapapangasawa ko. Si Samantha. Hindi naman sya mahirap mahalin. Pero sa tingin ko kung magiging asawa ko nga sya, hindi ako sigurado kung mapapasaya ko sya. May isang bagay lang akong nasisiguro, hinding hindi ko sya sasaktan kahit kailan. Poprotekhan ko sya sa lahat ng bagay na makakasakit sa kanya. Lalong lalo na kay TOP, dahil ngayon sya lang ang kayang manakit kay Samantha.

MIRACLE SAMANTHA PEREZ

Tinawagan ako ni Red. Magkikita kami ngayon. Nandito ako sa isang coffee shop, wala parin sya. Tinitigan ko ang maliit na box sa kamay ko. Ibibigay ito dapat ni Timothy sa'kin kagabi. Kung hindi lang sana nangyari 'yon. Binuksan ko ang box at tinitigan ang singsing na may tatlong maliit at kumikinang na bato. Dapat ngayon... nakasuot na 'to sa'kin. Dapat naisuot na ito sa akin ni Timothy kagabi. Gusto kong isuot ang singsing pero wala akong lakas ng loob para gawin 'yon. Alam kong hindi na ito para sa akin.

"Kanina ka pa?" Napatingin ako kay Red.

"Hindi naman," sagot ko. Ibinalik ko ang maliit na kahon sa bag ko.

"Sorry pinaghintay kita," umupo sya sa harap ko.

Pansin ko na meyo basa ang jacket nya. Umuulan sa labas. Hinubad nya ang jacket nya at ipinatong sa katabing upuan nya. Hindi ko magawang hindi sya ikumpara kay TOP. Kung si TOP ay lean and muscular. May pagka-bulky naman ang katawan ni Red. Medyo fit ang puting shirt nya at meyo nabasa ang sa bandang balikat nya. Kumakapit tuloy yung damit nya sa katawan nya.

Mas naging visible pa ang curve ng muscles nya sa shirt nya. Mas maputi din sya compared kay TOP na may pagka-tan ang skin. Pale white at smooth ang skin ni Red. Almost perfect na parang sa babae. Yung mukha nga lang nya, kung hindi sya nasuntok kagabi alam kong perpekto rin ang skin nya 'ron.