_ لو سمحت
= أنا ؟!!
_ أيوه أنت
= خير يا أنسة في حاجة
_ إسم الكتاب
= أفندم ؟!!
_ إسم الكتاب الي بتقراه ايه
= دي رواية مش كتاب
_ ممكن تحكيهالي
= نعم
_ احكيلي الرواية
= هنا !!!
_ اه هنا أنت وراك حاجة
= اه ورايا شغل
_ الشغل أهم مني ؟!!
= ايه ؟!!
_ ايه
= أنا آسف بس انا هتأخر عالشغل مش هينفع
_ طب استنى
= ايه دا ؟!!
_ دا اسم الكافية هتروح تلاقني هناك
= وكتبتيه على ايدي ليه
_ عشان كل ما تبصلها متنساش معاد ... هستناك
* ومشيت *
_________________________
* دخلت الكافية إلى كتبتلي عنوانه على إيدي .. لقتها قاعدة لوحدها هناك *
= ازيك
_ إتأخرت ليه
= الشفت كان طويل و ..
_ اطلبلي حاجة اشربها
= انتي لسه مطلبتيش ؟!!
_ ينفع انا اطلب و انت متلقح ؟!!
= متلقح ؟!!!!
_ هاااااااا
= طيب خلاص هطلب خلاص
_ مش هتحكيلي الرواية
= اه بصي بقا .. كان يا ما كان ...
__________________________
_ مالك مكشرة كدا ليه
= مفيش
_ طيب تمام
= استنى هنا
_ ايه
= مش هتزن عليا عشان احكيلك
_ ما انتي قلتي مفيش
= هو انا قلت مفيش بس أنت تزن عشان يكون فيه
_ طيب إعتبريني زنيت .. مالك يا ستي في ايه
= مفيش
_ أزن تاني
= لأ .. قولي مالك يا بيبي بس
_ مالك بس
= لأ .. قول يا بيبي
_ هيييح .. مالك يا بيبي بس
= مش عجباني
_ اقلها ازاي
= قلها بمحن
_ بمحن !!!! ... حاضر ... مالك يا بيبي بس
= مخنوقة
_ معلش
= لأ معلش دي تقلها اما بنت أختك تكسرلك التليفون الي يتحرق على دماغك و انت ماسكه دا
_ المفروض اقول ايه يا ليلى
= اسألني مخنوقة من إيه يا مصطفي ؟
_ طيب مخنوقة من ايه يا ليلى
= منك
_ مني ؟!!!
= انت عمرك قلتلي يلا نخرج نتغدا في اي داهية تاخدك
_ داهية تاخدني ؟!!
= أقول ايه الاهتمام مبيطلبش
_ انتي في مود النكد مش كدا
= اه
_ اممم .. طب استني
= بتعمل ايه
_ بجهز نفسي مانتي مش هتفوكي الا أما تطلعي نكدك كله عليا
= انا عايزة رواية
_ بس كدا ... تعالي معايا
_________________________
_ ليلى أنا جبت رواية جديدة
= انا ورايا إمتحان مش هعرف أقراها
_ هسجلهالك ريكورد و اسمعيها أخر الليل
= هستناها
* و إبتدت رحلتي في تسجيل الروايات الصوتية بصوتي في ريكوردات ليها ... طول أسابيع إمتحاناتها كلها .. رغم الإجهاد و الوقت الا اني كنت بكون مبسوط جدا و أنا شايفها بتعمل ريفيو الصبح على الرواية الي بقراهلها بليل ... *
__________________________
* عدا شهور و علاقتي بليلى بتزيد و بتقوى .. بقت روتين حياتي المهم الي مينفعش يتغير ... وانهردا ليلى بتتخرج .. و انهردا يوم مثالي .. مثالي لكل حاجة *
_ مصطفى !!
= تعالي عايز أديكي حاجة
_ حاجة ايه
= تعالي بس
_ الله !! .. رواية
= إقريها .. هتلاقي هايلايتس كدا على جمل في كل صفحة و في الاخر هتلاقي مفجأتك ...ليلى متقريهاش الا اما تكوني جمعتي كل الجمل
_ حاضر
* ابتسمت زي الأطفال ورجعت البيت .. فصلت مستني مكالمة منها ليومين متتاليين اتعمدت اني مقبلهاش و اديها وقتها .. وفعلا في الليلة التانية لقتها بترن عليا *
_ ساكتة ليه ؟!!!
= ...........
_ عجبتك المفاجأة
= وأنا كمان بحبك
_ حيث كدا بقا تاخدي معاد مع الحج
= ليه
_ ليه ؟!!!
= عايز أكل التوترة عندكو
_ توترة يا مصطفي !!!! توترة !!! مبلاش الكلمة دي بقا
= انا معنديش خال على فكرة
_ والرواية حلوة أوي على فكرة
______________________________،
*اتقدمتلها و إختطبنا و كان يوم كتب الكتاب *
_ ليلى أنا حضرتلك مفاجأة
= ايه ؟!!
* وكنت ماسك في ايدي رواية .. و كان العمل الأول ليا ... و كان بداية كل نجاح بعده *
_ الله .. دي رواية ... أنت إلى كاتبها !!!!!
= دي مش رواية يا ليلى دي حكايتنا
_ ممكن تحكيهالي
* ابتسمت و انا بفتكر أول لقاء جمعنا و جملتها في نفس التوقيت *
_ مش فاضي ورايا جواز
= الجواز أهم مني ؟!!
_ ايه ؟!!
= ايه ؟
#حاجة_سريعة
#رواية
#نانسي_أشرف
رأيكوا 💙🌻🌻
