#سكريبت 🌼
_ لو سمحتِ يا آنسة ممكن أقعد
_ لا
_ شكرا جدا
_ ايه بني آدم مش قلتلك لأ
_ اه انا مكنتش باخد رأيك أصلا
_ يسلام
_ اه و النبي
_ عايز ايه
_ اسمك إيه
_ وأنت مالك
_ إسمك جميل يا فرح .. في كلية ايه
_ دا تحقيق !
_ حلوة كلية آداب
_ مدام عارف دا كله بتسأل ليه
_ عشان ابينلك اني واد روش وعارف عنك كل حاجة
_ وبعدين ؟
_ انا شفتك مرة بتطلبي لاتيه
_ وبعدين ؟
_ فأعجبت بيكي و من الآخر عايز عسيلي يغني في فرحنا والكل يهيص
_ انت مجنون يا بني انت و لا ايه
_ عارف انك هتحبيني
_ حلوة الثقة
_ انا حلو في كل حاجة
_ لا يا شيخ .. دا انت حكاية بقا
_ مستعد أحكيهالك كلها
_ بس انا ورايا محاضرات
_ هستناكِ هنا في الكافية
_ تمام
_ فرح .. اوعى متجيش
* خلصت محاضراتي وانا بزق في الساعات عاوزاها تخلص .. كنت مستغربة من لهفتي لسماع حكايته لكن فسرتها انه مجرد فضول عادي لشخص غريب .. *
_ جيتي
_ ايه حكايتك
_ بصي يا ستى أنا مهندس ديكور على الرف
_ يعني ايه على الرف
_ يعني انا معلق الشهادة على الحيطة ومش بشتغل بيها
_ اممممم
_ بس أنا برسم
_ رسام ؟
_ يعني تقدري تثولي بشخبط فابتيجي معايا
_ في حاجة اسمها بشخبط بتيجي معايا أكيد في دماغك بيكون شخص انت عارفه فابترسمه و بتنتج لوحة ليه
_ طب لو مكنتش اعرفه
_ مش فاهمة
_ يعني أنا رسمتك و انا معرفكيش
_ .......
_ مش مصدقاني .. بصي .. دي لوحة كنت راسمها من مدة .. دي انتِ
_ مستحيل !
_ انا مكنتش أعرفك من شهور لكن .. لكن اما جت في بالي لوحة طلعت واحدة معرفهاش نهائي
_ كنت بترسم وحد وطلعت اللوحة تشبهني ؟!
_ لأ ... كنت برسمك
_ ازاي و انت متعرفنيش
_ انا مش فاهم بردو .. انا جات في بالي لوحة و خرجتها لأرض الواقع
_ وبعدين ؟
_ وبعدين شفتك صدفة هنا مع صحابك مصدقتش نفسي بسرعة رسمت ملامح على السريع فوق منديل و حفظتها و اما رجعت البيت إتأكدت انها انتي .. انك لوحتى بعدها عملت ابحاث عنك و عرفت كل حاجة وحددت معاد عشان اظهرلك
_ .......
_ عارف أنك مستغربة يا فرح و عارف أن الموضوع غريب بس ... بس أنا بآمن برسايل القدر
_ وأنا كمان
_ أنتِ رسالتي يا فرح
_ ........
_ ساكتة ليه ؟
_ أنت إسمك إيه ؟
_ أكمل
_ وانت عايز ايه دلوقت يا أكمل ؟
_ انا كنت جاي أقلك أني هتقدملك .. بس كنت حابب أحكيلك كل حاجة قبل حتى ما أقرب لبيتك عشان دا حقك
_ .........
_ انا عارف العنوان على فكرة
* وابتسمت .... عدا سنين على الموقف الي جمعنا دا ... وانهردا افتتاح المرسم الخاص بأكمل في القاهرة ... حلم اتشاركنها خمس سنين مع بعض .. وحلم وصلناله بعد تحديات *
_ فاكرة دي
_ لوحتي ؟!
_ أول لوحة .. و أغلى لوحة
_ تفتكر لقانا كان صدفة وإن تفتكر اللوحة صدفة ؟!
_ القدر ليه رسايل احنا الي بنفك أكوادها يا فرح و انتي كنتي رسالتي اللى اللوحة فكت أكوادها
*******************
_ نانسي أشرف
رأيكواه يهمني جدا .. ♥❄
