_ كابتن .. كابتن
_ آيوه يا أنسة .. خير ؟
_ هو فين تيم الباسكيت ؟!
_ تيم الباسكيت ؟! بس انتى قصيرة
_ نعم ؟
_ اقصد ان الباسكيت عاوز ناس طويلة و ..
_ لا على فكرة انا طويلة
_ كام سم ؟
_ 156
_ طب عَليّ صوتك و إنتي بتقوليها الاول
_ على فكرة مش بالطول و بعدين انت مالك أصلا ؟!
_ اممم .. طبعا بس في رياضات تانية ممكن تمارسيها غير الباسكيت يا آنسة
_ لا انا عاوزة باسكيت
_ طااب تمام تيجي نعمل challenge ؟
_ ازاي ؟
_ هتلعبي قصادي وهنشوف قدراتك
_ ايه الي بتقوله دا .. وبعدين ملكش دعوة العب الرياضة الي بحبها مش انت الي هتحدد
_ ايه دا هروب ؟
* رجعت تعترض طريقه *
_ لا إسحب كلامك ... انا مبهربش
_ خلاص يبقى نبتدي
* وابتدا الدور ... وبعد فترة كان علي بيضحك بمرح *
_ طولك دا فظيع فظيع هيودكي تعلبي في اللومبيات يا بنتي والله
_ انت بتهزر ! على فكرة بعرف العب احسن منك
_ يا بنتي انتي مجنونة انا فايز عليكي بفرق 12
_ علشان انت اطول مني
_ انتى الاوزعة
_ متقوليش أوزعة !
_ طيب خلاص تعالى نشوفلك لعبة تانية
_ لأ .. انا عاوزة كابتن عليّ الي هما قالولي عليه
_ كابتن عليّ ؟!! انتِ اول مرة تيجي هنا ؟
_ آيوه
_ طاب يا ستي وعاوزة ايه من كابتن عليّ
_ وانت مالك انت دا انت رخم أوي
_ تعالي بس
_ سيب ايدي لو سمحت
_ كل دا علشان خسرتي
_ مبحبش حد يقولي يا أوزعة !!!
_ طااايب خلاص آنا أسف دا لو هيرضي روح برج خليفة الي جواكي
_ هاها .. سكر سكر
_ تعالي هنا بقلك رايحة فين
_ داخلة النادي
_ داخلة النادي ايه يا حجة انهردا اجازة
_ اجازة !!!
_ والنبي اجازة
_ طب هو انت هنا بتعمل ايه ؟
_ ......
_ مش المفروض كابتن عليّ يكون هنا بردو ؟
_ هو انتي مبتفهميش يا آنسة ...
_ ليلى
_ اه اسم جميل هو انتي ميتفهميش يا آنسة ليلى ؟!
_ ايه دا احترم نفسك
_ نزلي بس الصباع الي هيخش في عيني دا و ركزي كدا مش عاوز غباوة
_ اه
_ انهردا اجازة و مفيش حد نهائي من اعضاء التيمز موجود
_ اه
_ والمفروض قالولك ان الكابتن عليّ هو الوحيد الي بيكون موجود حتى في الاجازات
_ آه
_ دا مش بيخليكِ تلاحظي حاجة مثلا ؟!
_ ااه .. جاي تقابل الكابتن عليّ زيي ؟؟
_ يختااااااي
_ ايه ؟
_ انا كابتن عليّ انا كابتن زفت
_ ايه ... انت .. انت كابتن علي ؟؟!
_ اممممم
_ وقلتلك مالك و ملكش دعوة
_ ورخم وظريف !
_ انا .. انا اسفة جدا والله مكنتش اعرف انك..
_ اشششش تعالي ورايا
_ فين
_ ايه يا حجة مالك اهدي كدا
_ لا يا اخويا و انا ايش عرفني ما يمكن تخطفني !
_ اخطفك !! .. دا باينلي أنا الي اتخطفت !
* وبعد مرور عدة سنوات *
_ يلا يا تميم شد نفسك .. واحد .. اتنين .. تلاتة
_ الولد لسه صغير يا عليّ على البتعمله فيه دا
_ الواد لو طلع قصير انا هفورك
_ الله دي جينات ايه هنعترض ؟!
_ لا يا اختى منعترضش مهو هي دي مشكلة الي يتجوز اوزعة
_ تاني اوزعة ؟! ... طب اتفضل بقا هاتلي الاطباق من فوق المطبخ !
_ ليه ؟ مش انتي مش اوزعة
_ لا مهو .. اصل ضهري واجعني
_ لا سلامة ضهرك يا صغنن
_ عليّ
_ قلبه
_ هو انت كنت بتعمل ايه في النادي يوم الأجازة
_ مش فاكر .. كل الي فاكرة إني كنت قاعد و كأني مستنى حد او حاجة تحصل ..اتاريني كنت مستنيكي ♥
********************
_ نانسي أشرف
رأيكوا يهمني جداً جداً ..
