_ يا حلو صبح يا حلو طُل
= يا فتاح يا عليم يا رزاق يا كريم خير يا ياسر في ايه عالصبح
_ في ايه انتي بقا .. قاعدلك من سته الصبح عشان اشوفك وانتي نازلة رايحة الشغل
= اقول ايه ما انت راجل فاضي وموركش حاجة
_ لا ورايا
= وراك ايه ان شاء الله
_ ورايا أنتي
= انا الحاجة الي وراك !!!
_ لأ .. انتي كل حاجة
= وسع يا ياسر انا فاضية شبهك .. ارجع ارجع لقعدة القهوة و شرب الشاي والجوزة
_ لو عيزاني ابطل الجوزة ابطل و الشاي خلاص مش هشربه تاني
= وسع يا ياسر انا مش فضيالك
_ مسيرك هترجعيلي أنا
= دا بعينك يا ابن الشواربي
* فرحة بتشاغل في حضانة كبيرة في مكان قريب من الحي بتاعها و في يوم وهي بتشتغل لقت باب الفصل بيخبط *
_ سموعليكوووو
= ايه دا الله يخربيتك ... انت ايه الي جابك هنا
_ جاي اشوفك
= تشوف مين
_ مين دا يا ميس فلحة
_ محمود / ردي يا مس فالحة
_ فرحة / دا .. دا
_ محمود / أنا عمو ياسر خطيب المس فرحة
_ فرحة / انت بتقول ايه
_ ياسر / وقريب هنجيب ولد كتكوت شبهك كدا
_ فرحة / ياسر !!!
_ محمود / هستناكي بعد ما تخلصي
_ فرحة / طب امشي
_ محمود / متتأخريش
_ فرحة / امشي بقا الله يحرقك المديرة بتلف
* بعد مدة ياسر فضل على فيها يلف حوالين فرحة ... تقريبا فرحة بتشوفه بشكل مستمر كل يوم و من غير فروق .. مش بتنكر ان ملى حياتها و امها فعلا اتعلقت بيه .. بس المشطلة مكنتش فيها كانت في والدها .. *
_ محمود / خديلي معاد مع الحج
* فضلت مكتومة طول اليوم .. تبصله وساكته و مش بتتكلم لا بترفض و لا بتوافق و لاحتى بتفكر .. في ملامحها جمود ماثل جدا ... وروحت وهي بتفكر هتحل المشكلة ازاي وتاني يوم قررت تقابله *
_ فرحة / ياسر انا لازم اقلك على حاجة
_ محمود : انا الي لازم اقلك على حاجة مهمة اوي ولازم افرحك معايا
_ فرحة : خير في ايه
_ محمود / جالي شغل في الإمارات سنتين وهرجع
_ فرحة / ..........
_ محمود / ايه يا فرحة مالك في ايه
_ فرحة / انا مبسوطة جدا من الي بسمعه بس
_ محمود / بس ايه .. ايه المشكلة
_ فرحة / انا متقدملي ايمن ابن خالتي
_ محمود / ..........
_ فرحة / وبابا موافق عليه
_ محمود / انا ميهمنيش رأي بابا انا يهمني رأيك انتي
_ فرحة / .........
_ محمود / فرحة ؟!!!
_ فرحة / لا مش موافقة يا ياسر مش موافقة بس في نفس الوقت انا خايفة .. خايفة جدا من رد بابا .. وخايفة متقبلش اي راجل بعدك
_ محمود / فرحة .. متقلقيش انا هنحت في الصخر عشان نكون سوا .. انا هبني نفسي و حياتي و هأمنك قبل ما أكون نفسي عشان اكون راجل قد المسؤولية زي ما بتقولي
_ فرحة / وانا مؤمنة بيك
_ محمود / انا مش طالب منك الا الصبر .. الصبر بس يا ست البنات .. هرجع وهنكون سوا و نتجوز و يلمنا بيت بقا و نجيب بنوته تشيل ملامحك كلها
_ فرحة مبنسمة / وهنسميها ايه
_ محمود / فريدة .. عشان زيها مش هيكون ليه وجود
*وعدي سنتين و انهردا يوم الرجوع ... سافر و بذل كل مجهود .. رجع و الضحكة على وشه بتترسم و فجأة اتمحت بهدوء .. سامع جملة سخيفة من العدم بقا ليها وجود *
" فرحة .. اتخطبت .. فرحة اتجوزت .. فرحة حامل يا محمود !!! .. فضل للحظات حاسس بجمود .. الي سامعه دا حقيقي و لا دي تهيؤات ودوخة طيران !! .. تعب سنين و صورة كانت دايما في جيبه محفوظة عشان في وقت ضعفه بيها يستجمع قوته ... امه عياطها على ابنها زاد .. " انا جبنلك وداد و دي بنت حلال "
وبعد مرور سنين كانت خلفت ابنها الاولاني و سمته محمود .. وانهردا كانت في المستشفى واقفة بتتأمل الي حواليها .. كان جمبها جوزها الي ببنته الفرحة مكنتش سيعاه .. بصلها بضحكة بريئة *
_ أيمن / هنسميها ايه ؟!!
