နောက်ဆုံးတန်းခုံလေးမှာ ထိုင်ပြီးကြည့်နေတဲ့ ရှုထောင့်လေးကနေကောင်မလေးတစ်ယောက်ကို မြင်နေရသည်။ နားကြပ်လေး တပ်ပြီး ပြတင်းပေါက်အပြင်ကိုငေးနေတဲ့ ကောင်မလေးတစ်ယောက်။ လောကကြီးနဲ့ အဆက်သွယ် ပြတ်နေသလို အတွေးထဲမျှောနေတာ ဘေးကအရာတွေကိုမမြင်တော့တဲ့ ပုံပင်။
ထိုကောင်မလေးဆင်းတဲ့ မှတ်တိုင်မှာမှတူတူလိုက်ဆင်းပြီး နောက်နားခပ်လှမ်းလှမ်း မှလိုက်သွားလိုက်သည်။ မီးရထားသံလမ်းပေါ်တက်ပြီး တောက်လျှောက်လျှောက်နေတာ လာနေတဲ့မီးရထားသံကိုကြားပုံလည်းမပေါ်ပေ။
လက်ကနေလှမ်းစောင့်ဆွဲပြီး လမ်းဘေးကိုဆွဲချလိုက်ကာ နှစ်ယောက်လုံး လုံးထွေးပြီးပြုတ်ကျသွားသည်။ အမြန်ပြန်ထူပေးပြီး
"လမ်းကိုဘယ်လိုလျှောက်နေတာလဲ။ ရထားလာမမြင်ဘူးလား။ သေသွားရင်ဘယ်လိုလုပ်မလဲ။ နင့်အာရုံတွေဘယ်ရောက်နေတာလဲပယင်း။ နင့်အသက်ကနှစ်ချောင်းမို့လို့လား"
"ယွန်း..."
"ကိုယ့် အသက်ဘေးတောင်ကိုယ်မမြင်ဘူးလား။ လမ်းကဘာလုပ်ဖို့လဲ။ ဘာလို့ရထားလမ်းပေါ်တက်လျှောက်နေရတာလဲ"
"ယွန်း နင်ဒီကိုဘယ်ကနေ ဘယ်လိုရောက်နေတာလဲ"
"ငါ့ငါဘယ်လိုရောက်ရောက် နင်နဲ့မဆိုင်ဘူး။ သေတော့မှာတွေ့လို့ဝင်ဆွဲတာ။ ထွေထွေထူးထူး မဟုတ်ဘူး"
ဒေါသတစ်ကြီးတွေနဲ့ ပြောနေတဲ့ ယွန်း ကို ပယင်းလည်းကြောင်စီစီ နဲ့ပဲပြန်ကြည့်နေမိသည်။
"ကျေးဇူးပါ ယွန်း ရယ်။ ရထားလမ်းပေါ်မှာလူလည်းရှင်းနေလို့ တက်လျှောက်တာ။ နားကြပ်တပ်ထားတော့ ရထားသံမကြားလိုက်ဘူး ဖြစ်သွားတာ။ နင်သာရောက်မလာခဲ့ရင်..."
"လုပ်မနေနဲ့။ ကျေးဇူးတင်စရာမလိုဘူး။ သေရွာနှစ်ခါပြန်နေမှာစိုးလို့။"
ယွန်း ဆွဲလိုက်တဲ့ လက်လေးကိုကိုင်ထားရင်း လှည့်ထွက် သွားတဲ့ ယွန်း ကိုကြည့်ပြီးသာ ကျန်ခဲ့ရသည်။
"ယွန်း ကအကြောင်းရင်း မရှိပဲဘာလို့ငါ့နားရောက်နေရတာလဲ"
ပယင်း လမ်းထဲကွေ့ဝင်သွားပြီး သူနေတဲ့ အိမ်ရှေ့ရောက်တော့ ခြံတံခါးကလည်း ပွင့်နေသည်။ ခြံထဲဝင် ခြံတံခါးသော့ သေချာခက်ပြီး အိမ်ထဲဝင်လာသည်။ မီးတွေမှောင်မဲနေပြီး အိတ်ထဲပါလာတဲ့ သော့နဲ့ကိုယ်တိုင်သာ ဖွင့်ဝင်ခဲ့ရသည်။
YOU ARE READING
Desire of the heart
Teen Fictionလေတံခွန်လေးတစ်ခုဟာ လေလာတဲ့အရပ်ကိုဖော်ပြပေးသလို နှလုံးသားဆိုတာလည်းကိုချစ်တဲ့သူတစ်ယောက်ကိုအမြဲတမ်း ညွန်ပြပေးနေတဲ့အရာ တစ်ခုပါပဲ Desire of the Heart ♥......... By #Crayon #Koel