_ فرحة / هنسميها فريدة
*نرجع ليه .. واقف بعيد بيراقبها كالعادة رجع لنقطة البداية .. لكن الفرق ان خطوة القرب معدومة ... انهردا عدى على رجوعه سنين ... عرف انها سمت فريدة و البنت فعلا شالت معظم ملامحها ... و لسه بعمره بيراقب ... اتجوز بعد ما ملقاش من حل لعذاب قلبه الا بشريك ! معاه هيكمل باقي الطريق ... و اجوز واحدة كانت دايما استبن في حياته و مع الوقت و الاعتياد نشأت حالة اجتياح .. بس فضل قلبه باسم فرحته يدق من غير اي اسباب ...*
_ بابا أنا هدخل حربية
* و بيبص لابنه و بيبتسم بفخر .. ابنه هيحقق الي كان نفسه فيه .. و بعد سنين جه التخرج .. بس مكنتش فرحة قلبه كاملة .. يوم تفاصيله مكنتش باينة .. صباح انهردا كانت الارض مش شيلاه من فرحته بتخرج ابنه ..و الليل جه بخبر قتله و بيته جمب قبرها ... مشيت بهدوء و سرقت معاه فرحته حسس بصوابعه على اسمها المكتوب على القبر و ابتسم *
_ عاملة ايه يا ست البنات
* وعدى سنين *
_ ايه يا بني أدم أنت مش سامع بقالي ساعة عماله بزمرلك
= ............
_ اييييه ؟!! هو البعيد اطرش ولا ايه
= انتي بتقولي ايه يا بت انتي
_ بت !!! جاك بت اما بتك
= لمي لسانك بدل ما أتخذ اجراء مش هيعجبك
_ طب اتحرك انت بالعربية بدل ما ...
= ايوه ... بدل ايه ؟!!
_ بدل ما اروح القسم واعمل فيك محضر
= يااااه .. قسم مرة واحدة !!
_ ......
= انتي إسمك إيه
_ وانت مالك
= ازاي بقا احنا هنحتاجه في المحضر و لا ايه
_ تعرف انك بني ادم مستفز
= تعرفي انك اخرتيني على شغلي
_ تعالى هنا انت مش هتركن في المكان دا .. دا بتاعي
= و انا بقلك هركن هنا
_ وانا بقلك دا مكاني
= انتي اتحدفتي عليا من اني داهية
_ من نفس الداهية الي اتحدفلي منها
= انتي لسانك طويل كدا ليه يا بت
_ هو كدا يلا بقا يا سكر شيل العربية من هنا
= سكر !!!
_ انت هتتحرك و لا اندهلك أمن البنك !
= اه .. يا ريت اصلي انا نفسي رايحة للتهزيق اليومين دول
_ في ايه يا انسة فريدة
= البيه دا واخد مكاني في الصف ومش راضي يحرك عربيته
_ ياسر باشا !!! احنا اسفين جدا يا حضرة الظابط اتفضل
_ نعم ؟!!!
_ لا اتفضل انت عندي كلمتين للأنسة وهاجي لحضرتك المكتب حالا
*ابتسم بثقة وقربلها .. رفعت عنيها ووشها بيحمر بهدوء *
_ المقدم ياسر محمود الشواربي يا .. يا آنسة فريدة
*والبداية كانت احنا والنهاية كتبوها عيالنا *
#وعدي_سنين
#نانسي_أشرف
#فقرة_quick
يلا إعملولي متابعة عشان ينزلكوا كل الي بكتبه و فرحوني 💜
متبخلوش عليا برأيكوت لأنه يهمني جدا جدا جدا وشكرا لكن الكومنتات الي اتكتبت في الاسكريبتات الي فاتت شكرا جدا ليكو ❤❤
تابعوني 🌚
